الموضوع: ما هى اسوء عربية ركبتها فى حياتك و اسوء عطل حصلك مع عربيتك و بعدها قررت تبيعها ؟

من غير حد ما يزعل اللادا ويمكن عشان اتعلمت عليها وما كنتش متمكن فسابت معايا ذكريات مش ولا بد ، كنت باحس وانا بأسوقها اني بأتعاقب الدركسيون عايز واحد مجانص عشان يتحكم فيه ده غير انها سخنت مني ووقفت على كوبري اكتوبر بعد اسبوع واحد من بداية العلام عليها ولصت بيها ما كنتش عارف اعمل ايه وما كانش فيه ساعتها اختراع الموبايل علشان حد ينجدني، الخلاصة كرهتني في السواقة ، بعدها كملت العلام على عربية 128 وكانت احسن بالنسبة لي كتير .

بس ده مش معناه اني بأتريق لأن هي دي العربيات اللي كانت متاحة في مصر في الثمانينات ومعظم اللي كان عنده عربيات ما كانش بيركب غيرهم حتى اللي عنده مرسيدس كنت تلاقي السكند كار 128 ، وانا باعز 128 جدا جدا وعند رأيي انها من انجح العربيات في السوق المصري كفاية استمرارها 35 سنة وسقت منها موديلات 72، 80، 48، 87 واحسنهم المعدل موديل 80 ، لكن اللادا باكرهها الصراحة

الافيو والله بعتها وهيا كانت زيرو قالها 9 شهور كل يوم ف التوكيل صوت العربيه بيعلى والار بى ام بيوصل ل 4 5 و مساعدين زى الزفت بعتها من 80 ل 66 ف 9 شهوووووووووور وكانت مفهاش خدش ولا الهوا كانت لونها اسود وايامها سودا

المشاركة الأصلية كتبت بواسطة sherifbmw

الافيو والله بعتها وهيا كانت زيرو قالها 9 شهور كل يوم ف التوكيل صوت العربيه بيعلى والار بى ام بيوصل ل 4 5 و مساعدين زى الزفت بعتها من 80 ل 66 ف 9 شهوووووووووور وكانت مفهاش خدش ولا الهوا كانت لونها اسود وايامها سودا

أكتر عربية في التاريخ عليها شكاوي ولسه بتتباع برده والناس بتشتريها .. طيب ليه ؟ كل ده عشان الاعلاانات ؟ ولا عشان المنظر ؟ ولا عشان عالية عن الأرض ؟ مش عارف الصراحة

المشاركة الأصلية كتبت بواسطة misoalex

انا شايف كل الى بيشتم ويعيب على اللادا وال سيات 133 وال 127 وال 128 ماشاء الله معاهم عربيات حديثه ربنا يباركلهم فيها

بس يا ترا ده كان رأيهم ايام مكانو راكبينها وميقدروش يجيبو غيرها ولا !!!!!!!!!!!!!!!!!!

عندك حق انا لما كان معايا 28 كنت فاكر ان راكب احسن عربية بس لما ركبت عربيات تانية اكتشف للاسف الحقيقة المريره بجد عربية سيئه
اخويا بقي معقد من 28 كان جايب عربية زيرو سنة 97 اسمها نوفا 128 عمل بيها حادثه بعد شهرين رحت انا صلحتها وبقت تمام اول يوم اخدها ورايح الشغل عمل حادث تاني وكانت الاولي بسبب الفرامل مع دوسة جامده تلاقي العربيه رايحه يمين او شمال انت وحظك وكان مسميها القلابة لانها في المرتين اتقلبت منه لكن الحمد لله كان بيطلع منها زي الفل لدرجة ان كان يروح يقلب العربيه ويرجع مواصلات
لكن الحمد لله ربنا تاب علية من زمان وركب عربيات كتير وكانو كلهم زي الفل
طبعا دلوقتي في السعودية وراكب جمس اكاديا
انا بقي اشتريت 28 ايطالي موديل 79 شفت معاها اتعس ايام حياتي وكمان كان فيه ايام حلوه
كنت لما اسافر بيها كنت اكلم العربيه واقولها بلاش تعطلي في المكان ده ولا ده كمان اه ممكن ده طيب ممكن نروح النهارده بدون مشاكل
الحمد لله ربنا كرمني وانتميت لعائلة التويوتا

عربيه ريتمو

الأفيو كورى 2009 وبعتها بعد 6 شهور وكانت عامله 7000 كم فقط

عربيه قذره بمعنى الكلمه