يا باشا النيو اسيراتو بتعدى ال 170 مع اى حد على اى طريق نظيف ,متخاطرش و تجرى على اى حته فى الدائرى (لانه فى حتت وحشه اوى )و فى حتتين نظاف وحده منهم فقط تقدر تقفل عداد اى عربيه مش السيراتو فقط و فى الحته دى انا جبت 205 بكل سهوله و كمان بسرعه ومن غير تعب و التجميع كان سريع عكس طريق مصر اسكندريه الصحراوى جبت ال 205 بالعافيه مووووووووووووووت و مسافه طويله و كمان وقت من 170 لحد ال 205 كتير و بالزات من ال 180 .
يعنى متجيش فى مطلع جامد و عاوزها تقفلك عداد كمان (حرام عليك اى عربيه مش هتجيب اكتر من كده )
هل الهوا ضدك
هل العربيه حالتها كويسه و مفهاش مشاكل و بعملها صيانتها الدوريه و الا لا
الكوتش و البلى او البيض و الجنوط فيها رفه و لا لا حجات كتير اوى تخلى العربيه متجبش سرعه عاليه تمام.
كمان مونت من اى بنزينه نظيفه و لا لا (مره مونت منبنزينه معفنه العربيه مكنتش بتجيب ال 150 الا بالعافيه لدرجة ان لانوس عدى منى و طار و زعلت اوى ,بس مع التفويله الجديده الاداء الحمد لله رجع تمام .
بعد كده و انا راكب مع واحد صحبى عربيته لقاته بيقولى ان عربيته ال 128 بتجيب 170 موديل 92 قلتله واسعه شويه .قالى طب بص فى العداد و فعلا كانت 170 و بتزيد كمان.و دى كانت نفس المنطقه اللى انا جريت فيها بالصدفه ,بصيت عليها كويس و عرفت السر(السر فى الطريق و ليست العربيه ).و فى الاتجاه المقابل مظنش انك ممكن تجيب اكتر من 180كم\ساعه بالعافيه .
على فكره الستب ترونيك فى النيو السيراتو زى الاوفر دريف بيجنن العربيه و يا سلام لو حطت لها بنزين 95 هتجنن اكتر و كتر .
الرجاء عدم الجرى و الهدوء اثناء القياده لسلامة الركاب و الحفاظ على الحياه ,و شكرا
و السلام ختام
المفضلات