استطلاع : أى المدارس تختار لتعليم اولادك ؟وليه الاجنبى و اللغات ؟

**زينة الله** · 19-06-2010 12:32 PM

الاستطلاع : أى المدارس تختار لتعليم اولادك ؟
1 - مد ارس أجنبية
2 - مدارس لغات
3 - مدارس خاصة عربى
4 - مدارس حكومة

كل سنة وانتم طيببين بمناسبة ذكرى عيد الجلاء بالامس 18/ 6/ 1956 و خروج آخر جندى انجليزى من مصر
فى هذه الفترة من كل عام يبدأ الناس فى البحث لاختيار افضل المدارس و الجامعات المناسبة لاولادهم للتقديم بها
وقد لاحظت أن نسبة كبيرة المعارف والاقارب يقدمون لاولادهم بمدارس اللغات و المدارس الاجنبية و المعاهد و الجامعات الاجنبية
والتى انتشرت بكثرة ( انجليزى - فرنسى - ايطالى - المانى - كندى - امريكى - روسى - صينى ...الخ) بثقافتها المختلفة عنا
ياريت يا جماعة اللى يختار نوع معين يشرح لى وجهة نظره فى اختياره

--------------------------------------------------------------------------------
على هامش الموضوع كان فى غنوة لعبد الحليم حافظ اسمها ذكريات فيها مقطع بيزن دايما فى ودنى كل ما يتفتح هذا الموضوع وهو
" أنا شفت العلم البريطانى بيدنس نسمة اوطانى
منظر حسرنى و بكانى خلانى كرهت اشوف تانى
و فى علمى داريت دمع هوانى "
يا ترى دلوقتى فى كام علم غير العلم البريطانى ، على فكرة دا مش مصادرة لرأى أحد و أرجو المشاركة

**Egyzizo** · 19-06-2010 12:36 PM

أنا قدمت لابنى فى التجريبية لغات ويا رب يقبل السنة دى
ولو ماقبلش هاخليه للسنة الجاية علشان يخش التجريبية لغات برضه.

**1.8Tee** · 19-06-2010 12:38 PM

مدارس أجنبية/لغات

عشان يعرف ياكل عيش لما يكبر....

**Ahmed Selim** · 19-06-2010 12:49 PM

ملحوظة

فى نوع تانى من المدارس موجود بقاله فترة.....وهو المدارس الخاصة اللغات اللتى تهتم بالدين الأسلامى كأساس للتربية.
و دول كنت دخلت بنتى فى واحدة منهم......بس طبعاً هى لسه كى جى 1 و بالتالى بدرى أنى أحكم على المدرسة....بس الكويس فيها أنهم بيوقفوا الدراسة أوقات الصلاة و بيعلموا الولاد الصلاة و القرآن.
الفكرة فى المدارس الخاصة لأكتر من سبب........اللألمام بأكثر من لغة و المستوى العلمى الأفضل من المدارس الحكومية أو المدارس التجريبية......طبعاً كلامى مش معناه أن كل المدارس التحريبية وحشة أو كل المدارس اللغات حلوة....بس فى الأغلب المدارس اللغات أفضل علمياً من غيرها.

**زينة الله** · 19-06-2010 01:05 PM

المشاركة الأصلية كتبت بواسطة ahmed a.maksoud

ملحوظة

فى نوع تانى من المدارس موجود بقاله فترة.....وهو المدارس الخاصة اللغات اللتى تهتم بالدين الأسلامى كأساس للتربية.
و دول كنت دخلت بنتى فى واحدة منهم......بس طبعاً هى لسه كى جى 1 و بالتالى بدرى أنى أحكم على المدرسة....بس الكويس فيها أنهم بيوقفوا الدراسة أوقات الصلاة و بيعلموا الولاد الصلاة و القرآن.
الفكرة فى المدارس الخاصة لأكتر من سبب........اللألمام بأكثر من لغة و المستوى العلمى الأفضل من المدارس الحكومية أو المدارس التجريبية......طبعاً كلامى مش معناه أن كل المدارس التحريبية وحشة أو كل المدارس اللغات حلوة....بس فى الأغلب المدارس اللغات أفضل علمياً من غيرها.

شوف انا مع حضرتك أن المدارس الخاصة فيها التزام اكثر من مدارس الحكومة للاسف و مستواها العلمى افضل
و حكاية المدارس التى تهتم بالدين و تحترمة فدى فعلا موجودة و على فكرة أعرف عندنا مدرسة ادارتها مسيحية
وايضا تحترم وقت الصلاة و تدريس الدين الاسلامى و المسيحى على حد سواء و ربنا يزيد من الخير
لكن لماذا اللغة الاجنبية اصبحت تغنى عن لغتنا العربية و الثقافة الاجنبية والتربية على القوميات الاجنبية
وبعدين نقول ان الاجيال الجديدة ليس لها انتماء ، معلش انتماء لايه بالظبط ، وهى اتربت على ايه من الاساس

**ghabbour** · 19-06-2010 01:05 PM

انا ناوى اودى بنتى المانى ان شاء الله
و كويس انك فتحت موضوع زى ده علشان اخد اراء و نفهم وجهة نظر بعض
اولا المادة العلمية اكيد احسن بكثير
ثانيا التعليم و التربية
ثالثا الشخصية و خصوصا فى الشخصية الالمانى
و احب اعرفكم انا بكالريوس و ضعيف فى الاملاء مثلا
وده الى مش عاوز اشوفة فى الجيل القادم ( اولادى )
وللعلم الشركات الكبيرة كانو الاول بياخدو جامعة امريكية
بعد بااا عندهم عرض كثير ابتدو يقولو جامعة امريكية و شهادات دورات محاسبة دولية
زى cba و غيرها الى انا معرفهمش و الحمد الله
ابتدى يكون ايضا فى عرض كثير
دلوقتى يقول جامعة امريكية و شهادات دولية و ولغة ممتازة مش جيد جدااا
و وثانوية من مدارس ig يعنى دولية ايضا
الكلام ده سنة 2010 امال بعد 20 سنة لما تكبر يعنى 2030 ده لو عيشنا اساسا
مجال العمل هيطلب اية
الايام القادمة لازم تكون حاجة من الاثنين
اما قوى جدااااااا جدااااا ( بطريقة فوق الطبيعى )
او تخدم القوى ده لكى تعيش انت
يعنى الماركت الصغير و الشركات الصغيرة و المحلات كل ده امامة اقل من 20 سنة
بعدين كل شركات كبيرة و انت جزا من الشركات الكبيرة
يعنى مثلا مصانع كبيرة للزيت
و انت متخصص تعمل مثلا غطاء زجاجة الزيت لكل بس طبعا بكميات كبيرة لاكثر من مصنع
فالتعيلم مهم جداااااا وطبعا مش التعليم بتعنا الى بيعقد الاطفال
وكل وزير جاى فرحان بالوزارة و عايز يعمل قانون لمزاجة و يقرف العيال فى الثانوية العامة
و فى الاخر مع احترامى الشديد لكل الطلبة بيطلع مش فاهم 70% من الدراسة
ده ان فهم ال 30%
و ااااااااسف للاطالة

**زينة الله** · 19-06-2010 01:27 PM

المشاركة الأصلية كتبت بواسطة ghabbour

ثالثا الشخصية و خصوصا فى الشخصية الالمانى

هما فعلا بيربوهم على نموذج الشخصية القومية التابع لها المدرسة الاجنبية فى الحالة دى المتخرج منها يعرف يخدم المانيا كويس جدا لكن مش هيقدر يعمل حاجة لمصر للاسف و دى المشكلة المعضلة

وللعلم الشركات الكبيرة كانو الاول بياخدو جامعة امريكية
بعد بااا عندهم عرض كثير ابتدو يقولو جامعة امريكية و شهادات دورات محاسبة دولية
زى cba و غيرها الى انا معرفهمش و الحمد الله
ابتدى يكون ايضا فى عرض كثير
دلوقتى يقول جامعة امريكية و شهادات دولية و ولغة ممتازة مش جيد جدااا
و وثانوية من مدارس ig يعنى دولية ايضا
الكلام ده سنة 2010 امال بعد 20 سنة لما تكبر يعنى 2030 ده لو عيشنا اساسا
مجال العمل هيطلب اية
الايام القادمة لازم تكون حاجة من الاثنين
اما قوى جدااااااا جدااااا ( بطريقة فوق الطبيعى ) يعنى ايه فوق الطبيعى ؟؟؟؟؟؟؟؟؟!!!!
او تخدم القوى ده لكى تعيش انت

بالصورة دى حنفضل طول عمرنا نخدم القوى عشان نعيش و نذاكر هذا القوى و هى دى الكارثة
زى ما كنا فى الجامعة بنذاكر الدكتور مش المنهج العلمى المحدد للمرحلة

يعنى الماركت الصغير و الشركات الصغيرة و المحلات كل ده امامة اقل من 20 سنة
بعدين كل شركات كبيرة و انت جزا من الشركات الكبيرة
يعنى مثلا مصانع كبيرة للزيت
و انت متخصص تعمل مثلا غطاء زجاجة الزيت لكل بس طبعا بكميات كبيرة لاكثر من مصنع

ربنا يستر من اللى بتقول عليه دا و انا معاك فى هذا التوقع كنتيجة للوضع الحالى

فالتعيلم مهم جداااااا وطبعا مش التعليم بتعنا الى بيعقد الاطفال
وكل وزير جاى فرحان بالوزارة و عايز يعمل قانون لمزاجة و يقرف العيال فى الثانوية العامة
و فى الاخر مع احترامى الشديد لكل الطلبة بيطلع مش فاهم 70% من الدراسة
ده ان فهم ال 30%

بس فى فرق بين جودة التعليم اللى احنا عايزنها و بين تطويعه لخدمة قوميات اجنبية اخرى غير بلدنا والله اعلم

و ااااااااسف للاطالة

**ghabbour** · 19-06-2010 01:36 PM

لالا سف بجد هى دى الحقيقة تعالو شوفو النهاردة
مفيش سوبر ماركت عندك فى المنطقة شغال زى زمان
لما بقول قوى
هما كارفور و مترو و سبينس و خير زمان و المحمل و اولاد رجب
و هكذا
انا بقول الكلام ده علشان انا تاجر و بتعامل و شايف انى مع الوقت بنزل مش بطلع
لان الكبير بياخد من كبير و يبتدى يضييع الضعيف
و علشان مخرجش من الموضوع تعيقك بخصوص يخدم المدرسة او البلد التابع ليه المدرسة
فده مفهوم خطا
لانة بيعله يعنى اية واجب و يعنى اية التزام و يعنى اية حقى
فابلطبع لو طلب حقة مش هيلاقيه بسهولة فى البلد دى
بس على الاقل عرف المطلوب منة ادااة و التزامة
و ربنا يستر

**زينة الله** · 19-06-2010 01:49 PM

المشاركة الأصلية كتبت بواسطة ghabbour

تعيقك بخصوص يخدم المدرسة او البلد التابع ليه المدرسة
فده مفهوم خطا
لانة بيعله يعنى اية واجب و يعنى اية التزام و يعنى اية حقى
فابلطبع لو طلب حقة مش هيلاقيه بسهولة فى البلد دى
بس على الاقل عرف المطلوب منة ادااة و التزامة
و ربنا يستر

انا اتفق مع حضرتك كثيرا
لكن لما حضرتك تلاقى السلام الوطنى لبلاد هذه المدارس الاجنبية هى اللى بيسمعها و يرددها اولادك و علم هذه الدول صاحبة المدارس هو اللى بيرفعوه كل صباح ،ممكن يكون علم بلدنا واقف جنبه كده على استحياء
تقول ايه ؟
وهو اللى اتعلم النظم و الالتزام الالمانى مثلا ،
يعرف يتعامل مع النظم المصرية ولا احسن له يسافر يشتغل فى المانيا ان سنحت له الفرصة ؟ يسافر طبعا
طيب لو ماعرفش يسافر و لقى شغل مثلا فى شركة المانية فى مصر يشتغل فيها ولا يشتغل فى شركة مصرية ؟ طبعا اريح له واكسب له الالمانية
طيب الشركة الالمانية دى بتشتغل لحساب مين احنا ولا المانيا ؟ ولو سافر المانيا حيفيد مين احنا ولا هما ؟
وقيس على كده كل القوميات الاجنبية الاخرى مش بس المانيا

فعلا زى ما قلت حضرتك ربنا يستر

-

مشاهدة نتائج الإستطلاع: أى المدارس تختار لتعليم اولادك ؟

الموضوع: استطلاع : أى المدارس تختار لتعليم اولادك ؟وليه الاجنبى و اللغات ؟

LinkBack

أدوات الموضوع

عرض

استطلاع : أى المدارس تختار لتعليم اولادك ؟وليه الاجنبى و اللغات ؟ - انشر الموضوع فى :

-

-

-

-

-

-

المواضيع المتشابهه

الى اولياء امور طلاب مدارس اللغات – مصروفات المدارس

سؤاااااااااااااااااال محيرني ليه وليه وليه !!!!!!!!!!!!!!!!!!!!!!!!!!!!!!!!!!!!!!!!!!

برنامج رائع لتعليم اللغات Rosetta Stone.... اتحدى ان فيه احسن منه !!

تختار ايه بيت الغريمتين سيفيك او كورولا وليه

..:: تختار مين فيهم ؟ (Optra:Lancer 1.3:Sunny:Yaris:City)مانيوال وليه ؟! ::..

الكلمات الدلالية لهذا الموضوع

المفضلات

المفضلات

ضوابط المشاركة