استهلاك البنزين فى البيكانتو

**tamirjacko** · 25-06-2010 04:58 AM

يا جماعة انا معايا بيكانتو اوتوماتيك 2008 التفويلة بتعمل معايا 310 كيلو متر وبعد كدة اللمبة الصفرا بتنور انا حاسس ان المعدل دة عالى اوى طبعا لان العربية المفروض انها موفرة جدا فى البنزين يا ريت تفيدونى فى الموضوع دة لان ال 30 لتر بيعملو معايا 310 او 320 كيلو مع العلم انى بشغل التكييف على طول والعربية اوتوماتيك فيا ريت تفيدونى لان التفويلة مبتعدش معياي 5 ايام على بعض ممكن يكون عيب ولا دة عشان انا بشغل التكييف على طول ...... فينك يا عم نادر

**M.ABDEEN** · 25-06-2010 08:23 AM

بص يا باشا هو المفروض انه مش طبيعي ........
انا لاحظت الموضوع ده اليوميين دول لاني فولت وطلعت اكتوبر ورجعت على التجمع وبعدين من التجمع لحلوان وكل ده التكييف شغال ولاحظت انها كلت حوالي 22 لتر بس السرعة كانت مابين 80 الى 130 يعني حوالي المشوارين من عندي لاكتوبر 145 كيلو رايح جاي وحلوان رايح جاي حوالي 80 كيلو يعني قول 230 كيلو وفاضل في التانك 13 لتر تقريبا

**tamirjacko** · 25-06-2010 02:19 PM

اية يا جماعة مفيش غير رد واحد بس

**sara2001** · 25-06-2010 03:01 PM

انا مش عارفه الإستهلاك في الزحمه
بس انا حسبته قبل كده على طريق سريع وكان الإستهلاك 27.5 لتر في 426 كيلو وكان من غير تكييف
اكيد في الزحمه ومع التكييف مختلف

**basemsaeed** · 26-06-2010 10:07 PM

المشاركة الأصلية كتبت بواسطة waelamin123

انا عاملة معايا فى 20 لتر 220 كم فى الزحمة مع التكييف

يعنى كده بتعمل كل 100 كيلو 10 لتر بنزين,ده كده الاستهلاك ده قرب اوى من استهلاك مواتير اكبر زى 1600 سى سى و 1500 كمان,تقريبا بيعملوا نفس المعدل ده

**AELMESRY** · 27-06-2010 09:33 PM

أنا معايا ال2009 المانيوال و من تجربتى مع العربية أن أفضل استهلاك للعربية هو 5.5 لتر لكل 100كم و التكييف شغال و ماشى على الطوالى بسرعة 90-110 كم/ساعة و أنا لوحدى في العربية ......

لكن أعلى استهلاك لي كان حوالي 9لتر لكل 100كم و دة كانت العربية محملة جامد و الدنيا زحمة و كان في الشتاء علشان كدة مكنتش مشغل التكييف ....
من هنا عرفت ان العربية دي بتكون اقتصادية جدا للأعداد الصغيرة و الأوزان الخفيفة لكن مع غير كدة تتساوى مع الفئات الأكبر
ملاحظة أنا جربت الموضوع دة اكتر من مرة