الموضوع: ليه منصور كداب كبير؟؟

المشاركة الأصلية كتبت بواسطة gabrial

شكراً على المشاركة يا أستاذ أحمد ،ممكن حضرتك تقولي كنت بتعمل صيانة في أي فرع؟
أنا معنديش مشكلة إن العربية مش ألماني ،هيا خارجة من مصنع اوبل في بولندا و بولندا و ألمانيا جيران و مستوى الجودة أكيد ممتاز و في نفس الوقت السعر أوفر من ألمانيا بس المشكلة انك تسأل يقولك ألماني ذي ماحصل معايا ،هناك عدم مصداقية في التعامل ،فولكس مثلاً لو سألت عن jetta تقفل إيه هيقلك مكسيكي مش ممكن يقولك ألماني ،هيا ده النقطة اللي بنتكلم فيها .تحياتي .

الصيانه في اغلب الوقت كنت بعمل في المركز الرئيسي وهو زحمه علي فكره بس لو في حاجه في الضمان دا اسرع واحد (عشان الاجراءات بتتم فيه وحتي لو لقدر الله في اختلاف الاداره بتاعت الصيانه تقريبا هناك فبتوصل لحلول)

رحت لمقار حوالي 3 او 4 مرات .... هما كويسين بس في الصيانه (يعني لو حاجه تبع الضمان تلاقيه عايز يدفعك عليها فلوس يعني مثلا زرار الازاز الكهربه بيعلق عايز يتنضف تلاقيه عايز يزود علي الفاتوره 35 جنيه!).
بس الصراحه في الصييانه العاديه كانو كويسين وانا بروحلهم لما اتزنق في الوقت لانهم كانوا اقرب من مكان شغلي و في الهندسيين سهل اوصلهم .

افتكر مندوبيين المبيعات ممكن يكونو بيقولوا الماني عن جهل الله اعلم (العربيه لسه جديده عليهم...يعني مثلا في الاعلان بيقولوا انها 4 ايرباج بس الموجوده عندهم 2....انا مثلا مش مهم عندي يبقوا اربعه لان في esp ... دي مثلا غلطه لان في المعرض المندوب هو اللي قلي انهم 2 بس وفعلا ملقتش الجانبيين!)
انا قصدي ان دا ممكن يكون عن جهل مش خداع من المندوبيين .... و علي فكره كلام الجرايد ده وكالات الاعلانات هي اللي كتباه مش الوكيل فتوقع اي حاجه.

ان شاء الله خير ياباشا كل تاخيره فيها خيره
بكره ان شاء الله نازل التوكيل

شكر لله داواجبنا ياباشا

المشاركة الأصلية كتبت بواسطة Gabrial

شكراً على الرد و الاهتمام أستاذ أحمد .

العفو يا فندم.

تصحيح

انا لسه معدي عليهم حالا و انا مروح هي فعلا 4 ايرباج في 2 في الكرسي (انا كنت ببص في القايم و الباب... و للاسف المندوب الاولاني هو اللي شككني).

و سبحان الله سالت المندوب اللي واقف النهارده وقلي انها الماني تقفيل بولاندي وقلي ان الشكل اللي قبلوا كان نفس الموضوع وان الكورسا اللي موجوده تقفيل اسباني و ان دي حاجه معروفه للناس اللي مهتميه بالاوبل استرا من ايام الشكل اللي فات اللي هي (astra H) وطبعا العهده علي الراوي.

انا كان في حاجه واحده بس خرمالي دماغي وكنت رايحلها مخصوص

وكانت الاستبن الصغير لو استخدمه هودي العجله الاصليه الكبيره فييين

طبعا طلع الاستبن الصغير دا 17 هو كمان بس هتفضل مشكله انه هيكون بارز لان المكان عمقه قليل

المشاركة الأصلية كتبت بواسطة asaber

مقار بياخد من منصور ... كذا مره و انا بعمل صيانه عربيته بتبقي هناك وكمان منصور موزع حصري
لجنرال موتورز وباقي الموزعيين بيخدوا منو.
انا بتعامل مع منصور من 2006 و هو مش بالسوء دا ..... هو زي اي وكيل في مصر ( لو رجعتوا لمشاركات 2007 هتلاقوا الناس كلها بتشكر فيه).
الحاجه الوحشه فعلا هي الزحمه (لكن اي وكيل لو رحتلوا بمشكله هتلاقي نفس التعامل لو اول مره يشوفها وهي صوت بيطلع او ما شابه هتلاقيه بيجرب عشان يحله... في زميل في المنتدي اشتري عربيه رينو فلوونس وبعها عشان كان بيسمع صوت من الفتيس مع النقله التانيه و الوكيل قالوا في الاخر هي الطبيعي بتعها كده...هي دي السياسه في مصر لو الصوت موجود في عربيه تانيه يبقي الرد هي كده عشان يسكت الزبون مع ان كل الناس كانت بتشكر في التوكيل... لكن دي الثقافه بتاعت الوكلاء في مصر....و علي فكرع هو ممكن يكون بعت للشركه الام و لس مردوش عليه بس الرد للزبون لازم يكون جاهز!).

مبيجبش قطع غيار مغشوشه ولا اي حاجه من الكلام ده.

لكن خلونا نفكر بالعقل كل الوكلاء بيشترطوا عشان تتمتع بالضمان لازم الصيانه الدوريه (يبقي كل ما مراكز الصيانه كترت كل ما بقي احسن حتي لو عملت عندهم الصيانه الخفيفه لو اتزنقت).
و عشان الزحمه لو عندك مشكله يستحسن تروحلها مخصوص لان لو رايح تعمل صيانه كبيره و في زحمه لو المشكله مش كبيره هيقولك هتها في يوم تاني .

اما بالنسبه لموضوع الاسترا
هل وكيل فولكس بيقول في اعلاناتوا انها ميكسيكي ولا بيقول انها فخر الصناعه الالمانيه و قمه التكنولوجيا الالمانيه؟
و متهيقلي الاعلان مزكروش صراحه انها مصنعه بالكامل في المانيا زي ما كانوا بيقولو ايام الفكترا

طبعا دا رايي الخاص ومن تجربتي الشخصيه
اكيد ممكن يكون في حد عندوا تجربه سيئه فطبعا رايه هيكون مختلف, انا بس حبيت انقلكم تجربتي لاني الصراحه احيانا بحس اني بعمل صيانه في مكان غير اللي الناس هنا بتتكلم عليه

اولا قبل اى حاجه انت من المحظوظين يا اخى لانك من القلاقل اللى اتعملوا كويس فى منصور شكلك مسنود بقى بس حقيقى منصور ده من اغبلا التوكيلات اللى فى الدنيا و مش موضوع بقى اصوات و حاجات زى كده فى كذا عضو فى المنتدى ده بس و خد بالك من بس دى معاهم تجارب مش تجربخ واحده بس زى الزفت مع منصورو مش وقته علشان كتير اوى بس يكفى انى اقولك انه محتاج مثلا يحج 7000 مره مثلا علشان ربنا يرحمه من كتر الناس ما بتدعى عليه علشان هو فعلا المثال الحى انه ازاى تبقى معاك فلوس كتير بالغش و الكدب و النصب طلما اللى بيشترى منه بيجرى ورا كلمه المانى و اظن دى مش جريمه و حق طبيعى طلما هو كتر خيره مش بيمن علينا بالعربيات و لا بنصحى الصبح نلاقيها تحت البيت و يشاء ربنا انى اجيب رينو من كام شهر و اجرب الصيانه عندهم وو احد زيه ملشوع من منصور طبيعى يبقى عنده حساسيه من الوكلاء بس بجد فرق ما بين السماء و تحت الارض كمان و بالنسبه للمثال بتاع الفلوانس الفكره انه كان حاجه ابسط من البساطه بمعنى الكلمه و ممكن الواحد يعيش بيه لحد اول صيانه على الاقل - العربيه مكملتش 1000 كم حتى- و اللى اشترلا العربيه عارف انها بيعه لقطه جت من الهوا و مش عايز اقول انه لو انا اللى عندى العيب ده ولا كنت فكرت ابيع نهائى ..الغرض من كلامى ان سمعه اى وكيل بتتقاس بكم الحلات السلبيه اللى طلعت من عنده بس واضح انه فى منصور دى من core values و ميقدرش يغيرها علشان سمعته متضربش فى السوق.. حقيقى الواتشى واتشى

يعني واخيرا اعترفو انها بولندي ؟!!!!!!!!!!!