كروديا كروديا بس أعيش

**هيثم** · 29-06-2010 11:14 AM

الله يحرقه
هو و اللى زيه

**levelpower** · 29-06-2010 11:32 AM

الله يرحمه و يسمحه و يسترها معانا

**aly_moh** · 29-06-2010 11:39 AM

المشاركة الأصلية كتبت بواسطة TaoTao

والفهلوي اللي ينط من الأوتوبيس ويجري يعدي الطريق من قدامه كأن مافيش عربيات ممكن تيجي من شمال الأوتوبيس .. الواد فهلوي وهايخسر مليون جنيه في البورصة لو استنى ربع دقيقة لغاية الأوتوبيس ما يمشي ويقدر يشوف السكة !!!

موضوع الفهلوي ده ظريف لأن الفهلوة جين من الجينات الفرعونية المتوارثة زي مانت قلت :)

ربنا يرحمة برحمتة

**mfarag** · 29-06-2010 11:47 AM

هى دى المشكلة لما 99 % من الشعب يقتنع ان هو الفهلوى الوحيد والباقى اكيد كرديات

و طبعا القانون و النظام و ال System ول معمولين عشان الكروديات مش عشانة

**JAM** · 29-06-2010 11:59 AM

من خلال سنوات قيادتى لم ولن أرى أكثر من الفهلوية قائدى سيارات المنوفية بجميع انواعها... لدرجة والله واحد منهم قالى انه لو فى واحد بلدياته عدى منه .. بيروح يذله فى بلدهم... والله الكلام دا إتقالى... فهلوية متأصلين

**dolly13** · 29-06-2010 12:14 PM

يعنى هو فهلوى هو حر لكن ياريتها بتيجى عليه لوحده
لكن التانى اللى خبطه ده ذنبه ايه بس
لاحول ولا قوة الا بالله

**2faster** · 29-06-2010 12:22 PM

ههههههههههههههه

جامد اوي موضوع الفعلوي والكروديا

هههههههههه

ياتري انتا من انهي واحد فيهم؟؟؟؟؟؟؟

سؤال يطرح نفسه

انتظروا الاجابة اول حلقة من برنامج (انا انا وحدش ورايا)

**Ahmed Mubarak** · 29-06-2010 12:40 PM

يا جماعة الموضوع مش موضوع فهلوى واو كروديا
الموضوع هو ان ضغوط الحياة والظروف هى اللى بتخلى الواحد يتصرف بطريقة مش مظبوطة (فهلوية)
وربنا يرحم الجميع

**electrondevil** · 29-06-2010 12:54 PM

طبعا طبعا أكيد كلنا بنشوف كل الحاجات دي يوميا, وزي ماقلت مش بس في السواقه أو في الشارع, لأ دي في كل حته.

خد دي بقى:
اللي أقوى من كل اللي فات ده بقى حاجه جامده جدا, لما إتنين فهلويه يتقابلوا وكل واحد فيهم بيعامل التاني على إنه كروديا بس بيحاول يستنصح. يا لهويييييي بتبقى مهزله عنقوديه.

والموقف ده مثلا بنشوفه لما الفهلويه أرقام من 153323424 إلى 987898785987598345 بيتقابلوا قدام شباك تسليم لوحات تسيير مركبات الملاكي في مرور فيصل. ده مثلا يعني.

أنا هطلب منكم طلب يا جماعه, بجد طلب إنساني بحت.
كل واحد يفكر في تصرفاته قبل مايعملها, بلاش فهلوه, أنا متأكد إن كل الناس اللي اتريقت على الفهلويه (ومنهم أنا) فاكرين نفسهم من سكان كوكب كروديا, لكن لأ, Absolutely.

كلنا سرقنا U-Turnat وكلنا سرقنا غرز, وكلنا سرقنا حتت عكسي, وأكيد كلنا اتجاوزنا السرعه
فكروا تاني يا جماعه أرجوكم, العمر بينتهي في لحظه واحده بس
وده لكل البنيآدمين للفهلوي والكروديا
يعني انت ممكن تبقى كروديا وييجي واحد فهلوي يموتك
وممكن تبقى فهلوي وتتسبب في موتك انت شخصيا

فاكرين صاحبي اللي قلتلكوا عليه اللي خد 3 شهور حبس؟
ده خبط واحد ورجله اتكسرت بس, مجارالوش أكتر من كده
بس للأسف مات بعد شهر, عشان فتفوتة عظم دخلت في الدوره الدمويه من غير ماحد ياخد باله لحد ماوصلت للقلب.

خلوها حمله ياجماعه

لا للفهلوه, كلنا كروديات

**Ahmed Nouh** · 29-06-2010 01:39 PM

وما اكثرهم على طريق اسكندريه الزراعى

تبقى ماشى فى امان الله وتشوف عجله طالعه من السور , وقال ايه البيه عمال يهز الموتوسيكل قال يعنى انت هتتهز وتهديله يعدى

وقال برده من حكم الغباء عليه انه مش عايز يطلع موازى للسور وبعدين ياخد يمينه لا ده عايز ياخدها تورته واحده من الشمال لليمين وينجز نفسه وبيتكرر كتير نفس الموقف وحد يبعته رحله للفضاء الخارجى على اثرها يتقفل الطريق ويتولع الكاوتش وتتكسر عربيات الغلابه اللى ساقهم الحظ السئ للتواجد على نفس الطريق فى نفس الوقت

الموضوع: كروديا كروديا بس أعيش

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

أنا مش عارف حأقدر أعيش بعد كده أزاى

أنا نفسى أعيش

الكوسة ناقصه طز يا كروديا..!!!

ما هو قانون التعامل مع الناس في مصر .. مش عارف أعيش في مصر

الكلمات الدلالية لهذا الموضوع

المفضلات

المفضلات

ضوابط المشاركة