الموضوع: أتخصص محاسبه ولا إدارة ؟؟!!

المحاسبة أحسن ومجالها أوسع بكتير من واقع خبرتى العملية فى المجال ده

مين قالك بس يا راجل ان الإدارة حفظ ؟
الإدارة فهم فهم فهم و بعدين يعني الـfinancial statements مفيهاش حفظ ؟
:P

انا كنت إدارة اعمال دفعة 2009 انجليزي المنصورة....
إدارة اعمال حاجة تانية في نظري...و انا كنت داخلها عشان الأسباب دي: ... ان دفعة إدارة بتكون اقل و بالتالي عدد بسيط جداً في المحاضرات ... يعني بتسفيد من المحاضرات و غالباً مش بتحتاج كورسات (كنا حوالي 20 بس بيحضروا و الدفعة حاجة و اربعين من اصل 350 ! )
99% من الكتب هتكون اجنبية ... و هتلاقي نفسك تلقائياً بتذاكر من الكتب الجميلة دي من غير كورسات برضه
بالنسبة لي الدكاترة كانوا مقبولين اكتر في قسم إدارة
طبعاً دا غير حبي للمجالات ادارة الأعمال زي الmarketing إلخ إلخ... و كرهي الأعمى لحاجة اسمها auditing !!

بالنسبة لمجال العمل فكله محصل بعضه في رأيي
كله كان عمال يقول ... محاسبة ليها شغل اكتر و الكلام دا ... بس في المقابل اعداد المحاسبين خزعبلية ! مش بس كدا ... انا لو عايز اشتغل محاسب هشتغل لأن ببساطة سنة التخصص مش كافية و مش مقياس و العكس صحيح ....لأن اصلاً اللي بنتعلمه دا مش تعليم (مش عايز احبطك)

اخيراً انتوا عندكوا طالبين الرغبات بدري اوي كدا لية ؟
عندنا كان على اول السنة الجديدة .... ممكن اعرف مين دكاترة عندكم؟ و لو احتجت حاجة تاني معاك :)

المشاركة الأصلية كتبت بواسطة egyptiantune

المحاسبة أحسن ومجالها أوسع بكتير من واقع خبرتى العملية فى المجال ده

كل الناس بتقولى كده ,,,
بس عدد المتخرجين منها بيبقى كتير جدا" وبالتالى فرص العمل بتبقى يادوب على اد ناس معينه ...

المشاركة الأصلية كتبت بواسطة aif

اولا في مجال الشغل العملي مش ح تفرق معاك ....
لأن الكلية بتعلمك الخطوط العريضة مش التفاصيل ... يعني كأنك بتتعلم القراءة .... لكن تقرأ ايه بالظبط .... ده اللي انت ح تتعلمه في حياتك العملية
الفرق بين المحاسبة والادارة 4 مواد تقريبا ...لأن نصف مواد سنة رابعة بتكون مشتركة بين الشعبتين .... الا لو الدنيا اتغيرت عن ايامنا .... ده يبقى كلام تاني
لكن انا افضل شعبة المحاسبة
السبب هو انك لو حاولت تدخل مجال مراقبة الحسابات والمراجعة .... يعني تبقى محاسب قانوني وتسلك هذا المجال ..... لازم تكون خريج قسم محاسبة ....... ماينفعش اي قسم تاني علشان تتسجل محاسب قانوني
بالتوفيق ان شاء الله

حضرتك عندنا فى المنصورة مفيش غير مادة واحدة مشتركة بين ادارة و محاسبة (حاليا فى الترم التانى )

بالنسبة لصاحب الموضوع انا رابعة انجليزى محاسبة و مش عايز اقلك انا متعذب قد اية سواء من الدكاترة او من المواد اللذيذة بتاعتهم و كل ده عشان اخترت القسم الغلط فا نصيحة فكر كويس اوى و ادرس الموضوع كويس قبل ما تختار
و بالنسبة لمستقبل القسمين عايز اقلك ان المتميزين بس هما اللى ليهم مستقل كويس و اللى بيعدى بمقبول و مواد زى حالاتى دوا بالسلامة ملوش اى مستقبل غير لو حضر حاجة بعد الكلية

المشاركة الأصلية كتبت بواسطة m.osman

مين قالك بس يا راجل ان الإدارة حفظ ؟
الإدارة فهم فهم فهم و بعدين يعني الـfinancial statements مفيهاش حفظ ؟
:p
كل صحابى بيقولولى انها فهم بس انا شايفها حفظ ( يمكن عشان الحفظ بالنسبالى اسهل من الفهم )
وبرغم كده الحمدلله تقديراتى فى مواد الاداره امتياز او جيد جدا" ....

انا كنت إدارة اعمال دفعة 2009 انجليزي المنصورة....
إدارة اعمال حاجة تانية في نظري...و انا كنت داخلها عشان الأسباب دي: ... ان دفعة إدارة بتكون اقل و بالتالي عدد بسيط جداً في المحاضرات ... يعني بتسفيد من المحاضرات و غالباً مش بتحتاج كورسات (كنا حوالي 20 بس بيحضروا و الدفعة حاجة و اربعين من اصل 350 ! )

اهلا" يا زمل ,,
بالنسبه للدفعه بتاعتنا كلهم 100 واحد ( خطه قديمه ) واللى بيحضر منهم حوالى 25 او 30 والعدد عمره ما بيزيد عن كده والباقى مبيجيش غير فى الامتحانات ...
وموضوع العدد القليل على اد ماهو ميزه بس فيه عيب واحد ...الدكتور بيفضل يسأل فينا طول المحاضره

99% من الكتب هتكون اجنبية ... و هتلاقي نفسك تلقائياً بتذاكر من الكتب الجميلة دي من غير كورسات برضه
بالنسبة لي الدكاترة كانوا مقبولين اكتر في قسم إدارة

وفعلا" المحاسبه لازم كورسات فيها أما إدارة بتعتمد على self study اكتر من الكورسات وكذلك الدكاتره على عكس المحاسبه تحس انهم معقدين ...

طبعاً دا غير حبي للمجالات ادارة الأعمال زي الmarketing إلخ إلخ... و كرهي الأعمى لحاجة اسمها auditing !!
auditing اكتر ماده كرهتها من اول لما دخلت الكليه برغم انى كنت كويس فيها الا ان امتحاناتها بتبقى عامله زى الفوازير

بالنسبة لمجال العمل فكله محصل بعضه في رأيي
كله كان عمال يقول ... محاسبة ليها شغل اكتر و الكلام دا ... بس في المقابل اعداد المحاسبين خزعبلية ! مش بس كدا ... انا لو عايز اشتغل محاسب هشتغل لأن ببساطة سنة التخصص مش كافية و مش مقياس و العكس صحيح ....لأن اصلاً اللي بنتعلمه دا مش تعليم (مش عايز احبطك)

مفيش احباط ولا حاجه وكلام حضرتك صح,,, بس كل الناس بتقولى المحاسبه مجالها احسن واكتر أما الاداره شغلها محدود وعشان توصل ل position كويس بتاخد وقت كبير ...

اخيراً انتوا عندكوا طالبين الرغبات بدري اوي كدا لية ؟
مش بدرى ولا حاجه ,,,
بيدونا ورقة الرغبات فى اول الامتحانات وبنسلمها فى اخر يوم ...
عندنا كان على اول السنة الجديدة .... ممكن اعرف مين دكاترة عندكم؟ و لو احتجت حاجة تاني معاك :)
دكاتره عندنا :u_thin1[1]: سؤال صعب ,,,بس هحاول افتكر ...
نبدأ بالأقرب عندنا دكتور سلطان أبوعلى (وزير التجاره السابق ) وتقريبا" كده بيدى اقتصاد وامتحانه كان انهارده وكان open book ومعرفتش اطلع كلمه من الكتاب ...

بالنسبه لقسم الإدارة عندنا دكتور أسامه عبد الحليم وفتحى قاسم ومحمد شوقى وواحد اسمه حاجه بسيونى كده ,,, وامال جعفر وسناء ...

اما المحاسبه سعيد الشحات وعلى الجوهرى ونعيم (دايما" بيجيب امتحانات طويله جدااااااا) و محمد زيدان واخيرا" اكبر مشكله دكتور فخرى (معقد معقد معقد )

اولا" الف شكر على الرد ,,,
وتقريبا" حضرتك فهمت الليله ....ياريت تقولى رأيك ؟؟!!

المشاركة الأصلية كتبت بواسطة aif

اولا في مجال الشغل العملي مش ح تفرق معاك ....
لأن الكلية بتعلمك الخطوط العريضة مش التفاصيل ... يعني كأنك بتتعلم القراءة .... لكن تقرأ ايه بالظبط .... ده اللي انت ح تتعلمه في حياتك العملية
الفرق بين المحاسبة والادارة 4 مواد تقريبا ...لأن نصف مواد سنة رابعة بتكون مشتركة بين الشعبتين .... الا لو الدنيا اتغيرت عن ايامنا .... ده يبقى كلام تاني
لكن انا افضل شعبة المحاسبة
السبب هو انك لو حاولت تدخل مجال مراقبة الحسابات والمراجعة .... يعني تبقى محاسب قانوني وتسلك هذا المجال ..... لازم تكون خريج قسم محاسبة ....... ماينفعش اي قسم تاني علشان تتسجل محاسب قانوني
بالتوفيق ان شاء الله

انا مش عارف بيقرفونا 4 سنين فى الكليه ليه,,,طالما مش هنستفاد حاجه من اللى بناخده ...
والفرق بين المحاسبه والاداره متهيألى اكير من اربع مواد ...

المشاركة الأصلية كتبت بواسطة medo.malek

حضرتك عندنا فى المنصورة مفيش غير مادة واحدة مشتركة بين ادارة و محاسبة (حاليا فى الترم التانى )

بالنسبة لصاحب الموضوع انا رابعة انجليزى محاسبة و مش عايز اقلك انا متعذب قد اية سواء من الدكاترة او من المواد اللذيذة بتاعتهم و كل ده عشان اخترت القسم الغلط فا نصيحة فكر كويس اوى و ادرس الموضوع كويس قبل ما تختار
و بالنسبة لمستقبل القسمين عايز اقلك ان المتميزين بس هما اللى ليهم مستقل كويس و اللى بيعدى بمقبول و مواد زى حالاتى دوا بالسلامة ملوش اى مستقبل غير لو حضر حاجة بعد الكلية

انا كمان مفروض اكون فى رابعه بس دبلرت سنه ,,,
وربنا يكون فى عون حضرتك ,,,(انا بقالى 3 اسابيع محتار ) وده اللى خلانى اعمل الموضوع مش عايز ارجع اندم خصوصا" ان فيه شبه اجماع من الناس ان كله محصل بعضه,, يبقى ليه اخش محاسبه واقرف نفسى بدكاتره معقده ومواد لذيذه ...