الموضوع: استكمالا لمسلسل النحس

المشاركة الأصلية كتبت بواسطة super_star_h

متخفش الازاز المتسرطن مالوش ضرر نهائى
تجنب بقى المطبات والحتت المتكسره والغير مستويه عشان مش تنزلك الازاز الباقى المتسرطن جوه العربيه
انا عارف انك مضايق من منظرها ومنظر الكنبه والدنيا الغرقانه ازاز
بس معلش استحمل
هما لو وافقه يغيروه بيبقى معاهم مكنة شفط للأزاز المتسرطن
يعنى مش هتلاقى ولا ازازه بعدها فى العربيه
يلا ربنا على الظالم

انا الازاز بهدلنى انا واللى جنبى طول الطريق لان طريق العامرية لو فكرت بس تقلل عن 90 ك/س يبقى انتة كدة بتنتحر وطبعا مع الهوا والمطبات كانت ملاهى بس الحمد لله ربنا ستر

انا لسة راجع من التوكيل حالا
اللى حصل معايا الاتى
اولا اول مادخلت لقيت الراجل القصير الاسمر اللى كان فى ناس هنا اشتكت منة قبل كدة قمت عملت تموية وركنت غلط لحد اما استلم عربية تانية وبعديها قمت رايح تانى وعدلت نفسى
جاتلى انسة من الاستقبال شكلها كدة خدمة عملاء لانها كانت محتاسة ومش عارفة حاجة
قالتلى صيانة؟؟ طبعا انا بصيتلها وازبهليت
بعد اما فوقت من الصدمة شاورتلها على الازاز وبعدين قالتلى ثانية واحدة وراحت داخلة على اوضة قطع الغيار
المهم لاقيتها اتاخرت قمت داخلها وثوانى ولاقيتها اديرتلى وبتقولى الازاز هيكلفك 600 جنية (انا مش عارف دة شامل الضريبة والمصنعية ولا )لانى بصراحة متديهاش فرصة تكمل
قلتيلها الازاز فى الضمان قالتلى لا يافندم قلتلها دة سرطان ودة عيب صناعة والعربية لسة مكملتش 2000 كيلو
قالتلى طب ثانية واحدة وراحت تسال على مهندس الصيانة ملقيتهوش وطلع واخد اجازة
قالتلى حضرتك هتضطر تسيبهلنا النهاردة ولما المهندس ييجى هيصورها ويبعتلهم تقرير فى الشركة الام وهنبقى نرد عليك طبعا هيا قالتلى الكلمتين دول وانا طلعت فى شرى بس طبعا بكل ذوق وادب مع مراعة انها بنت
اول مابدا صوتى يعلى لاقيت فى فنى ظهر والراجل القصير اياة اتدخل فى الحوار ولما قلتيلهم انى عامل محضر وانى مصورها وانى جايلهم بيها كدة مع ان دة فيى خطر عليا بدا الكلام يتغير
وبعدين لاقيت العامل بيصور الازاز وبعدين اختفى
قمت انا علشان ااكد موقفى لسة بطلع الموبايل علشان اوريها الصور لا قيت الراجل القصير خاف اوى وقالى انت هتكلم مين شكلة بجد ساعتها كان غريب (ودة ان دل على شىء فهو يدل على قوة ادارة رينو وحفاظها على عملائها )
المهم فى ثوانى الفنى رجع وقال للانسة ان الازاز فى الضمان بس علشان السبت نصف يوم هضطر اسيب العربية واستلمها بكرة
بصراحة مرضيتش اضغط عليها اكتر من كدة لانى حسيت انة مفيش فى ايديها حاجة وكان شكلها محتاسة على الاخر
المهم استغليت الفرصة ان العربية هتبات وقولتلهم على العضة والرعشة على اساس انها تقولى انة مش هينفع علشان هتاخد وقت لاقيتها بتقولى لا دى بسيطة والتوكيل حلها خلاص طبعا انا ساعتها ضحكت ضحكة خبيثة وانا بقولها اة قصدك على قطعة البريك يعنى وانا فى سرى فخور انى من نايل موتورز لاقيتها بتقولى لا مش قطعة البريك طبعا انا ازبهليت لتانى مرة لكن للاسف انشغلت فى كذا حاجة ومقدرتش اعرف اية الحل الجديد دة
انشاء الله بكرة لما استلمها هبقى احاول اعرف اية الموضوع
انا بشكر كل وحوش الرينو اللى اهتموا بموضوعى وبجد انا فخور انى من نايل موتورز اللى لولا نصائح الوحوش كان زمانى دلوقتى مدبس فى تمن الازاز من غير معرف حقوقى شكرا مرة تانية

متابع بشغف +1

مبروك مقدما يا باشا وياتري سعر الازاز 600 جنية ؟؟؟؟؟ وهل موجود د جريش بره التوكيل انا قريت من حد قبل كده في المنتدي ان تمن الجريش حوالي 300 جنية يا ريت يا شباب اللي عنده فكره عن الموضوع ده يرد عليا ضروري

على فكرة انا حصل معايا كده وراح المهندس حسام صورها و غيرها ضمان من غير تفكير و مدفعتش جنيه واحد

صاحب الموضوع استاذ اوعى تسيب حقك