انا محتاج مساعدة ضرورى

**moooooomooo** · 28-06-2010 12:20 AM

انا اشتريت العربية من سنة ممتازة جداً وبحبها جداً
المهم فى يوم كنت داخل أزود هوا للكاوتش جيت طوبة فى الاسكاترا فعملت فيها تسريب من زيت البور
المهم رحت غيرت الاسكاترا وجبت واحدة استعمال وهى بور طبعاً المهم الراجل بتاع العفشة حطلى زيت
موبل الاحمر وبعدين لاحظت ان السيارة لما بطلع بيها بلاقى الباور فوق الممتاذ ولما العربية تبدأ تمشى شوية
وتسخن آلاقى الدريكسيون يبدأ يتقل فى ايدى حتى وأنا على الاول أو والسيارة ثابتة عكس الوضع وأنا خارج بيها
فى المرة الاول المهم لعدم الاطالة الميكانيكى قالى غير الزيت لزيت أبيض وفعلا غيرتة مرتين علشان الزيت الاحمر
يخرج خالص من الباور وعندى استعداد أغيرة كمان مرة وكل مرة بتتكلف حوالى 65 جنية والله العظيم وبردة مش بلاقى نفس الاداء ذى ما أنا عاوز دلونى ينوبكم ثواب أعمل ....!!
ولكم جزيل الشكر

**chico2013** · 28-06-2010 11:20 PM

بص يا صاحبي.....نصيحة مني.... احنا عندنا برده بولو 2001

روح على الحرفيين عند م/ نادر عطا حيظبطلك العربية ظبطة لوووووووووووووووز
وادي كمان نمرته : 0188018878
واسأله عن عنوانه بالتفصيل حيقولك أو قوللوا عن مشكلتك ويحلهالك
بس بجد والله ناس زي الفل وعندهم أمانة .....
ويا رب يوفقك

**moooooomooo** · 29-06-2010 02:36 AM

شكرا ياشيكو جداً على الرد السريع بس انته ايه رأيك ممكن ده يكون عيب ايه
مع العلم انى مغير الزيت بزيت أبيض مرتين وبفكر أغيرة كمان مرة يمكن يكون فيه رواسب ولا حاجة

**meladadel** · 29-06-2010 04:01 AM

مفكرتش ان يكون العيب فى الاسكاترا اللى انت جبتها. لأن الزيت حتى لو احمر مش ده يكون سبب لتقلان الدركسيون فى ايدك ما انا حاطط زيت احمر والباور عندى كويس وربنا يعينك وتعرف السبب بالظبط

**meladadel** · 29-06-2010 04:16 AM

بالمناسبة يا جماعة لما اجى اغير زيت باور من احمر الى ابيض اغير علطول ولا فيه اجراءات قبل كده ؟

**M.Mostafa80** · 29-06-2010 12:29 PM

هتعمل حسابك فى أزازتين زيت واحده تغسل بيها الدوره بتاعت الزيت
والتانيه هتحطها وهيتفضل معاك منها

**moooooomooo** · 29-06-2010 02:22 PM

أنا بشكركم على الردود والمساعدة وعلى فكرة ياشباب أنا غيرت الزيت مرتين ولسة فية أثر من الزيت الاحمر أنا بعرف من خلال سرنجة حقن
ولما قارنتة بالزيت الاببيض لقيت فيه لسة زيت أحمر علشان كدة إحتمال اغيرة للمرة التالتة هروح أظبط زوايا وبيض واتياش وأبص على الاسكاترا وهشوف وربنا يسهلى وهكتب ليكم النتيجة ان شاء الله