الموضوع: تعمل إيه لو طلبوا منك تتنازل عن الجنسية المصرية علشان تتجنس ؟

المشاركة الأصلية كتبت بواسطة medo_2060

انا اتمنى يبقى معايا جنسيه تانيه واتمنى اسافر اشتغل بره برضه بس مستحيل اسيب الجسيه المصريه والصراحه انا اتصدمت لما لقيت الاستفتاء اغلبه مختار ترك الجنسيه كنت مفكر اننا بنتكلم ومدايقين من البلد بس منسيبش الجنسيه
والناس الى بتقول اننا متهانين هنا وبره مهما كان هيكون افضل انا شايف دا مش صحيح كليا لان دا اصلنا غصب عننا ولما نعيش بره مهما كان مش هنحس ابدا بالراحه لاننا ببساطه هنكون دخلاء على المجتمع الغريب دا ومش بالبساطه انهم ينسجموا معانا ويعاملونا كاننا من بنى جنسهم ودا طبعا هيكون اسوء مع الصوره السيئه فى العالم عن المسلمين والمصريين
يعنى من الاخر الى مفكر انه هيروح يعيش فى دوله اوربيه او عربيه وهيبقى زى اهل بلدها ويتعامل زيهم يبقى بيضحك على نفسه

حضرتك من المنصوره يعني بلدياتي و اكيد تعرف قريه ميت الكرمه او زي مبيسموها ميت الغرقا اللي هي من اعلي القري في هجره الشباب غير الشرعيه لايطاليا...كت في الاول بقول دول طبقات غير متعلمه و معندهمش فرص عمل كويسه و بيشتغلو بملاليم فحقهم يسافرو و كت بستغرب علي اللي ابنه بيموت في البحر و يبعت ابنو التاني برضو...دلوقت انا باخد قرص الماني في معهد جوته معايا حوالي 7 دكاتره من اصل 17 فرد في الجروب كلهم بلا استثناء جايين ياخدو الماني كأحد اجراءات السفر لالمانيا و من ثم الاقامه هناك و العمل بشكل دائم .. ...دا غير اللي معايا في المعهد وفي مجموعات تانيه... و غير اللي مش عارفين ياخدو الكورس...زي اخويا دكتور عظام و كان عاوز ياخد الكورس و معرفش بسبب الوقت الضيق...شوف حضرتك في كاااام واحد بيحجز امتحان ilet للهجره لكندا..و كلهم خريجين طب و هندسه و طب بيطري و علوم اللي بنسميها كليات القمه و بندفع دم قلبنا دروس عشان ولادنا يدخلوها و في الاخر يلاقو الطريق مسدود مش عشان مفيش شغل ...بس عشان اللي اعلي منهم بيقرفوهم و بيطلعو عينهم و بيتعين و يترقي اابن الدكتور علي حساب اللي عندو كفاءه و في الاخر تلاقي الدكتور عمره ضاع دون تحقيق اي شيئ لا علي المستوي العملي ولا حتي الاسري و لا المادي...ولو ربنا كرمو بقي متصيت فدا مش قبل سن ال 45 -50 ....شوف حضرتك الناس اللي بتمتحن toefl international قد ايه برضو مهندسين و دكاتره و خرجين علوم..بهدف الدراسه بره و العمل بعد كدا...للاسف مصر بقت بلد الشرطه و وكللاء النيابه اللي بيتعينو برشوه و مقبول و الممثلين و لاعيبه الكوره انما الناس اللي عندها علم.....يا يطلع بره يا يندفن في البلد دي الي الابد...فمعتقدش ان الطبقات دي بالمستوي العلمي دا بتهاجر بالاعداد الكبيره جي وعارفها انها هتتعامل بأسلوب سيء...كلو عارف انو هياخد حقو تالت و متلت و هيعامل كبني ادم له حقوق و واجبات و هعيش عيشه كريمه و يقدر ياكل و يشرب و يتعلم و يركب عربيه و يبقي عندو بيت من خلال شغلو كحق اساسي و مبدئي..مش حلم العمر زي عندنا في مصر.. و اسف علي الاطاله

انا مقدرش اكون غير مصرى لان الرسول عليه الصلاة و السلام وصى علينا و قال (ص) :
(( استوصوا بأهل مصر خيرا فإن لهم نسبا وصهرا))

حدثني زهير بن حرب وعبيد الله بن سعيد قالا حدثنا وهب بن جرير حدثنا أبي سمعت حرملة المصري يحدث عن عبد الرحمن بن شماسة عن أبي بصرة عن أبي ذر قال قال رسول الله صلى الله عليه وسلم إنكم ستفتحون مصر وهي أرض يسمى فيها القيراط فإذا فتحتموها فأحسنوا إلى أهلها فإن لهم ذمة ورحما أو قال ذمة وصهرا فإذا رأيت رجلين يختصمان فيها في موضع لبنة فاخرج منها قال فرأيت عبد الرحمن بن شرحبيل بن حسنة وأخاه ربيعة يختصمان في موضع لبنة فخرجت منه

لا ياراجل هو أنا برد هقعد 12 سنة مشفش أهلي، هما اللي بيجو يزورني ويتفسحوا بالمره .
وذي ماقلت مصر أحلي بلد في الدنيا كفسحة ، بس عيشه صعبة جداً

حيث كدا يبقي انت راجل تمام التمام ...انا قريت في بروفايل حضرتك انك فيزيائي فا اكيد اللي زي حضرتك عمره ميرجع مصر لانك لو جيت هيقعدوك في اي جامعه في معمل متهالك و تاخد 400 جنيه في الشهر و تمضي للطلبه علي كتاب المعمل و تشرحلهم تجربه من ايام الثوره الصناعيه و تكرش و تأتب و يجيلك امراض الدنيا و انت لسه 40 سنه...فحين انك في تخصص بيرفع الدول لساااااااااابع سما و يخليهم يصنعو قنابل نوويه و طيرات و عربيات وكل حاجه مبنيه علي الفيزيا....ربنا يكرمك انت و اللي زيك و ترفعو راسنا برا...كفايه اللي في بلدنا و حطو راسنا في الطين قدام العالم كلو

الحالة

رابط المشاركة
اقتباس
المشاركة الأصلية كتبت بواسطة x512




لو كدا انا مستعد اهاجر علي هناك اول مخلص كليه....انا هندسه قسم ميكانيكا و هتخصص سيارات ان شاء الله....اروح اشتغل في بروتون...شركه محترمه و ناشئه و هتعلم فيها كويس و ممكن بعد كام سنه الواحد يسافر المانيا او ايطاليا او امريكا علي سبيل المزيد من الخبرات....و اصيف في ماليزيا و اجي اخر اسبوعين في الصيف اقعد في جمصه



للأسف ماليزيا لا تقبل مهاجرين و ليس فيها نظام إقامة دائم (جرين كارد) كل ما عندهم هو نظام "ماليزيا بيتي الثاني" وهو أن تضع مبلغا من المال رهن عند الحكومة و يأتيك رزقك من خارج البلاد حيث لا يسمح هذا البرنامج بالحصول على "تصريح عمل" ولما تقرر تغادر البلد تسترد المبلغ المرهون


يعني حلها الوحيد إنك تتجوز ماليزية , وعلى فكرة ماليزيا لا تسمح بإزدواج الجنسية , يعني لازم تتنازل علشان تتجنس بالجنسية الماليزية

وبالنسبة للمصريين نحصل على الفيزا في مطار كوالامبور و لا نحتاج لزيارة السفارة في القاهرة
والفيزا لمدة 3 شهور ,ولو قعدت يوم واحد بعد كده تدخل السجن

شكرا علي المعلومات المفيده ....بس ايه هو مصدر حضرتك؟

المشاركة الأصلية كتبت بواسطة x512

حيث كدا يبقي انت راجل تمام التمام ...انا قريت في بروفايل حضرتك انك فيزيائي فا اكيد اللي زي حضرتك عمره ميرجع مصر لانك لو جيت هيقعدوك في اي جامعه في معمل متهالك و تاخد 400 جنيه في الشهر و تمضي للطلبه علي كتاب المعمل و تشرحلهم تجربه من ايام الثوره الصناعيه و تكرش و تأتب و يجيلك امراض الدنيا و انت لسه 40 سنه...فحين انك في تخصص بيرفع الدول لساااااااااابع سما و يخليهم يصنعو قنابل نوويه و طيرات و عربيات وكل حاجه مبنيه علي الفيزيا....ربنا يكرمك انت و اللي زيك و ترفعو راسنا برا...كفايه اللي في بلدنا و حطو راسنا في الطين قدام العالم كلو

لا.. بص إنت فهمتني غلط...لست أنا هذا الرجل ،physician يعني دكتور ، داه غير physicist اللي هو عالم الفيزياء .
هو أنا هنا أخر سنة طب ،ومفروض مكتبش أو مقلش اني دكتور قانوناً غير لما اتخرج . دة علي النظام هنا . بس لو علي مصر فكل المهن دكاترة ، وكل واحد دكتور في تخصصه،،وبما اني مصري فانا كتبت كدة .

لا.. بص إنت فهمتني غلط...لست أنا هذا الرجل ،physician يعني دكتور ، داه غير physicist اللي هو عالم الفيزياء .
هو أنا هنا أخر سنة طب ،ومفروض مكتبش أو مقلش اني دكتور قانوناً غير لما اتخرج . دة علي النظام هنا . بس لو علي مصر فكل المهن دكاترة ، وكل واحد دكتور في تخصصه،،وبما اني مصري فانا كتبت كدة

يا باشا مفيش مشكله......برضو ربنا يكرمك و ترفع راسنا