الموضوع: استهلاك البنزين نار و معرفش السبب و ارجو المساعدة

المشاركة الأصلية كتبت بواسطة semsem kane

شو ياباشا حساس الاكسجين لو فية مشاكل حضرتك ممكن تكتشفها بسهولة جدا انك تقرص بالعربية جامد وتعدى سرعة يعنى 120 ولا حاجة مع القرص لو فية حاجة فى الحساس دة لمبة الاعطال عندك هتنور

انا بجيب سرعة 130 و العربية بتبقى ممتازة

المشاركة الأصلية كتبت بواسطة semsem kane

انا كدة شاكك فى حاجتين :

1: حساس الماب او الماف

2: وحدة الecu بس يارب مايطلع منها

وبالنسبة للرشاشات طالما عندك مافيش مشاكل تقطيع او البوجيهات عليها بنزين نى غير محروق يبقى كدة المفروض تبقى تمام بس ممكن يكون الراجل معرفش يظبطلك ميعاد فتح وغلق الرشاش ودة اللى عايك تتاكد منة ,انك تروحلة وتطلع رشاش برة ويشوف ميعاد الغلق والفتح بتاعة

طب وازاى اقدر اعرف العيب فى مين فيهم و بالنسبة للرشاشات هل موضوع الفتح و القفل ممكن ياثر بالشكل ده و ازاى ممكن يتظبط
كان فى واحد مرة قاللى ان الرشاشات ليها جهاز يسمى انجيكتور و يقوم بعمل برمجة للرشاشات فهل الكلام ده صح

المشاركة الأصلية كتبت بواسطة semsem kane

استهلاك البنزين بيبقى غالبا راجع الى :

1: الرشاشات بتسيل ودية تعرفها عن طريق انك تحط الرشاشات على مكنة الالترا سونيك

2: حساس الماب / الماف لو الحساس دة نسبة ظبطة للهواء الى داخل للمانيفولد مش مظبوطة هيخلى استهلاك البنزين عالى

3: اكشف على التانك ممكن يكون مخروم (وياريت تكشف على التانك الاول) كنوع من الاطمئنان

4: اخيرا وحدة الecu عندك فيها مشكلة

وياريت تقول على حالة البوجيهات عاملة ازاى , العربية وهية ماشية فيها اى مشاكل بتقابلها ولا لأ

الكلام دا هوا النهائى اولا اكشف على التانك وراجع الوصلات كويس جدا وبعدين حساس الماب وبعدين ادخل على الرشاشات

يا جماعة مفااااااااجءة و مش لاقى لها تفسيرررر
امس و انا بفول التانك قولت احط منظف دورة الوقود من نوع ال stp قولت يمكن ينظف دورة الوقود و يقلل الاستهلاك شوية كده و قلت اتكل على الله النهاردة و اعمل شوية مشاوير اشوف فيها الاستهلاك عامل ايه قبل ما ادخل رحلة العذاب مع الميكانيكية لمعرفة العيب و فعلا دورت العربية الصبح فشعرت انها افضل و اتكلت على الله و لقيت تحسن عالى فى السحب و الغيار الاتوماتيك مع نعومة فى صوت الموتور المهم انا ساكن فى منتصف شارع فيصل قمت طالع على الدائرى و منه الى كورنيش المعادى و صولا الى حلوان ثم من حلوان روحت القصر العينى ثم روحت العجوزة و رجعت الجامعة و بعدين رجعت الى كوبرى اكتوبر و منه الى مدينة نصر ثم رجعت الى العجوزة ثم روحت المعادى ثانى و طلعت الدائرى حتى الريوطية هرم ثم مشيت فى شارع الهرم حتى المساحة و بعدين لفيت و رجعيت اثناء هذا كانت السرعة ما بين 60 الى 80 كم و فى الدائرى جبت 110 و طبعا فى اشارات و مطبات و تهدئة يعنى باختصار حبيت احط العربية فى ظروف متوسطة للشغل و اثناء ذلك كنت ابص على عدادات الكم و البنزين فاجد ان مؤشر البنزين تقريبا ما بيتحركش قولت عليه العوض ادى كمان مؤشر البنزين و العوامة طاروا وانا مروح فت على البنزينة اللى فى الاوبرج بالهرم و قلت افول و اشوف الاستهلاك المهبب كالعادة وهنا كانت المفاجااااااااة عامل البنزين جيه يزود بنزين لقى العربية فل قالى يا باشا العربية مفولة قولتلوا يا راجل قول كلام ثانى ازاى اللى انته بتقولوا ده انا عامل مشاوير بالعربية النهاردة عملت يجى 110 كم على عداد الكيلومترات وقلتولوا حاول ثانى و بالعفية خدت 7 لتر منهم اثنين لتر فى الارض من ضغطى على الراجل و بقيت مش مصدق لا انا و لا عامل البنزينة لدرجة انى لما قلتله على المشاوير اللى عاملتها حسيت انه عايز يقلى بطل فشر و هجس
يا جماعة انا فعلا مش مصدق و هل ممكن يكون المنظف هو اللى عمل ده كله فى اقل من يوم
اكرررررررر110 كم باستهلاك متوسط 6 لتر معقوللللللللللللللللللللل للللللللللل و هل سيستمر هذا الاداء و لا بعد ما التفويلة هتنتهى هيرجع الاستهلاك الغبى تانى جاوبونىىىىىىىىىىىىىىىىىىى ىىىى ارجوكم

باعتذر للسادة مشرفى المنتدى الكرام لتكرار الموضوع و لكن السبب كما ذكرت سلفا صعوبة المشكلة التى اواجها مع احتمال ان يكون بعض الاعضاء تكتفى فى بعض الاحيان بدخول القسم اللى يخص عربيته فقط
مرة ثانية اكرر اعتذارى لادارة المنتدى وبعرب عن شديد تقديرى لهذا المنتدى

امال ايه التفسير لمل حدث من تقليل الاستهلاك بالصورة الكبيرة جدا ديه