بافكر أبيع السيفيك وأجيب جراند تريوس

**ahmedbeirut123** · 06-07-2010 08:01 AM

هل هي اعتمادية و معمرة

دايهاتسو ماركة يابانى يعنى اكيد معمرة

وبتترخص ملاكى عادى

**أبو عبدالله** · 06-07-2010 12:16 PM

المشاركة الأصلية كتبت بواسطة أبو عبدالرحمن

رحت توكيل كيا ومعرض المصرية في محاولة إن أنا ألاقي عربية كارينز 7 مقاعد أو حتى أعرف ايه امكانية إنها تنزل مخصوص وطلع إنه مافيش في مصر غير الخمس مقاعد وإن الكارينز اللي بتنزل 7 مقاعد بتكون 2000 سي سي ومفيش فرصة إن واحدة تنزل مصر تكون 1600 و7 مقاعد لذا صرفت نظر عن الكارينز ورجعت للمربع الأول وهو الجراند تيريوس،،، ومازلت في انتظار آرائكم بالنسبة للجراند تيريوس وهل هي اعتمادية و معمرة ولا ضعيفة ؟؟؟ وعايز اعرف هي بتترخص ليموزين ولا جيب ولا ايه...
جزاكم الله خيرا

الجراند تيريوس عربية محترمة واعتمادية أكيد ان شاء الله
توكل على الله واستخير وان شاء الله ترزق الخير

**أبو عبدالرحمن** · 06-07-2010 12:53 PM

جزاكم الله خير يا جماعة،، استفدت منكم كتير،،، وأنا فعلا في مرحلة البحث وبيع عربيتي الهوندا يا ريت لو حد قدامه جراند تيريوس حالة الزيرو و ماشية قليل يا ريت يفيدني

**Alios** · 06-07-2010 02:07 PM

بص يا باشا .....

هوا الصراحة الاتنين ( جراند تريوس و سيفيك ) نفس المواصفات من نحية الثبات و الأمان تقريباً .... و من نحية اسعار قطع الغيار برده هيا هيا غالية كالعادة ....

- لكن هناك فروق طفيفة , و احب ابدي بعض الملاحظات :

أولاً التيريوس بلاتينيوم ( خمسة راكب ) و الجراند ( سبعة راكب ) دلوقتي بقوا تقفيل ياباني 100% مش اندونيسي , و الكلام دا من التوكيل بذاته .....

ثانياً : تابلوه السيفيك بجد اشيك من تابلوه التيريوس ... تابلوه التيريوس بسيط جداً جداً جداً , و يمكن اللي يعجبك فيه فتحات التكييف لأنها كبيرة شوية بحيث انها تتوزع على العربية كلها من أولها لأخرها ...

دي الملاحظات ....

-----

التيريوس ( الجراند ) ...... للإستخدام العائلي فقط ... مش بتاعت غرز خالص و لا سرعات و لا الكلام الحمصي دا .....
و انا شايف ان دي انسب عربية لحضرتك ( على حسب طلبك ) ... سعرها معقول ..... عربية واسعة من جوا و مريحة في القعدة .... ثابتة و عالية و ملائمة للشوارع العجيبة اللي عندنا .....

و عند حضرتك برده الكيا السول و الكيا الكارنز ( بس ما اعتقدش ان في منها 7 راكب ) .....

حضرتك بقى لو فكرت في بنزين و قطع غيار و صيانة ... فأسعارهم كعادة الياباني ولعة .... و العربيات الجديدة ياباني او مش ياباني كلها عاوزة بنزين عالي ..... :)

لكن انا شايف ان حضرتك متتنازلش عن السيفيك ...... بجد عربية ممتازة جداً جداً ...... الا بقى لو حضرتك مضطر لبيعها .....

:)