الموضوع: ليه منصور كداب كبير؟؟

المشكله هنا مش انها بولندي او الماني المشكله لييييييييييييه الكدب طيب واخ رامي متصل عليهم وهما لسه مصممين ع الكدب دي بقى المشكله يا اخي يعترفو ويقولو انها بولندي مش حنزعلش
عموما هوا اخسران مش احنا

المشاركة الأصلية كتبت بواسطة mustafa_farouk

السلام عليكم،

الكول سنتر عند معلومات مكتوبة وميعرفشي إذا كنت هندي ولا ألماني، هو المعلومات كلها مكتوبة وبيقولها الولد أو البنت، أنا بصراحة ماشفتش المقال دة، بس الاعلانات بتاعة الاسترا مكتوب فيها التكنولوجي الالماني ومش مكتوب بلد الصنع، يعني الرجل سبها عايمة، مش عارف بس دي وجهة نظري في الموضوع، شيفو عادي جداً لما تكون بولندي وكمان اللي عايز يشتري، سعتها يشوف الرقم ويكشف عليه، طلعت غير ألماني، ميشترهاش.
العربية جامدة وتقفيل جامد وسعر الامكانيات جامد،

كلام سليم يا مصطفى

المشاركة الأصلية كتبت بواسطة zizo50001

يارجالة عادى يعنى يعنى هتفرق بولندى من المانيا المهم يكون التقفيل حلو ودة طبعا اكيد حلو لانة متقفلة فى مصنع اوبل اللى فى بولندا يعنى مفيش اى اختلف معلش هو الراجل فكر صح طبعا لانة نزلها بولندى ب 175 يعنى ارخص من الجولف و اعلى بكتير فى الامكانيات لو كان نزلها من المانيا يعنى جمرك ازى والعربية هتزيد فى سعرها و هتبقى زى ما نجد بيقول فى حدود 220 يبقى مش هيبقى فى منافسة لكن هو كدة هيخطف السوق من الجولف و مش هتفرق مدام التقبل تحت ايد اوبل زى الاوبل فيكترا b متقفلة فى مصر هل فى فرق فى السواقة مثلا بينها وبين اللى بتتصنع فى المانيا معتقدش وانا شايف ان منصور فكر صح

كلام سليم ياباشا بس لو يوقول لناس انها بولندي بكون احسن

المشاركة الأصلية كتبت بواسطة zizo50001

انت بتتكلم عن التقفيل انا بتكلم عن الاداء انا جربت الاتنين ومفيش اى فرق يذكر فى الاداء اما عن اللتقفيل مش الفرق اللى الواحد يدفع 50 الف ذيادة

احنا هنا مجربين الاسترا 2006 الاسباني والماني هناك فرق ف شكل لون التابلو والوزن دا كلام حقيقي مش اي كلام والجنط بتاع الماني يختلف عن الاسباني

مصيرو يوقع متقلقش
ربنا ع الظالم

انا بعد بكره نازل التوكيل ح سال ع موضوع البولندي دا واشوف
طب صحيح موضوع المقار عملت ايه معاهم قالولك ايه

المشاركة الأصلية كتبت بواسطة gabrial

تمام كدة يا باشا ،إن شاء الله تجبلنة أخبار تمام ،ياريت يا باشا تسأل على أسعار قطاع الغيار بالتقريب كدة،مفيش جديد عن مقار يا باشا ،لم رحت نفس الكلام اللي إتقلي في التلفون ،قطاع الغيار موجودة و لو في حاجة ناقصة بيرسلوه ألمانيا ،بس اللي مخدتش منهم إجابة صريحة موضوع تغيير حاجة في الضمان ،لو معرفوش يجيبوه القطعة البايظة يبقى هتبعت على منصور ،بردو كل دة كلام ،و كان أخ معنا قال انهم مش ذي زمان ،أستاذ مصطفى فاروق كان بقول إنه بيعمل عند أوتمستر صيانة ،ياريت يقل عاملين إيه معه.شكراً على تعبك يا باشا .

مقار بياخد من منصور ... كذا مره و انا بعمل صيانه عربيته بتبقي هناك وكمان منصور موزع حصري
لجنرال موتورز وباقي الموزعيين بيخدوا منو.
انا بتعامل مع منصور من 2006 و هو مش بالسوء دا ..... هو زي اي وكيل في مصر ( لو رجعتوا لمشاركات 2007 هتلاقوا الناس كلها بتشكر فيه).
الحاجه الوحشه فعلا هي الزحمه (لكن اي وكيل لو رحتلوا بمشكله هتلاقي نفس التعامل لو اول مره يشوفها وهي صوت بيطلع او ما شابه هتلاقيه بيجرب عشان يحله... في زميل في المنتدي اشتري عربيه رينو فلوونس وبعها عشان كان بيسمع صوت من الفتيس مع النقله التانيه و الوكيل قالوا في الاخر هي الطبيعي بتعها كده...هي دي السياسه في مصر لو الصوت موجود في عربيه تانيه يبقي الرد هي كده عشان يسكت الزبون مع ان كل الناس كانت بتشكر في التوكيل... لكن دي الثقافه بتاعت الوكلاء في مصر....و علي فكرع هو ممكن يكون بعت للشركه الام و لس مردوش عليه بس الرد للزبون لازم يكون جاهز!).

مبيجبش قطع غيار مغشوشه ولا اي حاجه من الكلام ده.

لكن خلونا نفكر بالعقل كل الوكلاء بيشترطوا عشان تتمتع بالضمان لازم الصيانه الدوريه (يبقي كل ما مراكز الصيانه كترت كل ما بقي احسن حتي لو عملت عندهم الصيانه الخفيفه لو اتزنقت).
و عشان الزحمه لو عندك مشكله يستحسن تروحلها مخصوص لان لو رايح تعمل صيانه كبيره و في زحمه لو المشكله مش كبيره هيقولك هتها في يوم تاني .

اما بالنسبه لموضوع الاسترا
هل وكيل فولكس بيقول في اعلاناتوا انها ميكسيكي ولا بيقول انها فخر الصناعه الالمانيه و قمه التكنولوجيا الالمانيه؟
و متهيقلي الاعلان مزكروش صراحه انها مصنعه بالكامل في المانيا زي ما كانوا بيقولو ايام الفكترا

طبعا دا رايي الخاص ومن تجربتي الشخصيه
اكيد ممكن يكون في حد عندوا تجربه سيئه فطبعا رايه هيكون مختلف, انا بس حبيت انقلكم تجربتي لاني الصراحه احيانا بحس اني بعمل صيانه في مكان غير اللي الناس هنا بتتكلم عليه

المشاركة الأصلية كتبت بواسطة gabrial

شكراً على المشاركة يا أستاذ أحمد ،ممكن حضرتك تقولي كنت بتعمل صيانة في أي فرع؟
أنا معنديش مشكلة إن العربية مش ألماني ،هيا خارجة من مصنع اوبل في بولندا و بولندا و ألمانيا جيران و مستوى الجودة أكيد ممتاز و في نفس الوقت السعر أوفر من ألمانيا بس المشكلة انك تسأل يقولك ألماني ذي ماحصل معايا ،هناك عدم مصداقية في التعامل ،فولكس مثلاً لو سألت عن jetta تقفل إيه هيقلك مكسيكي مش ممكن يقولك ألماني ،هيا ده النقطة اللي بنتكلم فيها .تحياتي .

الصيانه في اغلب الوقت كنت بعمل في المركز الرئيسي وهو زحمه علي فكره بس لو في حاجه في الضمان دا اسرع واحد (عشان الاجراءات بتتم فيه وحتي لو لقدر الله في اختلاف الاداره بتاعت الصيانه تقريبا هناك فبتوصل لحلول)

رحت لمقار حوالي 3 او 4 مرات .... هما كويسين بس في الصيانه (يعني لو حاجه تبع الضمان تلاقيه عايز يدفعك عليها فلوس يعني مثلا زرار الازاز الكهربه بيعلق عايز يتنضف تلاقيه عايز يزود علي الفاتوره 35 جنيه!).
بس الصراحه في الصييانه العاديه كانو كويسين وانا بروحلهم لما اتزنق في الوقت لانهم كانوا اقرب من مكان شغلي و في الهندسيين سهل اوصلهم .

افتكر مندوبيين المبيعات ممكن يكونو بيقولوا الماني عن جهل الله اعلم (العربيه لسه جديده عليهم...يعني مثلا في الاعلان بيقولوا انها 4 ايرباج بس الموجوده عندهم 2....انا مثلا مش مهم عندي يبقوا اربعه لان في esp ... دي مثلا غلطه لان في المعرض المندوب هو اللي قلي انهم 2 بس وفعلا ملقتش الجانبيين!)
انا قصدي ان دا ممكن يكون عن جهل مش خداع من المندوبيين .... و علي فكره كلام الجرايد ده وكالات الاعلانات هي اللي كتباه مش الوكيل فتوقع اي حاجه.