الموضوع: ما هى اسوء عربية ركبتها فى حياتك و اسوء عطل حصلك مع عربيتك و بعدها قررت تبيعها ؟

ياجماعة احنا منقدرش نحكم على عربية مستعملة ونقول دية فيها وفيها وفيها واسؤا سيارة ركبتها فى حياتى

لازم تكون العربية جديدة عشان كدة مش هيبقى فية وجهة اختلاف

وبالنسبة لمسألة ان فية عربيات جديدة فيها عيوب صناعة فانا اعتقد ان العيوب دية لو لقينها فى 10 عربيات مثلا يبقى دة اجماع ان السيارة دية عيوبها كدة

وعلى فكرة 128 انا كان معايا واحدة مش عايز اقولكوا عشان هتستغربوا العربية عمرها ماعطلت منى فى يوم دة غير انك كنت تركب جوة تحس بالهدوء سواء من نظافة السيارة وتاخد المطب مافيش ترزيع فى اى حاجة اطلاقا
بالنسبة لثباتها والله كنت بمشى بيها على 100 وباخد غرز ضيقة وماكنتش بتقول لأ سرعتها القصوى وجيبتها كانت 150 كيلو وجيبت مرة 158 بس طريق منزل شوية
وكنت بجيب بالاول 50 والتانى 80 والثالث 110 والرابع 150 طريق مستقيم بس كانت بتاخد وقت كبير من 130 الى 150

واللى مش هتصدقوة انى عملتلها اختبار تسارع جابت من 0 الى 100 فى 15 ثانية ومن 0 الى 130 فى 25 ثانية ومن 0 الى 150 فى دقيقة

الماتور بالظبط 1113 سى سى متركبلها جنط السيارة الاصلى بس كنت معرض الكاوتش بدل 145 كنت مخلية 165 وادى ثبات خرافى للعربية فى فئة القديم , بيج 115 كنت بمون 92 , بوجيهات ngk 3 شمعة ,و على فكرة السيارة الوحيدة اللى كنت تركبها ماتسمعش صوت الماتور وهية على السلانسية , مافيش حاجة اسمها زيت على الماتور , كنت مخلية فل , فرش موكيت , اسود للسيارة كلها تابلوة جديد عفشة مونرو اصلى بالسوست , العربية الاربع كاوتشات ماشيين مسطرة على الارض ماتلاقيش فردة معوجة لجوة او لبرة , شاسية مافيهوش الهوا ولا خبطة او لحام او طقطقة مع الطلعة , فرامل يد قوية جدا
وبالنسبة للبدلات والله ماشوفت عربية فى حياتى 128 معملوة كدة كان كل بدال جنب التانى بفرق 2 سم بالظبط كأنك راكب حديث
وكانت كل دة وموديل 74 تخيلوا بس كنت مهتم بيها جدا لدرجة انى كل مامشى بيها فى مكان يقولولى بايع والراجل اللى اشتراها منى قالى انا اول مرة فى حياتى اركب 128 كدة انا كأنى راكب لانوس وعلى فكرة فية حاجة كمان الباب كنت بس ريحة كدة وانت بتقفلة بيقفل بمنتهى السهولة

اللى عايز اوصلهلكوا ان واد بيهتم بالعربية هيخليها احسن من الفابريكة فى الشكل والاضافات بس انت اصرف وتكون فاهم واللى يشتغل فيها بيفهم

وعلى فكرة عمر مؤشر الحرارة ماعلى عن 90 فى كل الاحوال زحمة او حر ماعدا مرة واحدة كنت لسة غاسلها وتقريبا الراجل شال فيشة المروحة غصب عنة وهو بينظف لقيت مؤشر الحرارة على بس وقفت على جنب لقيت المروة مش شغالة والسلك واقع دروت العربية اشتغلت وعرفت لانها كان فيها زرار مروحة يدوى لما شغلتة ماشتغلش