| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 10 من 10

  1. #1

    الصورة الرمزية theknight5000

    رقم العضوية : 3956

    تاريخ التسجيل : 04Jan2008

    المشاركات : 19

    الحالة : theknight5000 غير متواجد حالياً

    Exclamation طلب استشاره فتعديل 128 - Facebook Twitter whatsapp انشر الموضوع فى :

    hasad">

    سلام عليكم

    الحقيقة دي اول مشاركة ليا فالمنتدي الجميل دة واللي بصراحة استفدت منه كتييييييير اوي و الله :)

    المهم الموقف كاللتالي و انا طالب استشارة :

    دلوقت عندنا عربية 128 موديل 1988 حاله كويسة مش متهانة خالص لكن مش متصانة ... المهم خلال ايام بسيطة ان شاء الله هيجي عربية تانية و والدي مش النوع اللي بيبيع حاجة وانا حابب جدا فكرة اني اخدها و اظبطها تظبيط جامد .

    السؤال بقي : هل العربية ينفع في يوم من الايام تبقي عربية محترمة ... انا قصدي بمحترمة يعني امكانيات عالية ... انا بشوف العربيات الحديثة فيها تكنولوجيا و كمبيوتر و انظمة امان و كدة ... هل الحاجات دي ممكن تدخل علي ال128 ... علما اني ممكن اصرف عليها عادي ... حتي لو مش كلة مرة واحدة ... لكن مستعد اصرف مش مشكلة .
    انا عندي اركب حاجة مميزة (امكانيات و شكل )احسن من اني اركب عربية حديثة و منتشرة مع اي حد ... بس لو مكنش التعديل فالشكل مثلا داخل علي امكانيات قوية زي اللانظمة الي بقول عليها و كدة ... يبقي بلاش عشان هيبقي شكلها ارجوز خالص (يعني شكل جامد علي امكانيات ضعيفة = ولا حاجة )

    فانا طالب استشاره ... هل اصرف بقلب جامد و اغير كل حاجة و هل ينفع ادخل عليها اي حاجة ؟... ولا اوفر الفلوس او احطها فالعربية الجديدة ان شاء الله :)

    شكرا
    سلام

    Mohamed Hamdy
    3nd Computer & Systems Eng


  2. #2

    الصورة الرمزية farahat

    رقم العضوية : 2264

    تاريخ التسجيل : 21Sep2007

    المشاركات : 1,671

    النوع : ذكر

    الاقامة : القاهرة

    السيارة: N/A

    السيارة[2]: BMW

    دراجة بخارية: NA

    الحالة : farahat غير متواجد حالياً

    افتراضي -

    أهم حاجة التعديل في الموتور والفرامل و الشاسيه ، و أظن دول في ال-١٢٨ هيبقو صعبين شوية


  3. #3

    الصورة الرمزية Xpert

    رقم العضوية : 2999

    تاريخ التسجيل : 04Nov2007

    المشاركات : 2,472

    الاقامة : Beni suef

    الحالة : Xpert غير متواجد حالياً

    افتراضي -

    بص يا سيدي .. اول حاجه اقتنع ان انت راكب 128 .. القناعه حلوه .. انت مش راكب بي ام بقي فيها اي بي اس و انجكشن و مش عارف ايه .. حلو ؟ كمان انت راكب عربيه و انت الادري بظروفها .. حسب كلامك العربيه حالتها اقرب الي "كالزيرو" .. يبقي سيبها كده ..
    تاني حاجه بقي و ده المهم .. ال 128 ليها نقط ضعف زي الشاسيه و الكمره بتاعه العفشه ورا .. المقصات اللي بتفتح و الركب اللي بتلم .. و حاجات تانيه كتيره ..
    هل ده يمنع التعديل ؟ طبعاُ لاء .. بس تقاوم الحاجات دي الاول ..
    كمان .. كا ما العربيه كانت سيمبل اكتر .. تريحك اكتر (عن تجربه.. ساعات باركب عربيات من الحديثه دي تخللي الواحد يسب و يلعن و يكره حياته .. في حين انها لو كانت بسيطه كان الواحد عمل العيب و هوه واقف ..) ..
    انت معاك 128 .. فل ؟ انسي الباور (التعديل محتاج بلاوي) .. انسي التكيف (المكان محدود و هاتبهدل في العربيه) انسي الانجكشن (هايقرفك علي الفاضي .. بس الانجكشن ممكن الواحد يقلب انجكشن بس لما تكون المكنه مستاهله) ..
    ابداء ظبط في الفرامل و اقلب فرامل سكاكين ورا .. و ظبط العفشه جديد في جديد .. و لو حبيت تسقط مكنه سقط مكنه .. اديها سمكره حلوه كده و وش ميتاليك فرن .. و اركب العربيه سيمبل و بسيطه و هاتريحك .. هيا نصيحه واحده بس .. غير الكراسي بتاعتها عشان مش مريحه ;) (لو استلقطلك 2 بتوع بي ام اي ثرتي او بتوع هوندا اسبور يبقي فل قوي )


  4. #4

    الصورة الرمزية theknight5000

    رقم العضوية : 3956

    تاريخ التسجيل : 04Jan2008

    المشاركات : 19

    الحالة : theknight5000 غير متواجد حالياً

    افتراضي -

    سلام عليكم

    متشكر جدا يا جماعه علي الرد السريع ... و بصراحة كويس اني لاقيت حد اتناقش معاه فالحوار دة

    افهم من كدة ان العيوب الاساسية لو اتعالجت ... العربية تبقي حاجة محترمة و تنفع فالسفر و الشغل الجامد ... دة غير موضوع الاماان "انا بحس اني سايق حتة حديد و مش مااامن علي نفسي فيها و الله "

    بس لو الكلام دة كلة اتغير تبقي حاجة محترمة ... و هل ينفع يتغير اصلا ؟

    انسي الباور (التعديل محتاج بلاوي) .. انسي التكيف (المكان محدود و هاتبهدل في العربيه)
    التكيف مش مشكلة مش ارق معايا ... بس الباور ... ازاي يا باشا ... انا نفسي اسوق بطريقة نضيفة :)

    عن تجربه.. ساعات باركب عربيات من الحديثه دي تخللي الواحد يسب و يلعن و يكره حياته .. في حين انها لو كانت بسيطه كان الواحد عمل العيب و هوه واقف ..) ..
    اول مرة اسمع كدة ... بس و الله مممكن تكون صح !!

    شكرا يا جماعة علي التفاعل

    سلام

    Mohamed Hamdy
    3nd Computer & Systems Eng


  5. #5

    الصورة الرمزية mig44n

    رقم العضوية : 4266

    تاريخ التسجيل : 17Jan2008

    المشاركات : 274

    النوع : ذكر

    الاقامة : مش هتفرق

    السيارة: fiat regatta

    السيارة[2]: fiat 128

    دراجة بخارية: لا

    الحالة : mig44n غير متواجد حالياً

    افتراضي -

    بص ياعم الفارس 5000:
    1-فى حجات لما نظبطها مبتاثرش على اداء العربيه:
    وده حجات لما بنغيرها او نجددها مبتاثرش على اداء العربيه ولكن بتحسن المظهر العام للسيارة وبتدى انطباع جيد للى شايفها او الى سايقها
    2-فى حجات لما نظبطها بتاثر على اداء العربيه:
    وده حجات لما نظبطه بتاثر على اداء العربيه زى:
    العفشه-الموتور-الفتيس-الكربراتير او الانجيكتورس-الكاوتش-وكل الحجات الميكانيكيه المتعلقه باداء العربيه......

    بص ياعم بالنسبه للفيات ال 128 (الحجات الى بتعمل شكل ومبتاثرش على اداء العربيه)
    1-تابلوه شكله حلو (اوبل كورسا او فيات اونو ولو حتى تابلوه 127 بس معرفش هيكفى ولا هيبقى صغير)
    2-طبعا لون ميتالك جذاب ويكون شغل نضيف
    3-طبعا العربيه تكون معمول فيها شغل سمكره تمام
    4-الاكصدامات تتشال خالص هى والفايبر وكل القطع البلاستك المستخدمه على العربيه من الخارج
    5-تركيب اكصدامات فايبر شغل روش ونضيف(مش شرط تعمل اكصدامات فايبر بس على الاقل شيل الاكصدمات الى فى العربيه اصلاا وراء وقدام)
    6-طبعا تنفيخ العربيه
    7-زينون وده بيفرق فى الاداء والشكل
    8-زمارة حلوه مش هورن بوليس لا زمارة تكون سوطها حلو وده بيفرق شكلا واداء ومحدش يقولى شكل ازاى:p
    9-عندك فوانيس وراء ليدات تفرق شكلا واداء
    10- الفرش الداخلى للسيارة بالكامل يفرق شكلا واداء يعنى الكراسى شكلها حلو وتكون مريحه لون فرش الابواب متناسب مع الكراسى الشماسات شكلها حلو فرش السقف متناسب مع الفرش الداخلى وتكون كلها الوان شبابيه عصريه.....


    عندك بقى الحجات الى تفرق فى الاداء:
    موتور ا 1400 او 1600 تمبرا او 1500 ريجات او 1600 ريجاتا وكله لازم يبقى كاما واحده وده احسن علشان الكامتين بيبقى قوى على العربيه....
    طبعا الفتيس والكربراتير هيتغيرو لما تغير الموتور....
    على فكره الموتور ده مش علشان الشد ولا حاجه ده بس علشان يريحك فى السواقه ويخلى العربيه مرنه فى التعامل والاستجابه وطبعا هيفرق فى الشد وربنا يستر....
    طبعا تجيب بارات للشاسيه ودى عباره عن شدادات بتركب للشاسيه من قدام وفى الشنطه وتحت العربيه
    ودى بتفرق فى ثبات العربيه....
    وكمان هات مساعدين وسوست نضاف لوع رفت تجيب كونى يبقى تمام......
    .................................................. .................................................. .......................


    على العموم الحجات دى هتخلى العربيه تفرق جامد بس لازم تعرف انك حتى لو عملت الحجات دى متتنططش فعلا لانك راكب فيات 128 على فكره لو عملت الحجات دى هتبقى مميز جدا....
    بس متقارنش العربيه بعربيات اعلى منها علشان متتعبش..............
    وعلى فكره انا معايا فيات 128:)


  6. #6

    الصورة الرمزية Xpert

    رقم العضوية : 2999

    تاريخ التسجيل : 04Nov2007

    المشاركات : 2,472

    الاقامة : Beni suef

    الحالة : Xpert غير متواجد حالياً

    Wink -

    اقتباس المشاركة الأصلية كتبت بواسطة theknight5000 مشاهدة المشاركة
    بس لو الكلام دة كلة اتغير تبقي حاجة محترمة ... و هل ينفع يتغير اصلا ؟
    احنا بنصنع عربيات من جديد .. و كله ممكن يا باشا ..

    اقتباس المشاركة الأصلية كتبت بواسطة theknight5000 مشاهدة المشاركة
    التكيف مش مشكلة مش ارق معايا ... بس الباور ... ازاي يا باشا ... انا نفسي اسوق بطريقة نضيفة :)
    انسي الباور .. اند اوف ديسكاشن ..

    باشا .. احنا مابنتفاعلش .. احنا مش مواد كيماويه هههه


  7. #7

    الصورة الرمزية Xpert

    رقم العضوية : 2999

    تاريخ التسجيل : 04Nov2007

    المشاركات : 2,472

    الاقامة : Beni suef

    الحالة : Xpert غير متواجد حالياً

    Talking -

    اقتباس المشاركة الأصلية كتبت بواسطة mig44n مشاهدة المشاركة
    بص ياعم بالنسبه للفيات ال 128 (الحجات الى بتعمل شكل ومبتاثرش على اداء العربيه)
    1-تابلوه شكله حلو (اوبل كورسا او فيات اونو ولو حتى تابلوه 127 بس معرفش هيكفى ولا هيبقى صغير)
    2-طبعا لون ميتالك جذاب ويكون شغل نضيف
    3-طبعا العربيه تكون معمول فيها شغل سمكره تمام
    4-الاكصدامات تتشال خالص هى والفايبر وكل القطع البلاستك المستخدمه على العربيه من الخارج
    5-تركيب اكصدامات فايبر شغل روش ونضيف(مش شرط تعمل اكصدامات فايبر بس على الاقل شيل الاكصدمات الى فى العربيه اصلاا وراء وقدام)
    6-طبعا تنفيخ العربيه
    7-زينون وده بيفرق فى الاداء والشكل
    8-زمارة حلوه مش هورن بوليس لا زمارة تكون سوطها حلو وده بيفرق شكلا واداء ومحدش يقولى شكل ازاى:p
    9-عندك فوانيس وراء ليدات تفرق شكلا واداء
    10- الفرش الداخلى للسيارة بالكامل يفرق شكلا واداء يعنى الكراسى شكلها حلو وتكون مريحه لون فرش الابواب متناسب مع الكراسى الشماسات شكلها حلو فرش السقف متناسب مع الفرش الداخلى وتكون كلها الوان شبابيه عصريه.....


    عندك بقى الحجات الى تفرق فى الاداء:
    موتور ا 1400 او 1600 تمبرا او 1500 ريجات او 1600 ريجاتا وكله لازم يبقى كاما واحده وده احسن علشان الكامتين بيبقى قوى على العربيه....
    طبعا الفتيس والكربراتير هيتغيرو لما تغير الموتور....
    على فكره الموتور ده مش علشان الشد ولا حاجه ده بس علشان يريحك فى السواقه ويخلى العربيه مرنه فى التعامل والاستجابه وطبعا هيفرق فى الشد وربنا يستر....
    طبعا تجيب بارات للشاسيه ودى عباره عن شدادات بتركب للشاسيه من قدام وفى الشنطه وتحت العربيه
    ودى بتفرق فى ثبات العربيه....
    وكمان هات مساعدين وسوست نضاف لوع رفت تجيب كونى يبقى تمام......
    .................................................. .................................................. .......................


    على العموم الحجات دى هتخلى العربيه تفرق جامد بس لازم تعرف انك حتى لو عملت الحجات دى متتنططش فعلا لانك راكب فيات 128 على فكره لو عملت الحجات دى هتبقى مميز جدا....
    بس متقارنش العربيه بعربيات اعلى منها علشان متتعبش..............
    وعلى فكره انا معايا فيات 128:)
    بص يا حج .. تعليقاً علي كلامك .. انا عن نفسي مابحبش الكلام الفاضي .. و احب العربيه يفضل فيها معالمها الرئيسيه ..
    و باحب الكلاسيك .. و لو انا هاركب 128 .. يبقي موديل 76 ;) و بلاش تنفيخ و الكلام ده .. الشكل من بره ستوك .. و المكنه تحت الكبوت دمار .. ده شعاري ..
    هاسقط المواتير دي : لو انا بتاع جري جري .. اونو تيربو .. لو انا بتاع جري بس .. مكنه 1600 .. لو انا بتاع استخدام يومي .. تمبرا 1400..
    بس خلاص


  8. #8

    الصورة الرمزية ahmedezzat78

    رقم العضوية : 3746

    تاريخ التسجيل : 16Dec2007

    المشاركات : 1,558

    النوع : ذكر

    الاقامة : المقطم

    السيارة: Maruti 2008

    السيارة[2]: Lanos 2007 FO

    دراجة بخارية: no

    الحالة : ahmedezzat78 غير متواجد حالياً

    افتراضي -

    مش عارف انا حاسس من كلامك انك محتاج عربيه تعتمد عليها فى السفر مش متروشه يعنى

    عموما لو ناوى تبيع قريب يبقى بلاش المصاريف الجامده

    128 حلوه فى الجرى بس نقطة ضعفها الشاسيه و المطبات لكن لو ماشى فى طرق سفر نظيفة و معاك عفشة نضيفى يبقى تعتمد عليها تمام و اهم حاجه زى الاخوه ما قالو العفشة و الفرامل و دوره التبريد(طلمبه ردياتيرنحاس 3 ماصوره و خراطيم جديده) كده تسافر و انت مطمن وياسلام لو المكنه كبرت يبقى تسافر مرتاح
    انا كنت مركب موتور و فتيس ريجاتا 1500 و العربيه كانت متعفرته جدا وبسافر بيها 140 بس بينى و بينك مستوى الامان فى العربيه مش بتاع سرعات عاليه

    نصيحه: لو عندك السوسته الخلفيه 3 ورقات او حتى ورقتين تخان غيرها بواحده اصليه من الوكالة 2 ورقة رفيعين هتلاقى العربيه وطيت شوية بس هتبقى انعم و اكثر ثباتا على الطريق

    خلاصة الكلام انصح اولا بالاهتمام بالميكانيكا و العفشة عشان تسافر مطمن و بعدين الشكل الخارجى و الصالون بلمسات خفيفه شيك تفرق شكل العربيه مع الاحتفاظ بالشكل و الطابع الاصلى


    #0033ff
    تحياتى
    أحمد عزت


  9. #9

    الصورة الرمزية theknight5000

    رقم العضوية : 3956

    تاريخ التسجيل : 04Jan2008

    المشاركات : 19

    الحالة : theknight5000 غير متواجد حالياً

    افتراضي -

    سلام عليكم

    والله انا متشكر جدا علي الاجابات السريعة جدا دي ... بجد شكرا

    طيب تمام مبدئيا انتو كدة طمنتوني ان ينفع اظبط اي حاجة ... و ان شاء الله هبدا واحدة واحدة لان الموضوع شكلة طويل :)

    ولو في حاجة هسال عنها بالتفصيل هبقي انزلها فتوبيك لوحدة ... لو ملقيتش الحل فالمنتدي يعني

    بخصوص موضوع السفر ... لا يا باشا انا مش بتاع سفر كل يوم ... انا لسة 2 كلية و كدة ... فبقول يعني لو احتجتها فمشوار مصيف ولا مصر و لا حاجة متقولش لا يعني واقلبها من الوالد براحتي :)... ميبقاش عندي عربية اسم و خلاص :)
    غير كدة و كدة انا احب اهتم بالقوة الاول زي ما حضرتك قولت

    شكرا تاني يا شباب :)


    سلام

    Mohamed Hamdy
    3nd Computer & Systems Eng


  10. #10

    الصورة الرمزية theknight5000

    رقم العضوية : 3956

    تاريخ التسجيل : 04Jan2008

    المشاركات : 19

    الحالة : theknight5000 غير متواجد حالياً

    افتراضي -

    hasad">

    سلام عليكم

    mig44n باشا .... معلش مخدتش بالي انك بتقول معاك 128

    سوال علي السريع :
    انت مغير فيها حاجة او مزود عليها اي حاجة ؟

    شكرا
    سلام

    Mohamed Hamdy
    3nd Computer & Systems Eng



 

المواضيع المتشابهه

  1. عايز رأيكم فتعديل فوانيس خلفيه اكسيل
    بواسطة kreka في المنتدى هيــونــداى
    مشاركات: 8
    آخر مشاركة: 20-12-2012, 02:43 AM
  2. استشاره
    بواسطة kreka في المنتدى قســـم الصوتـــيات
    مشاركات: 6
    آخر مشاركة: 17-10-2011, 11:20 AM
  3. استشاره
    بواسطة aminibrahim في المنتدى المنتــــــدى الاجتمــاعى
    مشاركات: 0
    آخر مشاركة: 27-04-2011, 03:58 PM
  4. استشاره ...
    بواسطة beetleMOSH في المنتدى قســـم الصوتـــيات
    مشاركات: 16
    آخر مشاركة: 17-06-2010, 11:44 PM
  5. استشاره
    بواسطة ahmed_esmail في المنتدى مشاكل اجزاء التعليق
    مشاركات: 3
    آخر مشاركة: 18-05-2009, 04:35 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2