ممكن ننفس شوية عن الي حنا شايفينه نكتم في قلبنا ليه دي حاحجة بسيطة الي بنتكلم فيها لاكن الواقع اليم ومر
عرض للطباعة
ممكن ننفس شوية عن الي حنا شايفينه نكتم في قلبنا ليه دي حاحجة بسيطة الي بنتكلم فيها لاكن الواقع اليم ومر
علي فكرة مش المصريين بس اللي بيشتكوا كل الناس سواء في دول العالم المتقدمه او العالم الثالث كله بيشتكي لان كل دوله في الاحسن منها يعني الخليج مثلا مش جنه و لا حاجة ممكن يكون احسن من مصر في العيشة بس كفايه الجو و كفايه انك بتبقي عايش في درجه اقل من صاحب البلد لسة زميلي راجع من السعوديه هاجج من هناك و قرفان اخر قرف
و كمان الناس الاوروبيين اللي عايشيين في اوروبا مش مبسوطين من احوال بلدهم و بيشتكوا اعرف ناس هولنديين بيشتكوا ان في الشتا بعض الايام حركه القطارات بتقف نتيجه لنزول الجليد و انهم دوله متخلفه مش زي سويسرا اللي بتمرر تيار كهربي في القضبان علشان تسيح الجليد و حركه القطارات متتأثرشي
و اوربا كلها بتشتكي من ساعه تغيير العمله لليورو ان المرتبات مبقتشي موازيه للعيشة و ان الاسعار ديما في ازدياد يعني نفس الشكوي بتاعتنا مع الفارق طبعا
من حق اي حد انه ينتقد اي شيء شافه غلط في البلد و الغلطات كتير بصراحه و بتدفع اي حد انه يخرج من هدومه مش ينتقد و بس و كل اللي خرج من مصر اكيد خرج علشان الحاجات اللي الناس جواها بينتقدوها
انا مقدر ان اللي عايش برة البلد عنده حنين جامد ليها و دي ميزة البلد دي تعمل مهما تعمل و الواحد برضة قلبه متعلق بيها بس برضة لازم اللي شايف الصورة من برة يقدر شعور الناس اللي جوة الصورة و ايدهم في النار فعلا
الاخوة المسافرين برة لما بيجي مصر في اجازة الصيف بيقعد حوالي شهر بيبقي عارف انه أجلا ام عاجلا ماشي تاني يعني بيبقي الشهر دة اجازة بالنسبة ليه بيخرج يتفسح لكن مش بيعاني زي الناس و هو رايح شغله الصبح و هو راجع اخر النهار و الزحمه و اللي الناس بتعمله في الطريق انا لما باخد اجازة اسبوع من الشغل بحس ان البلد مقبوله و ممكن اعيش فيها بقوم من النوم براحتي و بنزل في المواعيد اللي الطرق بتبقي فاضيه فيها يعني وقتي ملكي مش ملك شغلي فالشهر اللي بيقعده اي حد مسافر بعيد عن مصر مختلف تمام عن الناس اللي عايشة فيها ليل نهار
متزعلشي مني بس دة رأيي
استاذ human 12 ممكن طلب من حضرتك
حاول تقرأ اللي انت كاتبه المفروض انه رد عليا او علي وجهه نظري بس حط نفسك مكاني وشوف هاتضايق ولا لاء من كل الكلام اللي مكتوب والمفروض انه لشخص ماتعرفهوش انا مش عارف ارد اقول لحضرتك ايه بس ممكن حد تاني كان يرد عليك رد مش كويس بس دي مش طبيعتي
تاني حاجه انا بشتغل في فرع شركتي المصريه في قطر وقبله كنت بتنقل من محافظه لمحافظه تاني داخل مصر يعني انا مش تحت كفيل والكلام ده وبعدين كون اني اسافر احوش فلوس اصرفها دي حاجه تخصني ماتخصش حد تاني وانا اعرف اتصرف وافكر لنفسي كويس شكرا لحضرتك ووفر النصايح لحد يكون محتاجها وانا مش هارد في الموضوع ده تاني واوعدك لما الاقي حد بيشتم علي مصر والمصريين وبيقول انهم متخلفين هابقي اشتم عليها علشان مابقاش عايش في وادي والناس عايشه في وادي تاني وشكرا
هو اللي كاتب الموضوع ميعرفش ان اللي باخد فيزا سياحة بنقولة مبروك ؟
دة واضح انة سايب مصر ايام ما كانت مصر 5 مليون
يا عمي هو حد عارف يطلع اصلا، انا شخصيا بمجرد ما يبقي عندي فرصة كويسة برة حخلع اسرع ما تتخيل، و يا سلام لو في فرصة جنسية تانية كمان
و الله انا شايف ان البلد دى محتاجة تتفرمت (دولة وشعب و نظام و حكومة وكل حاجة) وتتسطب من الاول وجديد لان العيب مش فى حاجة واحد العيب بقى فى كل حاجة وربنا ينتعنا بالسلامة من اللى بقينا فية دة
انا عموما مليش مشاركات كتير في المواضيع الي زي دي
لان لو هنغني من هنا للسنه الجايه مفيش جديد
بس في جمله واقفه في زوري وعايز اقولها
دلوقت انتوا بتشتموا في البلد والحكومه والشعب وفي العيشه وفي الي عايشينها
ومش عاجبكم حالها
وكل يوم مصيبه لدرجة اننا بقينا زي الغنم اخواتنا بيتقتلوا وبنتفرج عليهم
انتخابات بتتزور وكل الي يهمنا ازاي هنتفرج علي كاس العالم
جملتي في تلات كلمات بس
حد فيكم فكر ازاي نتغير؟؟؟؟؟
A.Yakout
ومين قاللك اننا هانتغير علشان نفكر ازاي
دي حلقة مفرغة من الجهل (بكل أنواعه) و الفقر و الفساد
لو بدأت بأي واحد الاتنين التانيين هايخلصوا على مجهودك
ما ينفعش تعلم واحد و انت ممعاكش فلوس تعلمه و الفساد مش هايديك فلوس ولا فرصه
و ما ينفعش تقضي على الفساد لأن ما فيش متنورين كفاية ولا ذمم و جيوب شبعانة تقدر تستغنى عن الفساد اللي فاتح بيوت البعض و مديهم الحد الأدني من الحياة و هم بيخدموا الحرامية الكبار
و ما ينفعش طبعا تقضي على الفقر أول واحد لأن الفساد هاياكلك
انسى يا ياقوت
لازم الدايرة تتكسر و تتبعتر و تتعمل من الأول
وده نريا مستحيل لأن في الدايرة مربوط 80 مليون بني ادم مابين فاسد و جاهل و فقير وفي بعض الحلقات المنورة ما بتقدرش تندمج في الدايرة ولو حاولت توقفها ...بتتفعص
فبتضطر تخلع من الدوران لحتة تانية
و دول يتقال عليهم خونة و غير وطنيين
لازم علشان تنال لقب وطني انك تكون "شهيد الوطن"
احمد بيه سامي
الله يرحم والدك ويسكنه فسيح جناته والاعمار بيد الله واكيد ده اجل والد حضرتك
يمكن مدخلناش في مناقشات كتير قبل كده
بس حضرتك من الناس القلائل الي بحترم وجهة نظرهم وكلامهم بيدخل دماغي
بس برضه ميمنعش اني اختلف معاك شويه في وجهات النظر
حضرتك احنا شعب فيه جميع مقومات النجاح وعندنا عنصر بشري يقوم تلات جمهوريات مش جمهوريه واحده بس
في عضو قال في مشاركه قبل كده ان البرازيل (تقريبا) كانت في جهل وكساد ومرض وفي خلال فتره قليله بقيت من الدول الكبيره الغنيه
طيب الناس دي احسن مننا في ايه؟؟
حضرتك قلت بنفسك ان التغيير ممكن بس هنتعب علشان تغير واحد او اتنين من مقومات الفساد والجهل والفقر
طيب هوا واحد بس هوا الي هيغيير؟؟؟
معاك ان ده مستحيل
يبقي دلوقت الاحسن نغير طريقة التفكير
يبقي ندور الاول علي القائد الي يساعدنا علي التغيير ده
والقائد ده هوا الي هيكسر الدايره وهوا الي هيرتبها
بس لازم نتعب شويه ونبقي مستعدين للتغيير
لان القائد ده مش من يوم وليله هيجيلك لحد عندك وتصبح تلاقيه
القائد محتاجلك علشان يبقي قائد
يعني انتا الي هتدور عليه وتجيبه
حضرتك وصلك بقي ايه الي ناقصنا (كبدايه) ؟؟؟؟
بالمناسبه انا من الناس الي عايزه تسيب البلد انهارده قبل بكره
بس البلد دي ليها فضل عليا
اينعم شايف فيها مرمطه كل يوم
بس اكيد مش هنشوف في يوم من الايام اعلان في الوسيط عن حد عايز يبيع وطن او جنسيه
A.Yakout
عارفين يا جماعة اية اللى بيخلينا نشتكى
اننا بلد مش فقيرة والموارد اللى عندنا كنا المفروض نبقى من احسن دول العالم لولا الفساد
لكان لو احنا دولة فقيرة كنا هنسكت لان هى ديى امكانيتنا
لكان مشكلتنا اننا عارفين ان البلد فيها فلوس وامكانيات والفساد هو اللى مسيطر عليها
هوة دة الكلام اللي بقوله من زمان .. الحل الوحيد لمصر ضرب من ضروب المستحيل وهو بتوضيح أكثر إنك تفرغ هذه المساحة على الكرة الأرضية المسماة بمصر من سكانها وحكامها ومبانيها وترجع تعمرها من جديد بناس جديدة وبناء جديد وكله جديد في جديد .. إذا كان دة ممكن يتعمل يبأى فيه أمل .. أما إذا كان كلامي دة مستحيل يبأى للأسف مفيش اي أمل
كلامك سليم يا ياقوت
بس برضه فكرة ايجاد أو خلق او استجلاب قيادة جديدة
تندرج تحت ضغط المآسي الثلاثة
في من الفساد ما يمنع رجل ان يداعب حلم القيادة
و في من الجهل ما يحجب عن الكثيرين كيف يجب ان تكون حياتهم و هم اسياد الناس
ومن الفقر ما يخيف الغالبية من فقد قوتها يوم يسقط البديل
احنا عشنا كتير في ذل لدرجة انه طبع على شخصياتنا
مجرد فرحة واحد على معاملة حسنة مش شرطي مرور في بلد اجنبي ده معناه ان عندنا ندبات في وجه شخصيتنا
و الوجه المشوه لا يبتسم بسهوله يا صديقي
وخصوصا لو كان في يوم
أوسم الوجوه
و اخيرا انا فعلا باتشرف بالحوار معاك لأن المشاعر متبادلة
الاستاذ esam_comm انا رديت عامه لو حالتك خاصه ديه راجعه ان ربنا رحمك من اللى بيشوفوا المصريين بالخارج
يعنى حضرتك فى الخارج و مستريح و شركتك مصريه و عاجباك البلد!! فى راى حضرتك هل هذا الطبيعى و المتداول بين الناس
عشان كده انا فى ردى قلت انه مش موجه لحضرتك بالذات
على العموم طبعا مش المقصود ان تشتم فى البلد و الحكايه مش شتيمه فى البلد الموضوع ابعاده اعمق من كده
وكون حضرتك مسافر تعمل ايه بجد مش من اختصاصى الفكره ان حضرتك مسافر هناك اكيد عشان فلوس (يعنى اكيد طبيعه قطر الساحره مش هيه السبب) اللى يهمنى ان حضرتك مشيت من البلد عشان الفلوس و مش عجبك اللى بينقد البلد!! ده اللى يهمنى
و اللى انا قلته نابع من كل واحد سافر يعمل فلوس و رجع يقول مصر مش عارف ايه و هيه امى و كل ده و بعدين يقعد يتكلم عن ازاى المرور وازاى الخدمات و اكم واكم و فى الاخر يكسر الاشاره و يقف مكان غيره فى الطابور
ده رايى برضه و ده رد عشان حضرتك متخيل ان اللى بينقد البلد متجنى عليها!
لما الناس تشوف مافيش مشكله او ان المشكله بسيطه فى الوقت الراهن يبقى عمرنا ما هننفع عشان الناس مش شايفه المصيبه اللى احنا فيها
مصر لا تملك مقومات دوله و الفساد و النفاق فى كل مكان يستطيع ان يستوعب اى تغيير يطالب به الناس لازم صدمه كبيره تحصل توحد الناس لازم شريحه عريضه من الناس تؤمن باللتغيير عشان تقود المجتمع احنا ماعندناش الشريحه ديه
و اى حد بيفكر بمنطق ماحنا اجسن من غيرنا يبقى ده مسمار فى الوطن من اجل ثبات الحال الى التدهور المستمر
الخوف من التغيير هيودينا فى داهيه
و اخيرا
لعمرى ما ضاقت الاوطان برجالها.....أنما بأحلام الرجال تضيق
مش عارف أضيف الصراحة أقول أيه ؟؟؟
ما الطرفين معاهم حق ،،،
ليا طلب بس ،،، محدهش يشتم البلد ،،،
اللي يشتم بلدي بيشتم ابويا و أمي ،،،،
أنا مبفهمهاش غير كده ،،،،،
و اللي بيبيع بلده برده يبقي بيبيع ابوه و أمه ،،،،
حتي لو ابوه حرامي و أمه عاهرة ،،،،
بغض النظر عن الحوار البيزنطي
أنا شايف إن اللي عايز يهاجر بيفيد بلده برده
فضي مكان ،، هيحول فلوس و يمكن خبرات ،
بس يبقي مؤدب ،،،
لا مؤاخذة محسسني ،،، إن أمريكا و أوروبا بيتخانقوا عليكم !!!!!!
ده اللي عايز يهاجر ،،، بيبيع هدومه و يعمل عجين الفلاحة و يمكن آه و يمكن لأ !!!!
والله ماحدش يقصد يهاجم حضرتك لأن فعلا الناس وصلوا لمرحلة من الخنقة والاحتقان لا يعلمها إلا الله وأنا متفق جدا مع حضرتك على حب الوطن وإنه جزء من فطرة الإنسان بل هو جزء من الدين ، وأيضا متفق مع حضرتك إن كل بلد في الدنيا فيها سلبيات وإيجابيات ومصر أيضا تعتبر كبلد زي أي بلد تانية فيها سلبيات وإيجابيات، لكن ايه شكل السلبيات دي؟ وهل سلبيات ممكن نتعايش معاها ولا مش ممكن؟
لو حضرتك تعرضت للمواقف الآتية حضرتك ممكن تغير وجهة نظرك:
1. تخيل لو حضرتك سايق عربيتك في شارع أول مرة تخشه ومافيهوش ولا يافطة ويطلعلك واحد بيقولك انت ماشي عكسي ويسجلك مخالفة أو تخلص نفسك بإنك تديله اللي فيه النصيب
2. تخيل لو أي مشوار في أي مصلحة حكومية لازم يلففوك كعب داير مع إن الموضوع سهل وممكن يخلص بكل سهولة
3. تخيل علشان تعمل أي ورقة في أي مصلحة حكومية لازم تدفع المعلوم علشان ورقك يمشي ولو مادفعتش خليك مستني.
4. تخيل لو حضرتك شاب في مقتبل حياته وعايز يجيب شقة بدون الاعتماد على أهله شوف هتاخد قد ايه وقت علشان تكون نفسك.
5. شوف المرتبات في مصر عاملة ازاي وشوف الأسعار عاملة ازاي؟ تخيل حضرتك كيلو اللحمة يوصل 60 جنية بل وفي حتت تانية يوصل 80 جنيه
6. تخيل حضرتك بتفتح الجورنال أو أي موقع إخباري مصري وتشوف كوارث كل يوم. وكل يوم بتلاقيه أسوأ من اللي قبله
7. حضرتك سمعت عن قصة الشاب خالد محمد سعيد؟ تخيل لو كان ده ابن حضرتك
8. هل تجولت في شوارع القاهرة وشفت التلوث البشع والزحام الرهيب كل يوم؟ شفت العشوائيات اللي في مصر؟
9. شفت شوارع مصر عاملة ازاي من بلاعات ومطبات وحفر وعيون قطط؟ شفت كمية الحوادث اللي بتحصل يوميا من الشوارع دي؟
10. تخيل حضرتك البلد بتتنهب قدام عنيك وانت لا حول لك ولا قوة.
11. تخيل التزوير بيحصل قدامك عيني عينك وماتقدرش تعمل حاجة.
12. تخيل لو حتة أمين شرطة (مع احترامي لجميع أمناء الشرطة المحترمين) ماعهوش اعدادية ويهزءك ويقولك أنا ممكن أحبسك؟
13. لو حضرتك نزلت شرم الشيخ ولا الغردقة ولا الأماكن دي شوف المصريين هناك بيتعاملوا ازاي والأجانب بيتعاملوا ازاي.
14. تخيل حضرتك بتشرب المياه وعارف إنها ملوثة وبتاكل الأكل وعارف ان هو ملوث.
خلاص مش قادر أكمل خلاص. هل حضرتك ممكن تتخيل البني آدم العادي يستحمل الكلام ده؟
مش هاقولك غير "مصر بلد الفساد"...شوف انت بقى هاتقول ايه وانت شايف كل حاجة حواليك فساد فى فساد والسيئات اكتر من الحسنات بكتييييير
ملخص كلام معظم الناس
ان البلد وحشة ومش منظمة ومش نظيفة ومالهاش مستقبل وانها من سيء لأسوأ
والناس وحشين ومتخلفين ومافيش أمل فيهم
والحكومة وحشة ..... وبلاش اكمل علشان خاطر القاعدة 9 ب
....
طيب ليه نفس الناس كانو زعلانين اوي لما بتوع الجزائر قالو كدة ؟؟؟
ماهم الجزائريين قالوا نفس الكلام .... يعني هما عندهم حق واحنا بنكابر وبس ؟؟؟؟؟
والناس كلها ساعتها كانو بيتغنو بالوطنية والحضارة واحنا مش عرب واحنا فراعنة ومظاهرة بالاعلام ... ولو كانو شافو نملة جزائرية كانو حرقوها بطن جاز ....والدنيا اتملت بكلام كله وطنية وحب لنفس البلد اللي مش طايقينها دلوقت
ولما كسبنا الجزاير في انجولا بقت الناس ( وانا اولهم ) كأنها فتحت عكا وانتصرت على ريتشارد قلب الاسد
....
انا مش لاقي اي تفسير .......
الناس دي بتحب بلدها ولا مش طايقها ولا بتكرهها ولا عاوز تسيبها ولا مش بتقدر على بعدها ولا ايه بالظبط
حد من الدكاترة يقولنا ...... ده حب جلد الذات ولا دي شيزوفرينيا ولا اية ؟؟؟؟؟
:36_1_31:
يا حاج احمد , ادعى على ابنى و اكره اللى يقول أمين خصوصا لو كانوا زى الخضر .
انتقاد الواحد لوضع البلد و تنفسيه عن نفسه ده من القرف اللى بيشوفه لكن ييجى واحد صابغ شعره اصفر و لابس حلف و تيييييت يقول مصر كذا و كذا ! لا مينفعش .
يا استاذ aif لو كنا بنقول مصر كذا وكذا فده لاننا مش عايزينها تبقى كدة.. وادى حضرتك شايف الاحتقان االسياسى اللى احنا فيه دلوقتى...البلد انقسمت لحكومة وشعب والاتنين بيكرهوا بعض و الامور مش طبيعية خالص وعكس سنة الحياة ودة اللى بيخلينا ننتقد الوضع....بس لو حد من برة فتح بقه ياخد على دماغه لان دى سيادة دولة(التى تكاد تكون معدومة فى الوضع الحالى)
زهقان من ابوها وبلعنها في كل كتاب وكل ملة
ولما تنادينا تقلي يابني تعالي
ققلها انا جي يا أمه
وبشتم فيها واللي فيها
وتلاقيني لما حد يشتم عليها الشتمة
ادوب في لحظة في قهاويها وحواريها
[mshosh1]http://[/mshosh1][QUOTE=hamdy;3872804744]زهقان من ابوها وبلعنها في كل كتاب وكل ملة
ولما تنادينا تقلي يابني تعالي
ققلها انا جي يا أمه
وبشتم فيها واللي فيها
:verygood::verygood::verygood:
ولا غريب ولا حاجة
انا مش قصدي المعنى الوحش تحديدا في المشي البطال
بس هو نفس الشعور
انك بتحب البني ادم و شايف انه "من جواه" كويس بس للأسف كل حركاته و همساته مخجله ليك لأنك مرتبط بيه
وده بيعمل شعور متناقض ممكن أحيانا يديك حمية للدفاع عنه و أحيانا ثورة غضب و كره ليه
لأنك نفسك تشوف البني ادم ده بس بطباع تانية
زي مصر كده
بلد جميلة و غنية و أهلها ناس طيبة
بس بقت قبيحة و متعبة فقيرة و خاينة و اهلها اتغيروا من اللي بيتعمل فيهم
فلما تلاقي حد يتكلم عليها ...تزعل من الكلام
وتزعل أكتر من انه حقيقي
و بينك و بين نفسك تزعل منها
عشان مشيها البطال
جايبك ورا
ايون كدة
بانو على اصلكم :verygood:
لازم يعني نجيب سيرة الجزاير علشان تعترفوا
اعترفوا يا مغرضين :w6266d
انتو بتحبوا بلدكم بس مخبيين
بتحب بلدها :Ob_mak1[1]:اقتباس:
الناس دي بتحب بلدها ولا مش طايقها ولا بتكرهها ولا عاوز تسيبها ولا مش بتقدر على بعدها ولا ايه بالظبط
و جلد الذات علامة قد تكون صحية :khd:
انا لو جبت لحضرتك النهاردة شوية مقالات من جرائد امريكية بينقدوا نفسهم بشكل بشع
و بيقولوا هيبتهم راحت و امريكا خلااااص افتقدت حيويتها و قدرتها علي التفكير بشكل مبتكر" ميزة امريكا "
و كلام كتير من ده
تشعر ان هما بيتكلموا عن امريكا تانية غير اللي نعرفها
الفرق بينا و بينهم ايه :10_1_102v[2]:
نقدهم يلقي اذنا و قد يوضع بعضه محل التنفيذ مما يجدد النشاط و يصحح المسار - وفق مصالحهم بالطبع-
انما هنا لأ:36_1_50[1]:
شيئا فشئ و بالتأمل للخطوات المحكمة و تتميز بدهاء بالغ -ليتنا نستغله لصالح الامة-
بدأت اشعر ان الحل بيد ملك الموت:B4_611: