الموضوع: بطارية البرافو باظت

النهارده الصبح نازل فتحت العربيه بدور مش بتدور ويدوبك الشاشه بتلقط بالعافيه وتفصل بعد اول ما احاول ادور
المهم بعد ساعتين من التجارب اتأكدت ان البطاريه جايبه جااااااااااز
مع اني امبارح لفيت مصر كلها من الضهر لحد 1 بليل والتكيف شغال وزي الفل وبطفي وادور 100 مره وفي كام ساعه دول كانت ماتت
المهم كلمت التوكيل قالي اللي عندنا 50 امبير و تمنها 550 من غير ضريبه قولتلو ده مكتوب على العربيه انها 60 امبير بيقولي لا دي 50 واللي عندنا 50 ( اذا كان عاجبك ) قولتلو طب دا انا شاري العربيه زيرو من شهر 9 اللي فات قالي خلاص حنخصملك الكام شهر اللي فاضلين على السنه دول من تمن البطاريه
المهم اتخنقت ونفضت يعني اجيب بطاريه اقل وكمان اغلى قومت نازل على ممدوح غطاطي واشتريت واحده جافه 60 امبير معكوسه ( يعني ال + شمال وال - يمين ) ب 350 جنيه زي الفل والحمد لله شغاله تمام
اللي غاظني ان البطاريه الاصليه marelli magneti يعني ايطالي وتقعد 10 شهور بس مع اني بحافظ على البطاريه ومش بشغل اي حاجه والعربيه مطفيه ولا بسيب حاجه شغاله وانساها ( لان اصلا العربيه مفيهاش الكلام ده )
الحمد لله على كل حال
الدروس المستفاده:-
دائما بتأكد ان لو اعرف اجيب اي حاجه بره التوكيل حتبقى احسن من ان حد يشتغلك وارخص بكتير ( قال كان عايز يديني 50 امبير قال )

المشاركة الأصلية كتبت بواسطة bigwarrior

ممكن اعرف يااستاذ خالد ايه رايك في البرافو وايه كاتوجري اللي معاك وايه رايك في ال150حصان

انا اللي معايا اوتوماتك بازاز فاميه وفوج لايت وبلو اند مي ( ده على ايامي لما جبتها كانت ده الفرق)
ال 150 دي تحفه واوبشن عالي اوي وصباحو جري بس للاسف مانيوال وانا شايف ان الدوال لوجيك ( الفتيس الاوتو ) ده اهم اوبشن عندي واحسنهم وميتعوضش