الموضوع: محتار أجيب سكودا أوكتافيا أو رينو فلوينس

المشاركة الأصلية كتبت بواسطة golf2010

هقول تاني:
1- الرينو سوقها ضعيف في مصر.
2-لو سألت اغلب الميكانيكية في مصر عن الرينو هتشوف قد ايه سمعتها في الأرض.
3- الرينو سعر اعادة بيعه واقع.
4- الرينو ماينفعش تصلحوا بره الوكالة.
5-الرينو قطع غيارو غالية.
6-السوق المصري لسه لحد دلوقتي مش قابل الرينو ومش معترف بيها زي بقيت الأوروبي والياباني والهيونداي والكيا, مش معقول الناس دي كلها مبتفهمش وقطيع زي ما احد الزملا قال واحنا الي بنفهم وبس.
7-الرينو في فرنسا هو الأرخص وليس الأفضل ياريت تستوعبوا النقطة دي, ولو ليك اي حد زار فرنسا قبل كده اسألو هيقولك نفس الكلام, هيقولك ان الشرطة وأجهزة الدولة سيتروين, والعربيات الرسمية زي الرئاسة والخارجية وغيرها بيجو.
8-الرينو مش بس غير مرغوبة في مصر لا دي غير مرغوبة في كل دول الخليج وده كلام عن علم تام وانا متأكد منه 100% لأني شفت بعيني, فا يمكن كمان الخليجين الي معاهم فلوس ومايهمهمش سعر قطع الغيار زينا مابيفهموش برضو.
9-انا رشحتلو الأوكتافيا عشان الفلونس في قسم المقارنات كانت بتتقارن بسيراتو وعربيات اقل من الأوكتافيا.
10- أخيراً قول رأيك وسيب الناس تقول رأيها وانا بتقي الله والله ورأيي ده انا مقتنع بيه 100%.
11- كلامي ده مش معناه اني لا يمكن اشتري رينو بس معناه ان الأوكتافيا احسن من الفلونس.

أنا آسف على الرد المتأخر... أنا رأيي الأوكتافيا أفضل لأنها تكنولوجيا ألمانية (مش ألماني) لأن أنا من صغري مش بحب غير الألماني...
بس ده مايمنعش إني أقول لحضرتك إنك ظالم الرينو قوي قوي قوي...

1- سوقها ضعيف إزاي... هو حضرتك مش شايف قد إيه الميجان 2 و اللوجان في الشارع حتى لو كانت اللوحان مش رينو أصلاً بس كفاية إنها بتتسوق بإسم رينو.

2- سمعتها في الأرض عندهم علشان مابيفهموش فيها، بس ده مش معناه إن أعطالها كتير بالذات لو مافيش إهتمام و وعي بما تحتويه العربية... و بقول كده بأمانه علشان أبقى حيادي.

3-طيب ما السكودا نفس الكلام (ناس بتقول تقيله في بيعها و أنا شفت ده بعيني)

4- زي ما في ناس من عينة هاني الحسيني في السكودا و الفولكس في ناس كتير ملوك الرينو!!

5-ده على أساس إن منطقي إن الـ Lambda sensor بتاع الـ Fabia يبقى بـ 1200 جنيه؟؟؟

6- هنا أختلف مع حضرتك قوي بقى... و أقول لحضرتك إقرأ رقم 1.

7- ده صحيح بس نفس الكلام بالنسبة لـ Volks Wagen اللي معناها عربية الشعب و بدايتها إن أدولف هتلر كلف فرديناند بورشيه بأنه يعمل عربية موفرة في البنزين و تكلفتها أقل من ألف مارك ألماني.

8- على فكرة برضه المرسيدس بجلالة قدر كارل بنز مش مرغوبة في الخليج.... كله ياباني علشان تكييفه و ده من كلام ناس صحابي كتير عايشين هناك.

9- لاحظ في كام فئة في الفلوينس ... الأوكتافيا تكسب بس مش لأن الفلوينس إتقارنت بعربيات كوري... سيدي الفاضل المقارنة كانت تقليل من شأن أي عربية أوروبي (آسف لملاك الكوري بس ده رأي شخصي و من حقكم تختلفوا معايا)

10-حقك تقول رأيك بحرية بس ياريت بأسلوب أفضل بالذات لو حضرتك متحيز لعربية قوي كده.

11-متفق معاك.

والله أعلم... و أسف على الإطالة..
في رعاية الله...

المشاركة الأصلية كتبت بواسطة amrelserw

السلام عليكم
شكرا للاخ Gazzar على رده الحيادى جدا بس كان عندى تعليق عن الى اتقال من وجهة نظرى المتواضعة
1)هى أوكتافيا بقت المانى من امتى (انا معلوماتى انها تشيكى) و على دا عشان الوحدة الاوربية
2

أول حاجة أحب أقولك العفو ومتشكر أنا على ذوق حضرتك..

بالنسبة لموضوع ألماني إزاي.....
سكودة شركة ضمن مجموعة Volks Wagen اللي تنتمي إليها الماركات الآتية
Audi
Skoda
Seat
Bently
Lamburgini

إنما هي مش ألماني أصيلة...
والله أعلم...
في رعاية الله...