الموضوع: محتار أجيب سكودا أوكتافيا أو رينو فلوينس

المشاركة الأصلية كتبت بواسطة gebreel

استاذ golf2010 مع احترامي الشديييييييييييييييييد جدا لحضرتك بس انا بطلب منك و بدون اي زعل انك متتهكمش على اي حد مهما كان رأيه حتى و لو كان يتعارض مع رأيك

انا بحب رينو جدا و الفلوانس تحديدا بس الاوكتافيا عربية اكثر من ممتازة و لو فكرت اني اجيب عربية في الفئة دي هبيقى محتار فعلا لأن ال2 حلوين جدا و انا عاشق لرينو و في نفس الوقت بموت في الالماني

بالنسبة لأن ضافر الاوكتافيا بشركة رينو كلها انا مش مع حضرتك خالص شركة رينو كانت من اوائل الشركات اللي اخدت 5 نجوم في اختبارات الامان الاوروبية

الميجان اللي مش عاجبة حضرتك اتفق تماما ان كان فيها اعطال في 2005 لكن مش حاجات تودي في داهية و رينو اعترفت بيها و التوكيل كان بيغيرها تبع الضمان بدون اي مشاكل و يمكن بدون ما العميل ما يتكلم اصلا بعد كدة تلافو العيوب دي

لو رينو شركة مش كويسة مكانتش شركة عريقة المانية زي مرسيدس استعانت بيها علشان تمدها بمواتير لعربياتها الصغيرة

رينو كانت في يوم من الايام بتصنع دبابات و عربيات نقل جنود مش بس ملاكي

و عموما احنا مش هنقلب الموضوع دفاع عن رينو ولا حاجة بس العربيتين احلى من بعض اركب الاثنين و قارن بينهم و استخير و اللي تستريحلو اتوكل على الله بس اللي هقولو و عن تجربة لسة من يومين ان توكيل رينو eit محترم جدا و مش هتتعب معاه و مصنعياتو مش عالية بالنسبة لتوكيل اسكودا مش عارف ايه نظامو

سعر اعادة البيع للاوكتافيا اعتقد هيبقى افضل من الفلوانس نظرا لفكرة الناس عن الفرنساوي

و مبروك مقدما و يا استاذ golf2010 بعتذرلك لو كان كلامي فيه اي حاجة ممكن تضايقك

والله يا زميلي حضرتك أسلوبك محترم جداً وراقي وانا مش بتهكم والله على شركة رينو, أنا بس قولت رأيي بالأسباب الموضوعية في أول رد وبعدين طلعت بفتي لما بتكلم بالمنطق الى معظم الناس متفقة معايا فيه.
نيجي بقى لرينو الشركة كشركة لا خلاف انها عريقة بس اسمحلي حضرتك اقول نقط ممكن نختلف او نتفق فيها:
1-أي شركة سيارات يقاس نجاحها بالإنتشار وحجم المبيعات, وده ممكن يتاخد على مستوى عالمي او مستوى بلدنا بس, ولو على المستوى العالمي رينو في مراكز متأخرة في المبيعات وكانت بتعاني من خسائر كبيرة قبل الأزمة المالية كمان وحضرتك ممكن تراجع أرشيف جريدة الحياة, أو مجلة توب كار المترجمة بالعربي وتتأكد, بالنسبة لمستوى بلدنا حضرتك شايف ان سمعة الرينو مش حلوة وده مش من فراغ ومش عشان زي ما الناس بتقول ثقافة الشعب المصري مابيحبش التغيير, بدليل عندك البروتون اهي لا ياباني ولا الماني ولا فرنسي والناس بتشكر فيها وبتقبل عليها.
2-إعادة بيع الرينو: أي عربية سعر إعادة بيعها عالي مابيجيش من فراغ وده لأن المشتري عارف ان مصاريفها هتكون اقل وقطع غيارها اوفر وصيانتها اسهل ومعنى كده ان الرينو ضعيفة في الجوانب دي كمان.
3-عمر الرينو الإفتراضي: وده أحد العلامات الكبرى لتفوق شركة صناعة سيارات, حضرتك ممكن تشوف عربية الماني أو إيطالي أو بيجو من السبعينات ماشية في الشارع وشكلها طبيعي, لكن مستحيل تلاقي الموضوع ده في عربية من رينو, وده مؤشر ان العمر الإفتراضي لمحركاتها أقل منهم مش بالضرورة يكون قصير بس على الأقل أقصر من الباقي بكام سنة وده ضعف أيضاً في النقطة دي.
4-الرينو حتى الآن لم تثبت وجودها في مصر أو في دول الخليج وسط الشركات التانية فواضح ان المشكلة مش في وكيل مصر أو في الشعب المصري دي شكلها ظاهرة لكل البلاد الي درجات الحرارة فيها عالية.
5-تاريخ الرينو في العربيات الملاكي مش مشجع عشان زمان كان في أعطال كتيرة جداً ومنها تجربة شخصية لإبن خالتي الي باعها بعد تعب كبير ولف ومصاريف, وده ممكن يكون انتهى الوقتي او الشركة صلحت العيوب دي بس هتاخد وقت على ما تثبت ده عند الناس.
6-حضرتك قولت رينو كانت بتصنع عربيات نقل جنود ودبابات, ده شيء كويس بس هل ده مقياس للعربية الملاكي؟ يعني مثلاً في دبابات وعربيات نقل جنود صيني هل الشركة دي ممكن تعمل عربيات ملاكي احسن من تويوتا ؟
7-انا ماليش اي مصلحة اني اقلل من رينو بس انا بنصح الناس لوجه الله فقط بس بلاقي ملاك رينو متعصبين جداً لعربياتهم ويقولوي انتا بتفتي مع انك لو شوفت قسم رينو هتلاقي كم مشاكل رهيب في عربيات ماعداش عليها 4 و5 سنين, ادخل اي قسم اوروبي هتلاقي حجم المشاكل اقل بكتير جداً, وده مش هاخدو مقياش بس مؤشر لا يغفل برضو.
فا انا اتمنى ان رينو تثبت جدارتها فعلاً لان منافستها للشركات التانية في صالح المستهلك المصري بس المهم مايدفعش دم قلبو في أسعار قطع الغيار المولعة.

اتمنى ان كلامي مايزعجش حضرتك بس دي وجهة نظري الي ممكن تكون غلط ياريت لو عند حضرتك اي تصحيح انا عندي قابلية كبيرة اغير وجهة نظري لو اقنعتني لاني زي ما قولت ماليش مصلحة.
وتقبل تحياتي

المشاركة الأصلية كتبت بواسطة الصيداح

هههههههه
أنت كدة أعلنت الحرب

لا يا عم حرب على ايه ده كلها شوية حديد وفيبر مش مستاهلة حروب وبعدين الرينو اصبح ليها درع وسيف بعد نزول السيمبول واللوجان الي عليهم اقبال.

المشاركة الأصلية كتبت بواسطة airforces

العربيتين ممتازين بس واضح انه فى فرق سعر كبير بينهم السؤال هو هل فرق السعر دا يستاهل ولا لأ
فى رأيى الأوكتافيا كأداء وفخامة افضل لكن الفلونس مناسبة اكتر لشوارع مصر لأرتفاعها عن الأرض وكمان توكيلها محترم جدا

استاذ golf2010 واضح ان حضرتك متحيز اوى للألمانى :)
وعلى فكرة الرينو مش اقل الفرنساوى
الرينو اكثر شعبية فى فرنسا من بيجو والفرنسيين نفسهم ما بيشجعوش البيجو
هو بس الفكرة فى مصر عن الفرنساوى انه قطع غياره غالية وسعر إعادة بيع مش حلو لكن اعتقد ان رينو قدرت تغير الفكرة دى لو حضرتك شفتك الأقبال عليها

مش تحيز يعني انا ممكن اقارن الجولف مثلا ببيجو 308 بس انا واخد فركة من زمان عن الرينو بسبب الميجان مشاكلها الكتير.
عربيات الشرطة في فرنسا ستروين, وعربيات الحكومة والوزارات بيجو, انا زرت فرنسا من 4 سنين

بدال ما نتكلم عن حلاوة أوكتافيا و ردائة فليوانس ( طبعا أنا لا ركبت دي و لا دي و لا أعرف حد عنده العربيتين ) ما تيجوا نقارن بينهم بعقلانية .....
ازاي ؟
واحد عنده أوكتافيا يتطوع و يحطلنا أبعاد السيارة من الداخل و الخارج و مواصفات الموتور و العفشة و العربية من كل الوجوه و شوية صور تدعم تقييمه ....

و واحد تاني عنده رينو يعمل نفس الكلام ....

طبعا كل ده يكون هنا في الموضوع عشان نقدر كلنا نتناقش بشكل موضوعي و العضو اللي محتار يقدر يختار بشكل أكثر دقة و قيمة و معنى .......

http://www.nilemotors.net/Nile/3872816345-post12.html