الموضوع: سؤال للناس اللي معاهم سيريون اتوماتيك

المشاركة الأصلية كتبت بواسطة bmya

السلام عليكم

دلوقتي انا ا عايز اسأل في حاجه
انا من يوم ما جبت السيريون وانا حاسس ان الفتيس الاتوماتيك مختلف عن عربيتي القديه (لانسر 99 اتوماتيك)
ومختلف عن الصني اللي معانا 2008 اتوماتيك

الفتيس ندي بحس انه بيطول اوي في النقله خصوصا النقله من الاول للتاني
ومبيرداش ابدا ينقل للتاني غير عند سرعه 20 بمعني لو انا فضلت مريح رجلي على البنزين وعداد السرعه معدي سرعه 10 كم بس قبل ال20 ماتنقلش وتفضل ماشيه على الاول
وكمان لو كانت على 20 مثلا ونزلت ل 10 ودوست بنزين بحس بالنقله اوي واحس زي متكون عملت كيك دون
عكش اللانسر والنيسان اللي حسب دوسه البنزين يعني ممكن تاخد التاني على سرعه 10 عادي على حسب ما انا دايس بنزين

مش عارف بقه في حاجه غلط عندي ولا ايه
انا العربيه ماشيه 22000 وبعمل الصيانات عادي وبغير الززت في معاده او قبل معاده وزيت الفتيس المفروض مش ناقص لانهم المفروض بيشيكو عليه في الصيانه وكمان انا ببص عليه


انا في الاول قلت هي العريبه كده بس
لحد امبارح بس اتشرفت بمقابله الحج توفيق حبيب قلبي كبير السيريونيين
وللاسف مقعدناش كتير مع بعض يدوب ساعتين وبجد هي اول مره اتشرف بمقابلته بس كنت حاسس اني اعرفه من زماااااااااان وان شاء الله تكرر تاني قريب بس يارب مايزهقش مني

المهم قلت اجرب العربيه بتاعت الحج توفيق بسم الله ماشاء الله حسيت ان انا اول مره اسوق سيريوون
العربيه ماشاء الله ناعم اوي عن عربيتييييييي بس الحج توفيق بيقولي عشان عربيته ماشيه اكتر من 70 الف ماشاء الله وانا يدوب لسه 22
العفشه ماشاء الله ناعمممممممممه حرير بالنسبه لعربيتي
مش عارف عشان هو مغير الكاوتش بمقاس اكبر ولا اييييه ودي حاجه تانيه قرفاني في العربيه هي العفشه الناشفه

الفتيس عنده انا حاسس انه انعم من عندي برده ومبحس بالنقله زي عندي !!
الحج توفيق ساق عربيتي برده وقالي الحاجه الوحيده اللي هو ملاحظها هي نشوفيه العفشه عندي :t_thum1[1]:

لدرجه انه بيقولي ممكن تكون المساعدين عايزين يتغيرواااااا

المهم خلونا في الفتيس اهم

ياريت الناس ترود عليه هي بتبان اوي وانا ماشي براحتي يعني يدوب دايس بنزين براحه لكن مش بتببان او انا دايس بس عموما الفتيس حاسس انه مش سلس في نقلاته ياترى عندي بس ولا هو كده

مستني ردودك احسن انا مقللللللللق والله

بسم الله الرحمن الرحيـــــــم


أخى وحبيب قلبى/ شريف باشا..


شرفا لى أن أقابلك وأتحاور معك وبصراحة مع أنها أول مرة ألقاك لكنك سكنت قلبى بسرعة شديدة..


ومن حسن حظى أنك سمحت لى بتجربة سيارتك الجميلة والمعدلة وصدقنى كما قلت لك عربيتك ممتازة؟

فقط العفشة ناشفة شوية يمكن من فرق الكاوتش أنا مركب كاوتش ميشلان 14-60-185


وفعلا فرق كبير فى النعومة والثبات بينة والدانلوب؟؟ أيضا البوجيهات عندى ليزر كما قال أخى أبو عبدالله؟؟

وكمان متنساش عداد الكيلوميتر عندى 75 ألف وبسافر كتير بالعربية..وأستخدم النتروجين فى الكاوتش؟


كنت سعيد جدا بمقابلتك وشهامتك وظرفك. وانت دائما على الرحب والسعة ودعوتى لك مفتوحة(طبعا فاهم)


ههههههههه


منتظر رأى كبير الخبراء أبو عبدالله لما تذهب الية؟؟


تحيــــــــــــــــــــات ى