الموضوع: تأثير منظف الرشاشات فى الانوس

المشاركة الأصلية كتبت بواسطة Akram

يا جماعة عايز أعرف امته أكون محتاج أضع سائل التنضيف ده ,
يعنى كل كام كيلو اعمل الموضوع ده و الا لما يكون فيه مشكلة معينة اقوم اعمل القصة دي ,
يا ريت حد يوضح الموضوع ده بالتفصيل .

عزيزى أنا حصلت اليوم على منظف رشاشات stp
ومكتوب عليها توضع كل 10000 كم مع توقيت غيار الزيت تقريبا ( طبعا موبيل 1 )
وأنا بأفضل مدة أطول ....

المشاركة الأصلية كتبت بواسطة MEDO80

بصوا يا جماعة انا اخيرا اتخلصت النهاردة من كل البنزين الملوث بالوساخة الي اسمها منظف الرشاشات بتاع موبيل ابو 17جنية
و رجعت فولت من بنزينة توتال جليم
اولا الموتور صوتة هدي و انتظم و رجع يسحب زي الاول( اه ولاهي مش تهيأت )
ثانيا الصوت دا بتاع الدردره كان صادر من ان في انبوبة في السدر بتاع العربية ملاصقة للسدر نفسة يعني من ناحية السواق ملاصقة لضهر الدركسيون من ناحية الكبوت ( سامحوني لو مش عارف اوصلها ) بمعني اخر اول ما تفتح الكبوت حتلاقيها في الاخر خالص من ناحية السواق كدا المفروض يكون في حتة كاوتش و لا حاجة تعزل الانبوبة دية عن السدر طبعا نتيجة لتقفيل ابناء النيل الانبوب بيخبط في السدر عن الاهتزازات العالية و كان بيعمل صوت الدردره دية المهم رحت التوكيل و الراجل شدلي الانبوب بره علشان يبعدة شوية و ما يخبطش في السدر( ساعتها افتكرت ان كان في اخ في المنتدي ظهر عندة نفس المشكلة و شرحها من قبل )
ثالثا و اخيرا الي كان بيساعد علي الاهتزازات دية ان الترصيص بتاع العجل باظ و بقي في اهتزاز غريب في العربية و انا ماشي رحت رصصت تاني و الغريب اني لسة مرصص نفس العجل العفش دا من 3 شهور تقريبا و كنت مره كتبت مره عن ترصيص عجل الفيرنا و الكاوتش العظيم نسر و الراجل كان مستغرب ولاهي كان في عجل و لا كانة اترصص قبل كدا رغم اني مرصص ال 4 فرد من حوالي 3 شهور

عزيزى كلامك يدل على أن سبب الرجة والصوت ليس لها علاقة بمنظف الرشاشات..
أرجو التوضيح وشكرا

لا يا باشا انا بدات بالبند رقم 1 و قلت ان صوت الموتور مكنش مضبوط خالص باجماع كل الناس دا غير سحبة كان تعبان جدا
ممكن برضة يكون من نوعية البنزين رغم اني قلت اني حاطط 92 من موبيل علي البحر يعني مش بنزينة اي كلام
اذن كدا يبقي فية احتمال يكون من هذا السائل
و ممكن يكون حاجة تانية خالص ادوني علبة مضروبة و خصوصا اني ما شفتش اية الي بيحصل و انا بافول المره الي حطيتة فيها
عموما انا قلت جميع الاحتمالات للفائدة العامة عموما انا عن نفسي مش ناوي
اما باقي البنود انا ذكرتها كنوع من الخبره لمن يمتلكون هذه السياره و تجاربي معاها
و شكرا

المشاركة الأصلية كتبت بواسطة moby

عزيزى كلامك يدل على أن سبب الرجة والصوت ليس لها علاقة بمنظف الرشاشات..
أرجو التوضيح وشكرا

و ممكن يكون حطلي اي سائل تاني او ما حطش اصلا ضمن ازمة الضمير الي احنا بنعيشها

لاحظت أن مؤشر أوعداد البنزين لايتحرك وثابت على ( فول تنك )
رغم أننى مشيت بالسيارة أكثر من 120 كم بعد أضافة منظف الرشاشات stp
فهل هناك تفسير لذلك ؟؟؟
وشكرا