الموضوع: شباب شوية استفسارات كتييييير بعد شراء البولو 2001 + صور

المشاركة الأصلية كتبت بواسطة elshrpeny

الله يخليك ويكرمك يا أسامة

بالنسبة للزيوت /
1- زيت الماتور ( ودا أهم زيت فى العربية ) عندك نوعين وهما من نفس الشركة المصنعة
- زيوت كاسترول ( و دى الزيوت الى موصية بيها الشركة المصنعه نفسها فولكس فاجن بأستخدمها فى سياراتها )
دا بقى يا باشا فى منه أنواع و أسعار و أماكن بيعه هتلاقيها فى الموضوع إلى أسمه < أنواع وخصائص ومواصفات زيوت كاسترول >

- و زيوت فيسكو ( برده فى أعضاء هنا جربوها و شكروا فيها و كان أستخدامهم ليها بسبب عدم توافر زيوت كاسترول ساعتها اما الوقتى فهى موجوده فى كذا مكان دا غير انه أرخص شويه من كاسترول و بيعد كيلوات أكتر )

2- زيت الباكم إلى هو زيت الفرامل ( الزيت الالمانى الاصلى ولونه أبيض شفاف و أسمة
a t e ) علبة نصف كيلو و سعره 25 جم تقريباً

3- زيت الباور الخاص بالدريكسيون ( الزيت الالمانى الاصلى ولونه أخضر شفاف و أسمة
g 004 000 m2 ) دا تقريباً سعره 75 جم
و فى نوع تانى أمريكى لونة أبيض شفاف برده ودا يأتى فى المرتبة الثانية بعد الاصلى و أسمة gank وعلبة صفراء وسعره 45 جم تقريباً
وفى نوع تالت لونه أحمر دا أبعد عنه ولو عندك خلى الميكانيكى ينزلهولك وحط واحد من الاتنين بداله لان دا اساساً زيت فتيس أتوماتيك مش باور و سعره 14 جم تقريباً

4- زيت الفتيس ( و أسمة esso 75w90 ) إيـــســـو 90 سعره معرفش بالظبط

و أى خدمة يا باشا

المشاركة الأصلية كتبت بواسطة elshrpeny

سعر علبة زيت الإيسو 15 جم و هتحتاج 3 علب أو 3 و ربع زى ما ميشو قالى فى المشاركة التانية

مش عارف اقولك ايه والله
بجد جزاك الله كل خيير على الافاده الكامله دى وانا الحمد خلصت امتحانات ومنتظر طلوع الرخصه وعلى طول هروح عند حد فاهم اقيس عنده الزيوت واجيب الحجات اللى نصحتنى بيها دى كلها ان شاء الله
شكرا جزيلااا دانا لسه هقرفكم كمان وكمان
وبصراحه مش عارف من غيركم هعمل ايييييييه

وانا خالى وواحد صاحبى لما ركبوا العربيه قالولى الدبرياج واطى اوى وعاوز يتعلى شويه عشان كده هيتعبك جداااا
:(( يتعمل فين ده كمااااااااان