شكرا على المعلومات القيمة لو حبيت أغير وأركب أربع جنوط أسبور كوييسين لعربية هيونداى أكسنت الشكل القديم هتكون التكلفة كام والنوع أيه ؟ وشكرا
رقم العضوية : 101005
تاريخ التسجيل : 28May2011
المشاركات : 437
النوع : ذكر
الاقامة : الدقي - الجيزه
السيارة: مفيش أولى عشان يبقى في تانية ..
السيارة[2]: Renault Mégane III E2 2012 - راحت خلاص .. الحمد الله على كل شيء
دراجة بخارية: لا يوجد
الحالة :
السلام عليكم ورحمة الله
طبعا احنا عارفين الجنوط ومعظم الناس بتركبها عشان تخلي شكل العربيه أحلى .. وبيعرضوه عشان يزيد من ثابت العربيه .. ده غير طبعا لو عدنك العربيه جايه بعجل حديد ب أكيد الجنوط هتديك تسارع أحسن و ومسافة فرمله اقل .. غير إن التهويه على الفرمل هتبقى أحسن .. طبعا أنا عارف إني مقلتش حاجة جديدة لحد دلوقتي.. واللي جاي برده مش جديد …
بعد ماالواحد فينا يحوشله كام قرش حلوين ويقرر إنه يروح يجيب جنط .. بيبقى رايح على الشكل والخامه ومابيقاش عارف أي حاجة عالمواصفات الجنوط دي… هتقولي هو الجنط ليه مواصفات ؟؟
هاقولك آه .. اللي كل الناس عارفاه من المواصفات هو مقاس القطر بتاعه 15 انش, 16 , 17 .. الخ … بس للاسف في أكتر من كده بكتير الناس متعرفوش … وبعد ماتصرف الحبه الحلوين اللي إنت حوشتهم .. تيجي عند أول مطب من مطبات مصر الجامدة الحلوة دي تلقي العجل بيحك في الرفرف أو تلقي العربيه فيها اهتزاز جامد على سرعة فوق 100 كم ويمكن اقل كمان وممكن تلقي المساعدين ناشفة أو لفه الدركسيون مبقتش زي الاول … طبعا كل ده بسب عوامل تم تغيرها عن الجنوط الاصليه … والمشتري للاسف معرفش ايه اللي اتغير وراح ورا الشكل والمقاس بس …
تعالوا بقى نبص على المواصفات اللي بتبقى مكتوبها على كل الجنوط ومحدش بيعبرها
الجزء الاول :
• (Diameter)القطر : وده طبعا كلنا عارفينه .. اللي هوا 15 انش, 16 انش ..
•(Width)العرض : ده عرض الجنط الداخلي من اول طرف فيه لآخره وبيبقى 5.5 انش , 6.5 انش , 7 انش..
•(BCD/PCD ) قطر دائرة الترباس : ده المسافة مابين كل ترباسين قصاد بعض .. بصراحة صعب شرحها .. الصوره تغني عن ألف كلمه زي ماال مثل الصيني بيقول …
والمسافه دي بتتقاس بالمليمتر وطبعا دي لازم تبقى مظبوطه على الطنابير وألا الجنط مش هيركب من الاساس .. في بعض الجنوط هتلاقي فيها 8 اخرم ودي كل 4 قصاد بعد بمقاس أو 10 وكل 5 بمقاس مختلف.. وإنت بتركب ال بيركب مع المقاس اللي عندك …
لغيه دلوقتي معظم الناس عارفه الكلام دي … ودي الحاجات الظاهره قدامك .. وإنت شايفها …
في بقى حاجات تانيه الناس متعرفش عنها حاجة … وللأسف المشاكل بتيجي منها والناس مش عارفها سببها ايه ..
• Centre Bore/مركز التجويف: ده القطر بتاع الفتحه اللي
بتدخل في المكان اللي بيركب عليه فتحة الجنط وللاسف كل الجنوط مقساتها اكبر من المقاس الاصلي اللي متركب عشان يركبوا على أكتر من عربيه و وحدة قياسها المليمتر
وده معناه إن بعد التركيب الجنط مش هيبقى محمل عالاكس
والترابيس(مسامير) مع بعض .. لأ ده هيبقى على مسامير بس ومع السرعة العاليه ومطبات و الكلام ده .. هتلاقي العربيه بتهز منك جامد جدا جدا …ومع الوقت هتلاقي الترابيس بتفك ومحتاج تربط ...
طب ايه الحل ؟؟
أكيد سمعنا عن الرينجات .. (Centric Hub Ring)
الرينجات دي ممكن تبقى الومينيوم أو بلاستيك وبتتحط في الفراغ الموجود بين الجنط والاكس …
مثلا أنا العربية عندي مقاس مركز التجويف بتعها 66.1 مم .. والجنط الي عايز أجيبه 73 مم .. ده معناه إني محتاج رينجات بالفرق بين المقسين اللي هو 6.9 مم أو 7 مم …
الأفضل إنك تاخد الرينجات من عند اللي بايعلاك الجنط عشان يركبهملك وقت تركيب الجنط وبيبق شكلها كده
• (Offset or ET)مقياس الأزاحه: دي هي المسافه من منتصف عرض الجنط لغيه دائرة الترابيس وفي تلاثة أنواع منها..
- صفر : المسافه مابين من منتصف عرض الجنط لغيه دائرة الترابيس هي صفر , وده معناه انهم على خط رأسي واحد
- موجب : المسافه مابين من منتصف عرض الجنط لغيه دائرة الترابيس هي موجبه ; ومعناه دائرة الترابيس طالعه لبره الجنط يعني بتقرب من شفة الرفرف وتبعد عن المساعدين
- سالب : المسافه مابين من منتصف عرض الجنط لغيه دائرة الترابيس هي سالبه ; ومعناه دائرة الترابيس داخله لجوه الجنط يعني بتقرب المساعدين وتبعد عن من شفة الرفرف
كل العربيات الدفع الأمامي بتركب جنوط ازحتها موجبه وممنوع تركب سالب .. جرب كده ومع اول ملف العربيه هتتقلب
و عامه 99% اللي في مصر موجب ...
معظم السيارة بيبقى الجنوط الأماميه والخلفيه مقياس الأزاحه بتعهم واحد عشان المصنع يوفر شوية .. بس لو مختلفين يبقى لازم تلزم بيهم ..
طب يحصل ايه لو جبت جنوط مقياس الأزاحه بتعها مختلف عن الاصلي… هيحصل الاتي :
- لو مقياس الأزاحه اقل من الاصلي .. يبقى الجنط هيبعد عن المساعدين ويقرب من شفة الرفرف .. ولو العربيه مش عاليه كفايه بعد التغيير.. العجل هيحك شفة الرفرف من بره
- لو مقياس الأزاحه أكتر من الاصلي .. يبقى الجنط هيبعد عن شفة الرفرف ويقرب من المساعدين .. ولو العربيه برده مش عاليه كفايه بعد التغيير.. العجل هيحك في الرفرف من جوه ويمكن يوص إنه يحك في اجزاء التعليق الداخليه من جوه ..
- لو إنت حظك حلو .. مش هيحصل حاجة من دول
وطبعا كل المقايس دي على أساس إن العرض واحد
طب ايه الحل ؟؟
الحل إنك تلتزم بالمقياس الاصلي .. والعرض الاصلي أو تجيب اقرب حاجة ليه سواء موجب أو سالب.. 2 مم أو 1 مم مش هيفرق .. بس 15مم ممكن يفرقه جامد ..
أو إنك تستخدم فواصل بالفرق في المقياس .. يعني مثلا لو الجنط الاصلي 45+ والجديد +30 .. يبقى إنت محتاج
فواصل +15 مم عشان ترجع زي الاصلي ..
وبصراحة أنا مابنصحش تركبها لأن مع الوقت هتاكل في الطنابير مع الإحتكاك وهاتعمل ازمه ..
لو عايز تعرض الجنط يبقى لازم تحسبها صح (جبنه President) صح الصح) ... محدش يعلق عليها
… لأن العرض دخال في الحسبه... يعني مش تعرض الجنط وتجيب نفس مقياس الأزاحه …
ممكن تدخل تشوف الموقع ده .. هيديك مقياس تقريبي
Wheel Offset Calculator
طب يا ترى ال كلام ده كله فين ؟؟؟؟
الكلام ده هتلقيه في الجنط من جوه محفور عليه .. وفي اغلب الاوقات البايعين ميعرفوش عن الكلام ده حاجة …
الجزء الثاني :
في معظم الحالات لو كبرت مقاس الجنط , يبقى لازم تغير الكاوتش بس مش مجرد إنك تغير وخلاص .. لازم تجيب المقاس ال مظبوط طب ليه ؟؟؟
عشان لازم يبقى مجموع قطر الجنط + الكاوتش هو هو نفس القطر القديم وألا قراية عدد السرعة مش هتبقى صح …
مثلا : العربيه عندي 205/65 R15 وده معناه إن العرض بتاع الكاوتش 205 مم وسمك )بضم السين ( الحائط بتاع العجل 65% من ال 205 مم و القطر الداخلي 15 انش .. طب دلوقتي أنا عايز جنوط 17 ... يبقى اعمل ايه ؟؟
أكيد لازم اقلل ال 65 % دي .. فـهتبقى 55% .. بالتقريب كده كل لما تزود الجنط 1 انش هـتقلل 5% ده لو إنت على نفس العرض .. لأن زي ماقلنا دي نسبه مئويه من العرض ..
والموقع ده هيساعد كتير لو عايز تحسبها …
Tire size calculator
واتمني إني اكون أفدتكم وأي سؤال أنا موجود :)
رقم العضوية : 53590
تاريخ التسجيل : 21Nov2009
المشاركات : 190
النوع : ذكر
الاقامة : الجيزة
السيارة: Volkswagen Passat
السيارة[2]: أكسنت 2001 / 1300 سى سى
دراجة بخارية: no
الحالة :
شكرا على المعلومات القيمة لو حبيت أغير وأركب أربع جنوط أسبور كوييسين لعربية هيونداى أكسنت الشكل القديم هتكون التكلفة كام والنوع أيه ؟ وشكرا
www.facebook.com/pages/The-best-songs/280450028719670
لهواة الأغانى الانجليزية الرومانسية
[mtohg=undefined]http://profile.ak.fbcdn.net/hprofile-ak-snc4/174715_280450028719670_1419055305_n.jpg[/mtohg]
رقم العضوية : 101005
تاريخ التسجيل : 28May2011
المشاركات : 437
النوع : ذكر
الاقامة : الدقي - الجيزه
السيارة: مفيش أولى عشان يبقى في تانية ..
السيارة[2]: Renault Mégane III E2 2012 - راحت خلاص .. الحمد الله على كل شيء
دراجة بخارية: لا يوجد
الحالة :
والله التكلفة على حسب الخامه والماركه والنوع والشكل ... أنا معرفش كل الأنواع اللي في مصر .. ممكن اعضاء تانيين يفيدوك أو اسال في قسم كــماليــات السيـــارات و الإكسسوارات.. أنا هنا كنت بتكلم على الحاجات اللي الناس بتهملها ويحصل مشاكل بسببها بعد الشراء ... شكرا على مرورك
رقم العضوية : 56760
تاريخ التسجيل : 23Dec2009
المشاركات : 706
النوع : ذكر
الاقامة : 6October & Zag
السيارة: Sirion 2010
السيارة[2]: Honda City 09
دراجة بخارية: -
الحالة :
شرح رائع و ممتاز شكرا للك
[gdwl]سـبـحـــان اللـــه وبـحـمــــده .... سـبـحـــان اللــه العـظــيـــم[/gdwl]
رقم العضوية : 22433
تاريخ التسجيل : 17Oct2008
المشاركات : 747
النوع : ذكر
الاقامة : Cairo
السيارة: ان شاء الله
السيارة[2]: Opel Vectra B 1996, 2000cc A/T
دراجة بخارية: no
الحالة :
مجهود رائع
[glow=#bd2f2f]اللهم لك الحمد كما ينبغى لجلال وجهك وعظيم سلطانك[/glow]
رقم العضوية : 72189
تاريخ التسجيل : 03Jun2010
المشاركات : 2,905
النوع : ذكر
الاقامة : الجيزه
السيارة: !!!!!!!!!!!!!!!!!!!!!!!!!!!
السيارة[2]: فيكترا b1
دراجة بخارية: لا يوجد
الحالة :
معلومات قيمه جدا
واغلبنا بيهملها للأسف الشديد
رقم العضوية : 94909
تاريخ التسجيل : 16Apr2011
المشاركات : 1,859
النوع : ذكر
الاقامة : cairo
السيارة: HONDA ACC.98
السيارة[2]: LADA وراحت بعد ماجابتلي خشونة في ركبي
دراجة بخارية: na
الحالة :
مشكوووووور والله يعطيك الف عافيه
اللهم ارحم والدي الرحمة الواسعة وأموات المسلمين أجمعين وأكتب لنا رفقتهم في جنة الفردوس يا كريم يارحيم يا الله
رقم العضوية : 43173
تاريخ التسجيل : 06Jul2009
المشاركات : 1,402
النوع : ذكر
الاقامة : حاليا السعودية
السيارة: مازدا 929 مو89
السيارة[2]: فيات 1100 واتعلمت فيها كل حاجة وبعتها
دراجة بخارية: no
الحالة :
جزاك الله خيرا والعلم نورون والعجل مش حاجة كدة مدورة وخلاص دا الموضوع كبير يانجم وشكرا عالمعلومات القيمة والموضوع الرائع
الحمد لله الذي عافانا مما ابتلي به غيرنا وفضلنا علي كثير ممن خلق وجعلنا مسلمين<!-- google_ad_section_end -->
كن عالما أو متعلما أو محبا للعلم ولاتكن الرابع
رقم العضوية : 30629
تاريخ التسجيل : 20Jan2009
المشاركات : 1,577
النوع : ذكر
الاقامة : El-Haram
السيارة: Rabena yesahel
السيارة[2]: Chevrolet Optra 2010 A/T
دراجة بخارية: No
الحالة :
رقم العضوية : 122945
تاريخ التسجيل : 10Apr2012
المشاركات : 982
النوع : ذكر
الاقامة : Zagazig
السيارة: kia cerato 2012 high line
السيارة[2]: كانت Skoda Fabia 2004
دراجة بخارية: M3andish
الحالة :
أنت جاااااااااااااااااااااااا ااامد ........ ربنا يجازيك بكل حرف حسنة ........ إبسط يا عم ......... كام ألف حسنة ...... اللهم أستجب
أخوك الألمانى
المفضلات