بس النسر فعلا ناشف و خشن
عرض للطباعة
بس النسر فعلا ناشف و خشن
"أنا مع الأستاذ فادي قلبا و قالبا في هذا الموضوع و هو هنا يتكلم عن حقائق فيها الكثير من الصحة
أولا أود أن أوضح شئ هام جدا قبل أن أبدا مداخلتي
كل المصريين بتردد الكلمة دي بدون أي معرفة و وعي
أول ما تشتري عربية متجمعة في مصر .... روح لبتاع الكاوتش و غير الاطار النسر ....... فقط على السمعة و كلام الناس
-----------------
نيجي بقى لموضوع الكاوتش النسر و مدى جودته و أختلاف نقشاته
طبعا مما يدلل و يثبت كلامي أن الناس فاكرة أن الكاوتش النسر ذو نقشة واحدة فقط منذ خمسينيات القرن الماضي
و طبعا هذا الكلام لا يدل على الحقيقة أو معرفة الأشخاص الذين يشككون في الكاوتش النسر .
المهم أن الكاوتش النسر يتآكل بعكس الرأي القائل ان الكاوتش النسر مصنوع من مواد تجعله غير قابل للتآكل مما يجعله صلب و ردئ و من الصعب توقفه في الفرامل .
أنا هنا أتكلم عن تجربة شخصية لهذا الاطار الجيد
و لن أقول الممتاز أو الجيد جدا
و لكن الاطار النسر اطار جيد و لا يؤثر على نظام التعليق في السيارة كما هو مشهور عنه نظرا لعقدة الخواجة
عقدة الخواجة و تقليدهم في كل ما هو سئ فقط
و لكن طريقة تفكيرهم و نظام حياتهم المنظم لا تساوي عندنا شئ .
سأقوم بفتح موضوع مستقل و ارفق الصور الخاصة بالنقشات الخاصة بالكاوتش النسر و أيضا موقع الشركة المصنعة
و تعالي أخي الكريم لنبدأ بأنفسنا لنغير الواقع المرير الذي نعيش فيه و نبدأ بشراء منتجنا المصري الذي صنعه أخي و أخاك ... أبي و أباك .... أبني و أبنك"
فعلا هى عقدة الخواجة, كاوتش النسر بيتحط مش هقول شاهين و لا 128 بينزل فى بيجو و هيونداى و أعتقد فى عدد كبير من السيارات الى متجمعة فى مصر, يعنى كل شركات التجميع دى بتنزل عربياتها عشان عفشتها تتكسر و تمشى تتزحلق على الطريق زى الصابونة؟! و السبب مش نسبة التصنيع لأن فيه عربيات كتير بتتجمع فى مصر من غير كاوتش النسر.
أنا معك يا صديقى و سوف أنتظر موضوعك بفارغ الصبر.
"أستاذ فادي .... أنا أختلف معك في هذه النقطة
عمر الكاوتش لا يقاس فقط بعدد الكيلومترات
عمر الكاوتش يقاس على حسب العوامل الآتية
.. طريقة الفرملة
.. نوعية الطرق التي يتم قيادة السيارة عليها
يعني واحد بيسافر كل يوم على طريق سريع وواحد تاني بيسوق عربيته في قرية أو منطقة عشوائية
.. السرعات القصوى التي يصل لها الكاوتش و كلما زادت السرعة كلما زاد التآكل
.. هل يتم تحميل السيارة بأوزان ثقيلة معظم الوقت أم السيارة تسير معظم الوقت بسائقها فقط ."
طبعا الاستخدام بيفرق, و عشان كده العمر الافتراضى للكاوتش 50 ألف كيلو أقل من عمره الحقيقى ( دى الميشلان كنا بنركبه فى البيجو) و الكاوتش بيطلع زى ما بيركب بنفس حالته, عمره الافتراضى دائما أقل من عمره الحقيقى لأن الاستخدام مأخوذ فى الحسبان.
"نيجي بقى للناس اللي بتستعبط و تسيب الكاوتش لغاية ما يتمسح و يجيب سلك .
طبعا هو حياته في خطر ....... بس مشكلة حياته هو
هو يروح يغور في داهية ما دام أيحة و مش هاين عليه يغير الكاوتش و لكن تكمن المشكلة في أن أنزلاق سيارته على السيارات الأخرى في الطريق يؤثر على الغير و يؤدي للقتل و دي لسه شايفها أمبارح بعيني
تاكسي الكاوتش بتاعه ما عليهوش أي نقشة .... أتمسح تماما .... و طبعا بيفرمل راح لاصق في عربية لانسر و لكن الحمد لله بتاع اللانسر مكنش دايس فرامل و هو واقف فراحت عربيت اتزقت لقدام و دخل في عربية تانية كانت قدامه
تخيل بقى الموقف ده يحصل على طريق سريع !!!"
طبعا ده ضد قواعد السلامة لكن كل واحد حر, لازم برضو نعذر سواق التاكسى لأنه ال40 ألف دول ممكن يعملهم فى شهرين تلاته, ميقدرش يدفع 1000 جنيه كل شهرين و العربية ليها مصاريف تانية.
أستاذ فادي لا أتفق معك في موضوع سواق التاكسي حر
أي سائق ليس حر فيما يفعل في السيارة مما يؤثر على من هم خارج السيارة
و مفيش حاجة أسمها يأكل عيش
في حاجة أسمها متطلبات حماية أرواح الناس
و إن كان هو هايكل عيش على قفى من سيتم تدمير سيارتهم أو تدمير حياتهم
يبقى يغور في داهية و ميكولش عيش أحسن
يعني لو واحد بتاع تاكسي ماشي بسرعة 100 كم على الدائري و بعدين الطريق وقف فجأة و ده حاول أنه يقف بالعربية و موقفتش .... و راح داخل فيك من الخلف و دمرلك العربية فقط ( يعني كل الل في العربية طلعوا سلام مثلا )
قولي هاتعمل فيه أيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
ما هذا يا بشمهندس فادى، عهدى بك الوطنية والإعتزاز بكل ما هو مصرى
ليه بتتكلم لغة الشوام طيب؟
الشوام بستعملو الغين مكان كل جيم غير معطشة فى ترجمة الكلمات الأجنبية علشان نطقهم لا يحوى الجيم الغير معطشة مثلنا، فهم ينطقون الجيم معطشة والقاف ألف وبالتالى لسانهم لا يستطيع التعامل مع هذا الحرف-بنفس فكرة صعوبة نطق الثاء والذال والP علينا كمصريين لعدم وجودها فى لهجتنا اليومية- فبدلوه غينا ليمكنهم نطقها ، وبالتالى فهو عجز منهم وليس حداثة ولا تطور ولا ريادة نسير خلفهم فيها
متهيألى انك لو حاولت تنطق كلمة جوديير بالجيم القاهرية غير المعطشة ستستطيع نطقها، فلماذا تكتبها بالغين؟
يا عم فادي .. خلاصه الكلام .. المصري ماتخدش منهم غير بطاريات .. ( و دي خلاص بداءت اشك فيها من ساعه ارتفاع الاسعار كده و حاسس ان الخامات مش نمره واحد من ساعتها) ..
الكاوتش : علي الترتيب من الرياضي و الاسبور و كله اهه .. عشان محدش يقول حاجه .. ( بيرلي بايلوت + جوديير ايجل.. و دول الاسبور و الانسب لجري و بيعيشو برضه و مصممين للجري و الاستحمال و النقشه الرياضيه ) .. بعديه ..( ميشلان و باقي الانواع الشهيره) .. بعديه ( بريدجستون) بعديه : (الكوري و الاندونيسي بجميع انواعه) ....
بعديه: ( هم .. ممكن نرصلك 20 ماركه كده كمان) ..
بعديهم خالص خالص في الاخر اخر حاجه علي الليسته : النسر الفااااااخر ..
معلومه جانبيه ... لو اي حد من هنا عيلتهم فيهم عمده و كده و ناس فلاحين و عندهم جرارات و كده يقولولك و ياكدوا علي كلامي :
النسر ده تجيب منه فردتين كاوتش قدام للجرارات فقط ... فقط .. و قدام بس .. ورا بنجيب الروسي ..
اسالني ليه هاقولك ليه ..
طبعاُ الجرار مافهوش ظبط زوايا .. قصدي مافهوش زوايا خالص .. فبياكل الكاوتش اللي قدام .. و عشان كده بنجبله الكاوتش اللس قدام نسر .. عشان مابيتاكلش ..
تعالي ورا بقي .. لو جبت الكاوتش الوراني .. تبقي وقعتك طين .. ببساطه .. عشان الكاوتش كله مدي بينشف زياده .. و بيحجر .. و بتلاقي اجزاء كامله من التقشه و القباقيب طارت (لوحدها كده بقدر قادر) .. و باظ الكاوتش ..
مش مصدق ان الكاوتش النسر وحش .. دي حاجه ترجعلك .. انما انا مش متحيز ضد الصناعه المصريه او حاجه .. انا باشجع المنتج الكويس .. و ببساطه لو قريت توقيعي هايقولك اف ات ازنت ا نييم براند .. اتز نوسينج .. لولم يكن ماركه .. فهو لاشيء ..
ببساطه لأن الماركه انت مابتدفعش مقابل حاجه تقضيلك مصلحتك بس .. لاء انت بتدفع مقابل :
1- حاجه تقضيلك مصلحتك
2-متصنعه من انسب الخامات
3-الحاجه دي بتعيش اكتر
4-بتفع مقابل الاختبارات و الدراسات و التطويرات اللي بتجري علي السلعه او الخدمه ..
ده اللي عندي انا اضيفه علي موضوع الكاوتش و الصناعه المصريه ..احب اضيف كمان . انا نفسي مركب في عربيتي البي ام كاوتش ماركه جي تي اندونيسي .. التراكشن بتاعه حلو علي الطرق الناشفه و وحش شويه علي المياه بس شغال .. و انا شايف ده انسب حاجه لينا هنا (بالنسبه للمحافظات اللي مابتمطرش فيها كتير.. اللي بتمطر عندهم مش هاستخر اجيب بيرلي و جوديير)
اخوكم من ارض الوطن الفقري
بيشوي
طيب ممكن حد يقول النسر السوبر دا بيبوظ العفشة في اية ؟ علشان انا بصراحة مش طالبة معايا اغيره دلوقتي رغم اني عارف انة رديء
[IMG]file:///C:/DOCUME%7E1/XPPRESP3/LOCALS%7E1/Temp/moz-screenshot.jpg[/IMG][IMG]file:///C:/DOCUME%7E1/XPPRESP3/LOCALS%7E1/Temp/moz-screenshot-1.jpg[/IMG]
[IMG]file:///C:/DOCUME%7E1/XPPRESP3/LOCALS%7E1/Temp/moz-screenshot-2.jpg[/IMG]
http://nilemotors.net/Nile/showthrea...t=13711&page=2 دا كلام محترم جدا فية شرح عن كاوتش النسر في الصفحة الاخيره وضعة الاخ الفاضل توت و شكرا http://nilemotors.net/Nile/showthrea...t=13711&page=2
"ما هذا يا بشمهندس فادى، عهدى بك الوطنية والإعتزاز بكل ما هو مصرى
ليه بتتكلم لغة الشوام طيب؟
الشوام بستعملو الغين مكان كل جيم غير معطشة فى ترجمة الكلمات الأجنبية علشان نطقهم لا يحوى الجيم الغير معطشة مثلنا، فهم ينطقون الجيم معطشة والقاف ألف وبالتالى لسانهم لا يستطيع التعامل مع هذا الحرف-بنفس فكرة صعوبة نطق الثاء والذال والP علينا كمصريين لعدم وجودها فى لهجتنا اليومية- فبدلوه غينا ليمكنهم نطقها ، وبالتالى فهو عجز منهم وليس حداثة ولا تطور ولا ريادة نسير خلفهم فيها
متهيألى انك لو حاولت تنطق كلمة جوديير بالجيم القاهرية غير المعطشة ستستطيع نطقها، فلماذا تكتبها بالغين؟"
تعودت أن أقرأها هكذا "غوديير" من عدة مجلات و جرائد عربية (شامية و خليجية ) و ربما حتى مصرية المهم أننى كنت حتى فترة قصيرة جدا أعتقد أن هذا هو اسمها الأعجمى "Ghoodyear" (تعرف أن هذا النوع من الاطارات يفتقد للشهرة فى مصر) الى أن اكتشفت أنها تعنى سنة سعيدة "Good Year" و لكن تعودت عليها "غوديير" و كتبتها هكذا بدون تفكير و عموما عندك حق فى دى متزعلش "جوديير":)
"أستاذ فادي لا أتفق معك في موضوع سواق التاكسي حر
أي سائق ليس حر فيما يفعل في السيارة مما يؤثر على من هم خارج السيارة
و مفيش حاجة أسمها يأكل عيش
في حاجة أسمها متطلبات حماية أرواح الناس
و إن كان هو هايكل عيش على قفى من سيتم تدمير سيارتهم أو تدمير حياتهم
يبقى يغور في داهية و ميكولش عيش أحسن
يعني لو واحد بتاع تاكسي ماشي بسرعة 100 كم على الدائري و بعدين الطريق وقف فجأة و ده حاول أنه يقف بالعربية و موقفتش .... و راح داخل فيك من الخلف و دمرلك العربية فقط ( يعني كل الل في العربية طلعوا سلام مثلا )
قولي هاتعمل فيه أيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟"
كلامك صحيح و لكن يجب أن نلتمس العذر و نراعى الظروف السيئة, ليس سائق التاكسى فقط و لكن السائق المصرى عموما, جميل أن نراعى عوامل الأمان و السلامة فى السيارة و لكن لا يمكن أن نطبق قوانين صارمة فى هذا الشأن الا بعد أن يرتفع مستوى المعيشة الى حد معين.لعلك تتفق معى فى هذا.
اقتباس:
تعودت أن أقرأها هكذا "غوديير" من عدة مجلات و جرائد عربية (شامية و خليجية ) و ربما حتى مصرية المهم أننى كنت حتى فترة قصيرة جدا أعتقد أن هذا هو اسمها الأعجمى "Ghoodyear" (تعرف أن هذا النوع من الاطارات يفتقد للشهرة فى مصر) الى أن اكتشفت أنها تعنى سنة سعيدة "Good Year" و لكن تعودت عليها "غوديير" و كتبتها هكذا بدون تفكير و عموما عندك حق فى دى متزعلش "جوديير":)
جوود يير هو في الاصل الاسم ل"تشارلز جوود يير"
انجليزي الاصل و عاش في البرازيل
اول من اخترع اضافه الكربون علي المطاط الطبيعي اللي بيطلع من شجره كدا :)
مش فاكر اسمها بصراحه
القصة لا فيها اسرائيل ولا غيرة... لو منتج من اسرائيل مش حشترية و لو كان احسن منتجد فى الدنيا ... و لو كان المنتج الاوحد فى الدنيا برضة مش حشترية... بس هل عشان مصر عملت منتج يبقى لازم اشترية؟؟؟ انا بشترى الكويس و بس... لما مصر تعمل منتج كويس و بسعر مناسب لنعية المنتج يبقى اشترى بدون نقاش لكن لما يبقى منتج فى الضياع و عندى مليون بديل بسعر مناسب و نوعيه احسن بكتيير يبقى القرار المنطقى للعقل هو شراء المنتج الافضل بغض النظر عن بلد المشاء (بس مش اسرائيل برضة)
مرة تانية ايه قصة 3000 جنية دى؟ انا بجيب 4 فرد ب 1000 جنية و اللى راكب عربية اكيد يقدر يدبر 1000 كل 3 او 4 سنين... وانا ولا لارج و لا ميديم ولا سمول حتى... انا راجل عادى زيى زى اى واحد هنا بس انا على الاقل بخاف على نفسى و عائلتى و عربيتى و بالتالى عمرى ما حمشى على فردة لحد ما تجيب سلك و بعدين اغيرها لان دة جنان رسمى... انت كدة اكنك بتقول "انا مش حبطل سجاير الا لما يجيلى سرطان"
اسال اى حد بيفهم فى الكاوتش يقولك ان الفرد لازم تتغير بعد 40000 بغض النظر عن شكلها او مدى تاكل النقشة و انا قلت الاسباب قبل كدة... كمان واضح انك متعرفش ان الكاوتش لة فترة صلاحية و برضة لو خلصت صلاحيتة لازم تغيرة و لو عامل بية 50 كيلو فقط... الا اذا كنت مركب نسر و فى الحالة دى تغير الكاوتش لما العربية تبقى كهنة و تبيع الفرد لسواق تاكسى عشان يعمل بلوه و ياخد فى رجلية ناس ملهاش ذنب
و بناسبة التكسجية: يعنى ايه نراعى ظروف سواق التاكسى؟ يعنى لما سواق تاكسى يعمل مصيبة و يموت واحد و لا اكتر نقول معلش اصلة غلبان؟؟؟؟؟؟؟؟؟؟؟؟
انا شفت تاكسجى بيصلح فردة ليس لها اي معالم لا نقشة ولا ماركة و مرقعة من كل ناحية... يعنى فردة تودى فى داهية و لما يحصل كارثة بسبب الكاوتش دة نقول اصلة غلبان و مشلاقى؟؟ لو مش لاقى يبقى ميجبش تاكسى طالما مش قد مصاريفة... هو احنا لازم نبقى شعب فهلوى و ندوس على الناس و ساعة الجد نبقى غلابة؟؟؟؟؟
الموضوع اللى بتفاصلوا فيه واضح زى الشمس و مش محتاج اننا نتكلم فيه تانى... النسر وحش
اللى معترض على كلامى يجيب دليل عملى: مسافات توقف على اسفلت ناشف و مبلول و المواصفات الفنية للفردة و نقارنها باى فردة كورى او اندونيسى او اى حاجة فى الدنيا
MMamdouh
على فكرة انا سمعت موضوع في ال Cnn من شوية :
"و بعد موضوع (اطارات النسر,وجهة نظر مغايرة) على منتدى نايل موتورز قام فريق الفيراري بطل سباق الفورميلا بطلب شحنة من اطارات النسر لتساعده على الاحتفاظ بصدارة سباقات الفورميلا........
حيث انه اثبت علميا ان فردة النسر لا تبلى و هو بالقطع العامل الوحيد الذي يحدد جودة الاطار
كما قام مايكل شوماخر بإلغاء تعاقده الدعائي لشركة ميشلان و تعاقد مع شركة نسر المصرية للإطارات
وحاليا تعكف شركة نسر و مصانعها بالسنبلاوين على الشحنة المرتقبة لسباقات الفورميلا 1
و سيتم تغيير الفيراري و المكلارين الى سيارات الخدمة الشاقة دوجان و شاهين نظرا لأنهما يعتمدان على الاطارات الرياضية الاداء ........ نسر "
و نوافيكم بباقي التفاصيل لاحقا
:)))))))))))))))))))))))))))))))))))))))))
لوووووووووووووول
LOOOOOOOOOL
والله ياجماعة أنا معجب جداً بحالة الحماس التى أضفاها موضوع صديقنا صاحب الشاهين والنسر والذى امتعتنا لغته العربية الغائبة عن المنتدى فى أغلب المناقشات ومن ثم أقول لكل من شارك فى الموضوع ولنفسى أولاً :- أننا بصدد موضوع تقنى ومتخصص فلا أتصور أنه لدينا قائمة بمواصفات الاطارات النسر ولا غيرها وانما كل ما نقوله هو وليد التجربة فقط وأعتقد أنه من الأصوب أن نحاول الحصول على متخصص من المنتدى أو من خارجه ثم بعد ذلك وبناء على (داتا ) علمية عن إطارات نسر وإطار مستورد يمكن المقارنة الموضوعية .
مع مراعاةأننى أكتب هذه المشاركة وخايف لا تضربونى لأنى لم أشارك فى جدلية النسر والجود يير مش الغود يير . للعلم كلتا الكلمتين أعجمى فلا فرق أن ننطقها أو نكتبها بالغين أم بالجيم المفروض أصلاً أن نكتبها بلغتها لكن ( مش لسة هانغير لغة الكيبورد ).
بالمناسبة البلف باع 3 عجلات ضربوا مره واحدة في خلال اسبوع علي مرات متفاوتة