ما هى اسوء عربية ركبتها فى حياتك و اسوء عطل حصلك مع عربيتك و بعدها قررت تبيعها ؟

**mhmdalsaadany** · 30-06-2010 12:43 PM

المشاركة الأصلية كتبت بواسطة m_mekkawy

اسوء عربيه ركبتها كانت 128 الله يحرقها
السواقه بتاعتها ما هى الا محاربه من اجل البقاء
الدركسيون تحس انه بتاع لورى من بتوع الأنجليز
الفرامل فرامل عجله
السحب سحب حمار جارر عربيه كر
الصالون كأنك قاعد فى الشارع وواحد رابطك من رجليك وبيجرك
هى على بعضيها عامله زى صفيحة الجبنه اللى راكب عليها ماكنه
اسوأ موقف لا بسيطه
1-قطعت سير كاتينه على طريق الإسماعيليه الصحراوى
2-شداد العجل ساب العجله وخلها ترحل تخبط فى الرفرف ومستحيل تمشى او تتجر (طريق الإسماعيليه برضه)
3-الدينامو قطع شحن والبطاريه فضيت (طريق العاشر)
4-المارش دار ومرجعش مكانه وصلت من الزقازيق ل المنصوره العربيه بطلت دورى حلفت عليا طلاق ماهى دايره
مواقف غريبه هى اصلا عربيه غبيه وبنت تيييييييييييييييييت

متروحش طريق اسماعلية تاني

**kemoelord** · 30-06-2010 01:47 PM

المشاركة الأصلية كتبت بواسطة ralliart

اسوأ عربيه كورولا 2003 بموتور موتسكل 1300 سي سي ولما التكيف يشتغل الموتور بيودع وثبات مراجيح مولد النبي وصاجهل كله عالي وواطي لان اللي بيلمسها بتدخل لجوه ومبتطلعش
.

انا مستغرب جدا يا راليات من كلامك خصوصا انك بتتكلم عن تويوتا والي معروف عنها ان مواتيرها مش بتتاثر باي حاجة حنى لو كانت 1300 وكمان بتشتكي من ثباتها ,, فعلا انت على كده ما جربت اللانسر 1300 " اتوماتيك " ,,

انا شخصيا كان معايا اللانوس بالرغم من انها حمالة قاسيه وكل حاجة فيها رخيصه بس الصراحه قرفتني في عيشتي ومشكلة العربيه دي بالرغم ان اعطالها شبة معروفه الا انها كتير ومقرفه وعاوز ايدك تكون فيها على طووووووووووووول وبتحصل فجأة يلا الحمد لله بيعتها على خير

**Amrrr** · 30-06-2010 02:25 PM

سيات 133
اسوأ موقف :
على الدائري من ميدان لبنان في اتجاه طريق الاسماعيلية الصحراوي ومنه انزل على مصر الجديدة !! كنت بامشي الطريق دة وانا راجع من المهندسين - من الشغل - عشان الزحمة والعربية دي لو وقفت وهي سخنة مش مضمون اوي انها تمشي تاني وممكن تبطل وهي واقفة مثلا على كوبري ستة اكتوبر ومش هتدور تاني غير بعد لما تبرد
الموقف بقى ----- جالي تليفون من واحد صاحبي معاه شاهين وانا عالدائري - عنده فيوز ساح وهو مشغل التكييف وعايزني اجيبله كهربائي على كوبري 15مايو
طبعا مش هينفع مش ندالة بس عشان اقرب فتحة ارجع منها مشوار وعلى مادخل تاني في الزحمة هاكون انتهيت اذا الشاهين ماستحملتشي الحر !! قاللي طب اشحنلي كارت تليفون وانا هاتصرف دا كان اخر مكالمة في الموبايل !! ووقفت في بنزينة عالدائري شحنتله الكارت وكله تمام !!! امشي انا بقى اكمل رحلتي لمصر الجديدة
ادور العربية مش راضية تدور !! باكارك بنزين راح سلك الاكسيلاتير مقطوع
نزلت اعكس السوستة اللي بترجعه لما اشيل رجلي من عالدواسة بحيث تشد الدواسة كأني دايس بنزين
دارت العربية ولقيتها حارقة جامد - الدواسة مشدودة عالآخر بقى - واتحركت لقيت العربية حارقة عالآخر وصوت الترزيع جوة الموتور على آخره وحاسس انه هينفجر قلت يمكن لما اجيب الرابع الدنيا تهدى!! محصلشي و لقيت مفيش امل لازم اقف ارخي السوستة وداخل على حتة واقفة بسبب الميكروباصات طبعا الفرامل ضايعة والدبرياج مش جايب لآخره ومع اللخمة والخوف من الحادثة اللي كانت هتحصل وصوت الموتور !!! قمت طافي العربية وهي عالرابع مع اني حسيت اني مورت !!!!!! الفتيس اتحشر بقى ساعتها في الرابع ولا عايز يطلع ولا يجيب اي نقلة تانية!!!
ركنت على جنب احاول ادور وانا دايس دبرياج واطلع عالرابع وقلت مش مهم الصوت ان شالله تنفجر المهم امشي من عالدائري !!! وفي اثناء محاولات التدوير المارش اتحرق!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!! قعدت بتاع خمس ساعات في محاولات يائسة لحد مالعربية كانت بردت ولاشمس راحت والجو بقى معقول وندهت سواق تريللا راكن ورايا قلتله يزقني ورميت عالرابع بالعافية وهو كان صبور اوي الصراحة
بقيت امشي حتة لحد ماتجيب اخر الرابع واطفي وافضل دايس دبرياج لحد لما تهدي وقبل ماتقف اقوم رامي عالرابع لحد ماوصلت للميكانيك وماكنشي مصدق ان كل دا باظ في وقت واحد وانها جاية ماشية كمان
غيرت فتيس ومارش وطبعا سلك الاكسيلاتير وطقم كهرباء وركنتها لحد مابعتها ماكنتش مستحمل اركبها تاني وطبعا المضطر يركب الصعب

**د.محمود صلاح** · 30-06-2010 05:35 PM

بالطبع كلواحد له وجهة نظره في الموضوع ده مبني على تجربة سيئة بالطبع مع عربيته

اللي تعبتني اكثر حاجة ال 132 كل اسبوع عند ميكانيكي - كهربائي - سمكري - عفشجي - زوايا - كاوتش .... الخ لحد ما بعتها

**ahmedbibo** · 03-07-2010 02:12 AM

معانتى مع هيونداى اسوء سياره فى التاريخ الاكسيل هى اسوء من اسوء من اسوء عربيه فى العالم هيا و الفيرنا انا نفسى اعرف هما شركت هيونداى مبيجربوش العربيات بعد لما يعملوها ولا ايه والانترا ركبتها مع واحد صاحبى بصراحه بخلاف الشكل الرائع والصالون الطياره بس لا فيها اير باج ولا ابى اس اوعى انسى و يا معلم وانتا راكب العربيه كده مش حاسس بالامان وانا راكب فى اى عربيه كورى ببقى خاااايف موت

**Ralliart** · 03-07-2010 03:26 AM

المشاركة الأصلية كتبت بواسطة kemoelord

انا مستغرب جدا يا راليات من كلامك خصوصا انك بتتكلم عن تويوتا والي معروف عنها ان مواتيرها مش بتتاثر باي حاجة حنى لو كانت 1300 وكمان بتشتكي من ثباتها ,, فعلا انت على كده ما جربت اللانسر 1300 " اتوماتيك " ,,

انا شخصيا كان معايا اللانوس بالرغم من انها حمالة قاسيه وكل حاجة فيها رخيصه بس الصراحه قرفتني في عيشتي ومشكلة العربيه دي بالرغم ان اعطالها شبة معروفه الا انها كتير ومقرفه وعاوز ايدك تكون فيها على طووووووووووووول وبتحصل فجأة يلا الحمد لله بيعتها على خير

والله جرب العربيه وقولي رأيك

انا مكنتش مصدق نفسي اصلاً لاني عارف ان تويوتا مبتعملش حاجه اي كلام بس العربيه دي فعلاً اي كلام خالص وثباتها لا يقارن بأي عربيه نهائياً (العربيه بتاخد الطريق تنطيط مش مشي مستقيم) والله اللانسر ال1300 برقبتها في الثبات والموتور بس تبقى مانيوال لان الاوتوماتيك في العربيات الاقل من 1600بيجيب شلل.سواء في اللانسر او الكورولا

**George501** · 03-07-2010 03:48 AM

Yaris ,Verna,Sprenza,Tigo

**adel1414** · 03-07-2010 04:17 AM

المشاركة الأصلية كتبت بواسطة Abdo_Eldesokey

أسوء عربية طبعاً اللادا .. باي .. تراي .. وفي الصيف ساونا

looooooooooooooooooooooooooooooooooooooooool

**msafa** · 03-07-2010 06:24 AM

موضوع جميل جدا و فكرة ممتازة

انا ركبت عربيتين، 127 و الويرا

انا عانيت كتير مع ال 127 لأنك لااااااااااااااازم ايدك تبقى فيها و الا هتفتح الكبوت في الشارع، بس كانت حمولة، ياما حطتلها بنزين 80 و ياما روحت بيها الساحل و اسكندرية و الاسماعيلية و ياما لفيت
بس خلي معاك نمرة كام ميكانيكي و ظبط كذا واحد في كذا حتة عشان هي لازم تعطل، فين بقى انت و نصيبك

-

الموضوع: ما هى اسوء عربية ركبتها فى حياتك و اسوء عطل حصلك مع عربيتك و بعدها قررت تبيعها ؟

LinkBack

أدوات الموضوع

عرض

-

-

-

-

المواضيع المتشابهه

اية اقوى سحبة عربية ركبتها فى حياتك

من هم اسوء سائقى سيارات فى مصر

اسوء عربية

الافيو مشفتش اسوء من كدة عربية

اسوء عربية

الكلمات الدلالية لهذا الموضوع

المفضلات

المفضلات

ضوابط المشاركة