الموضوع: تقرير عن جيلى ck2 مو2010

plz we need to see pic

اكيد حضرتك تقصد 0،8 ملم مش 8 ملم
الدبابات بس هي اللي بتبقى 8 ملم

المشاركة الأصلية كتبت بواسطة higazyeslam

استلمت العربيه يوم الخميس ووكيلها توب جير وثمنها 52.5الف جنيه وكانت مواصفتها كالاتى
المتور
1497سىسى
16 صباب
2 كامه
حقن الكترونى
المتور تكنولوجيا تويوتا ايكو
الات الجر و العفشه تويويا
الضمان 5سنوات او 100000 كم
الكماليات
تكييف
باور
4زجاج كهرباء
راديو كاسيت
مرايات كهربا
سنتر
ريموت كنترول
فوانيس شبوره
امكانية تعديل الدريكسيون
امكانية تعديل كرسى السائق
فتح الشنطه من الداخل
فتح تنك البنزين من الداخل
الصاج سمكه 8 مللى

رائى الشخصى
انا شايف ان العربيه جميله والسعر معقول جدا .
العربيه عامله معايا الى الان حوالى 500 كم المتور ناعم والعفشه زى الفل وناعمه
انا حاكتب تقرير تانى بعد صيانة 5000كم ومستعد للرد على اى استفسار

الله يكرمك
أخيراً لقيت واحد يكتب حاجة عن العربية دي

شكراً جزيلاً على المواصفات
و لكن عندي سؤالين:
أولاً: بالنسبة للسعر هل كان هناك تخفيض؟ لأن معلوماتي أنها في حدود 56000 جنيه.
ثانيا: هل هناك أي تعديل أو إضافات متوقعة في موديلات 2011؟
شكراً مرة أخرى

المشاركة الأصلية كتبت بواسطة bayooo

اكيد حضرتك تقصد 0،8 ملم مش 8 ملم
الدبابات بس هي اللي بتبقى 8 ملم

انا اسف كلام حضرتك صح سمك الصاج 0.8ملم

المشاركة الأصلية كتبت بواسطة osamafarouk

plz we need to see pic

انا حصورها وارفع لكم الصور

المشاركة الأصلية كتبت بواسطة superdriver

الله يكرمك
أخيراً لقيت واحد يكتب حاجة عن العربية دي
:10d5c8w1107:
شكراً جزيلاً على المواصفات
و لكن عندي سؤالين:
أولاً: بالنسبة للسعر هل كان هناك تخفيض؟ لأن معلوماتي أنها في حدود 56000 جنيه.
ثانيا: هل هناك أي تعديل أو إضافات متوقعة في موديلات 2011؟
شكراً مرة أخرى

لا شكر على واجب
بالنسبه للسؤال الاول جميع العربيات عليها تخفيض فى الوقت الحالى لقرب نزول مو 2011سواء الجيلى او اللانوس او اللوجان
بالنسبه للسؤال الثانى انا شاهدت على موقع جيلى مو 2011الاختلاف فى شكل فانوس الاشاره الامامى والجنوط فقط لاغير
على فكره سوف يتم تجميع السياره محليا حسب خبر نشرته شركه جيلى ابتداء من 2012

المشاركة الأصلية كتبت بواسطة د.محمود صلاح

العربية دي كانت معي لمدة 14 شهر من توكيلها القديم سايمكس ذات الموتور 1600 الموجود في ال mk حاليا وكان فيها abs +ebd وكنت جايبها ب 64 الف كاش وبعتها لما توكيلها قفل وبطل يجيبلها قطع غيار .

البوبينة بوش ألماني
الموتور تقليد تويوتا وليس تويوتا والعفشة وكل حاجة تقليد تكنولوجيا تويوتا ولكن كل قطعة مختومة بختم جيلي وهي شركة واعدة وصاعدة .

التابلوه مغطى بطبقة جلدية الملمس حافظ عليها من صمغ امير ومن زيوت العطور
السيارة من الامام والخلف شبيه بالمرسيدس c كلاس
الكاوتش جي تي ممتاز ما ريحش مني ولا مرة
التكييف جيد جدا ولكن كان بيسخن العربية في الحر الشديد
عزل الصوت ضعيف وصوت الموتور عالي وأقصى سرعة 165 بالعافية وعزل الهواء غير كامل ( الروايح تدخل من الخارج )
ما بتحكش في المطبات
كنت بحطلها بنزين 80 احيانا بدون مشاكل

المتور الحالى 1500 سىسى صوت المتور مسموع بدرجه ضعيفه جدا وانت فاتح الزجاج
اما بالنسبه للتكييف العادى يكون مؤشر الحراره على النص اما فى يوم الحر الشديد السابق (الاحد اوالاثنين السابق كان درجة الحراره42 فى الضل)كان التكييف شغال زى الفل ودرجة الحراره مابين الشارطه الثانيه بعد النص والشارطه الاولى بعد النص وده لما تشتغل السرعه الثانيه لمروحة التكييف
اما بالنسبه للمتور كلام حضرتك مظبوط ولكن لايدل على ضعف المتور بل يعتبر ميزه لان قطع غيار المتور والعفشه يمكن اصلاحها خارج التوكيل واستبدالها بقطع تويوتا واعتقد ان الفتره التى استخدمت فيها العربيه لم تشتكى من المتور