الموضوع: سؤال هام للأخوة اللى عندهم FRV 1500 cc

المشاركة الأصلية كتبت بواسطة amigo_magdos

انا حاسيت بنفس المشكلة جدا, انا اخويا لسه مستلم العربية من كام يوم. و نزلت اجربها معاه. السحب مش مضبوط. العربية مكتومة و لازم اكبس بنزين جامد. و لما اكبس جامد تسحب مرة واحدة, بس مش ساحبة 100 حصان خالص. دا انا راكب افيو كاني راكب ب م جامبو. في حاجة غلط، زي ما يكون سينسور البنزين او حاجة كده. لو حد عندو فكرة عن المشكلة ديه يريت يفدنا. و انا اول ماروح الصيانة هاقولوكو عملت ايه

فى الحقيقة انا كنت فى مركز خدمة القطامية امبارح و كنا فى اجتماع مع المهندس جون و اشتكيت له من المشكلة دى و قالى ان السبب ان البزين فى السيارة دى كهرباء غير الموديلات اللى قبل كده كانت سلك و ده سبب التأخير فى رد الفعل و اكد لى ان اداء السيارة سيختلف بعد صيانة ال 2000 و انا فى انتظار الصيانة و سوف اوافيكم بالنتيجة بس ارجو منك انك تشارك معنا فى المنتدى و تشارك فى الأستفتاءات اللى بنعملها علشان دى بتفيدنا لان بيكون لها صدى عند القائمين عاة مراكز الصيانة .

طيب هوا ايه الي هايحصل في صيانة ال 2000 ؟؟؟
بيفتحو حاجة في الكمبيوتر بتعها ؟ هاغيرو حاجة ؟ طيب ليه مينفعش دلوقتي ؟؟
انا الموضوع ده مضايقني جدا, عندي احساس انه اضحك عليا.
سؤال كمان, هو العربية فيها مكنة رفع زجاج ؟ الاعلان كان كده. بس لما استلمت ملقتش مكنت رفع الزجاج.

المشاركة الأصلية كتبت بواسطة amigo_magdos

طيب هوا ايه الي هايحصل في صيانة ال 2000 ؟؟؟
بيفتحو حاجة في الكمبيوتر بتعها ؟ هاغيرو حاجة ؟ طيب ليه مينفعش دلوقتي ؟؟
انا الموضوع ده مضايقني جدا, عندي احساس انه اضحك عليا.
سؤال كمان, هو العربية فيها مكنة رفع زجاج ؟ الاعلان كان كده. بس لما استلمت ملقتش مكنت رفع الزجاج.

بص يا مستر اميجو اللى اتقال لى فى التوكيل ان فى صيانة ال 2000 كم بيتم تضبيط كهربة الموتور و بيظبطوا فيها حاجات بتخلى ادائها احسن بس لغاية ما اشوف ده بنفسى الله اعلم الكلام ده صح ولا لأ - على العموم انا بأعانى من نفس مشكلتك و مش هسيبك و هاعرفك التطورات اول بأول لأننا احنا الأتنين بس اللى عندنا موديل 2010 اللى 1500 سى سى و لو ما اتحسنش الأداء تعالى معايا نروح التوكيل و نخليهم يشوفولنا حل فى الموضوع ده بس مش عايزك تقلق انا فى خلال ايام هعمل صيانة ال 2000 كم و هقولك النتيجة ،
اما بالنسبة لماكينة رفع الزجاج خلى زجاج السيارة الأمامى فقط مفتوح و انت مشغل الموتور و بعدين اقفل الموتور و اخرج و سيب الزجاج الأمامى مفتوح و بعدين اقفل الباب بالريموت اللى فى المفتاح و خليك دايس عليه لمدة 10 ثوانى و انتظر بعدها بجوار السيارة لمدة دقيقة تقريبا هتلاقى الزجاج اللى جنب الراكب الامامى بيغلق ثم الزجاج اللى جنب السائق بعديه و بالتوفيق .

انا اسف مرة تانية يا اخ سونسون بس انا كنت متضايق جدا. على العموم ادينا مع بعض لحد منحل المشكلة ان شاء الله

المشاركة الأصلية كتبت بواسطة amigo_magdos

انا اسف مرة تانية يا اخ سونسون بس انا كنت متضايق جدا. على العموم ادينا مع بعض لحد منحل المشكلة ان شاء الله

حبيبى زي ما قلتك فى مشاركة أخرى احنا اخوات و انا مش زعلان منك خالص و سوف أوافيك بالنتيجة بعد صيانة ال 2000 يوم 6 يوليو انشاء الله و رقمى 0101549682 اتصل بيا لو احتجت اى حاجة و ايه اخبار الريموت اشتغلت وحدات الرفع زى ما شرحت لك ولا لأ ؟
ارجو الأفادة و انا تحت امرك
تحياتى

سونسون باشا. كلنا مستنيين نتيجة الصيانة و يا سلام لو تعرفلنا عملوا ايه تحديدا

المشاركة الأصلية كتبت بواسطة amigo_magdos

سونسون باشا. كلنا مستنيين نتيجة الصيانة و يا سلام لو تعرفلنا عملوا ايه تحديدا

ميعاد الصيانة بكرة إن شاء الله 6 -7 - 2010 الساعة 12 و ان شاء الله بعد ما أخلص هقوللكم على النتيجة و أتمنى انى الاحظ تغير فى الأداء و دعواتكم