تقرير عن جيلى ck2 مو2010

**د.محمود صلاح** · 26-06-2010 07:44 PM

المشاركة الأصلية كتبت بواسطة higazyeslam

اما بالنسبه للمتور كلام حضرتك مظبوط ولكن لايدل على ضعف المتور بل يعتبر ميزه لان قطع غيار المتور والعفشه يمكن اصلاحها خارج التوكيل واستبدالها بقطع تويوتا واعتقد ان الفتره التى استخدمت فيها العربيه لم تشتكى من المتور

لم اشتكي من الموتور الا في ضعف السرعة عن 160 170 بالكثير
غيرت علبة الباور بالكامل على حساب التوكيل عشان نقطت زيت
غيرت ماكينة سنتر على حساب التوكيل
كنت باسمع اصوات مع تحميل العربية بأشخاص جاية من الخلف عند السوست وكانت عبارة عن قطع بلاستيكية زيادة تم قصقصتها واختفى الصوت

السي دي حلو وصوته معقول وكان اوديو بس

الفرش فاتح كان ومشكلة انه بيتوسخ

الفوانيس الامامية بتتخربش وتبهت وده في كل العربيات اللي شوفتها

بوردة الكهرباء الخاصة بالزجاج الأمامي ظهر بها عطل غريب منعني من تغييرها في التوكيل

كان الزجاج الأمامي يمين يطلع وينزل في اول النهار عادي
وفي منتصف النهار تحديدا الساعة 11 او 12 ظهرا كان ينزل وما يطلعش الا بوحدات الرفع وليس بالزرار وبعدين يشتغل عادي باقى اليوم !!

وكنت مش عارف اروح التوكيل واشرح لهم ازاي العطل ده لأن هيقول لي هات العربية والعطل موجود !!

وروحت لكهربائي محترف وفضل ورا العطل لحد ما عرفناه وهو مقاومة في البوردة ( ثمن البوردة 1100 ج ) غيرنا المقاومة واشتغلت كويس

عدم وجود لمبة باب في التابلوه كان شيء مزعج وعملت لها واحده عند الكهربائي وضعتها اسفل الكاسيت ( ليد حمراء )

عند السير بالعربية كان السنتر بيقفل وعشان تنزل شخص ما راكب لازم تطفي العربية او تضغط على زر فتح السنتر من المفتاح وتغلبت على المشكلة دي بعمل مفتاح فتح سنتر اسفل الدركسيون

**د.محمود صلاح** · 28-06-2010 08:17 PM

العربية كانت عاجباني وراضي بيها وما بعتهاش إلا لما التوكيل قفل وبطل يستورد لها قطع غيار ورفع اسمها من على الصيانة ومعرض البيع ( سايمكس انترناشونال ) سنة 2007

**higazyeslam** · 28-06-2010 11:14 PM

المشاركة الأصلية كتبت بواسطة د.محمود صلاح

العربية كانت عاجباني وراضي بيها وما بعتهاش إلا لما التوكيل قفل وبطل يستورد لها قطع غيار ورفع اسمها من على الصيانة ومعرض البيع ( سايمكس انترناشونال ) سنة 2007

على فكره العربيه والله مش وحشه بل بالعكس معقوله جدا وتعادل الدايو والفرنا

**د.محمود صلاح** · 30-06-2010 08:20 PM

المشاركة الأصلية كتبت بواسطة shiko85

على فكره دا مش عيب بالعكس دا امان زياده و موجود فعربيات كتير, و معظم اجهزه الأنذار بتعمل نفس الموضوع و هو قفل السنتر بعد سرعه معينه (15-20 كم ساعه) او مع اول ضغطه لدواسه الفرامل

أوافقك الرأي مش عيب بل ميزة بالفعل .. ولكن المشكلة ان عشان الركاب ينزلوا وأمشي انا كنت لازم اما اطفي العربية أو استخدم زر المفتاح لفتح السنتر .. وتغلب على ذلك بمفتاح لفتح السنتر وضعته اسفل الدركسيون

**د.محمود صلاح** · 30-06-2010 08:22 PM

المشاركة الأصلية كتبت بواسطة higazyeslam

على فكره العربيه والله مش وحشه بل بالعكس معقوله جدا وتعادل الدايو والفرنا

الدايو والفيرنا تتميز بانتشار قطع الغيار في الأقاليم وكنت بأعاني من هذا مع الجيلي ( انا من المنيا ) حيث انكسر الزجاج الخلفي للباب ودوخت عليه في المنيا .. وجبته من التوكيل ب 110 ج

**د.محمود صلاح** · 30-06-2010 08:28 PM

المشاركة الأصلية كتبت بواسطة د.محمود صلاح

لم اشتكي من الموتور الا في ضعف السرعة عن 160 170 بالكثير
غيرت علبة الباور بالكامل على حساب التوكيل عشان نقطت زيت
غيرت ماكينة سنتر على حساب التوكيل
كنت باسمع اصوات مع تحميل العربية بأشخاص جاية من الخلف عند السوست وكانت عبارة عن قطع بلاستيكية زيادة تم قصقصتها واختفى الصوت

السي دي حلو وصوته معقول وكان اوديو بس

الفرش فاتح كان ومشكلة انه بيتوسخ

الفوانيس الامامية بتتخربش وتبهت وده في كل العربيات اللي شوفتها

بوردة الكهرباء الخاصة بالزجاج الأمامي ظهر بها عطل غريب منعني من تغييرها في التوكيل

كان الزجاج الأمامي يمين يطلع وينزل في اول النهار عادي
وفي منتصف النهار تحديدا الساعة 11 او 12 ظهرا كان ينزل وما يطلعش الا بوحدات الرفع وليس بالزرار وبعدين يشتغل عادي باقى اليوم !!

وكنت مش عارف اروح التوكيل واشرح لهم ازاي العطل ده لأن هيقول لي هات العربية والعطل موجود !!

وروحت لكهربائي محترف وفضل ورا العطل لحد ما عرفناه وهو مقاومة في البوردة ( ثمن البوردة 1100 ج ) غيرنا المقاومة واشتغلت كويس

عدم وجود لمبة باب في التابلوه كان شيء مزعج وعملت لها واحده عند الكهربائي وضعتها اسفل الكاسيت ( ليد حمراء )

عند السير بالعربية كان السنتر بيقفل وعشان تنزل شخص ما راكب لازم تطفي العربية او تضغط على زر فتح السنتر من المفتاح وتغلبت على المشكلة دي بعمل مفتاح فتح سنتر اسفل الدركسيون

إضافة :-

مؤشر البنزين غلبني جداً جداً (كنت باستخدم بنزين 90 من بنزينه نظيفة )
بعد شهرين تلاتة من الاستخدام بدأ يلعب لفوق وتحت وغير ثابت
وعشان تفك العوامة لازم تفك التانك لأن مالهاش فتحة اسفل الكنبة الخلفية ( كنت ناوي أخرم في الصاج فتحة له )
وبعد فك العوامة وتنظيفها المؤشر يتظبط ... وبعد شهرين تلاتة يعطل تاني ويلعب

وفكيت التانك على حس المشكلة دي 3 مرات