الموضوع: عايز اصيف اروح فين

المشاركة الأصلية كتبت بواسطة mohamed_selim

حوالى 150 كم
حضرتك تاخد طريق السويس و تفضل ماشى فيه طوالى هتلاقى بوابات بعد حوالى 90 كم (مفيش دفع فلوس فيها هوه كمين ثابت) بعد ما تعديه تاخد اول يوترن و تخش يمين ده طريق نفق احمد حمدى تفضل ماشى فيه هتلاقى تقاطع و فيه بنزينة وطنيه برضه ماشى طوالى هتقطع تذكره للنفق و تعدى
بعد النفق بحوالى كيلو او اتنين هتخش يمين و تمشى على طول هتعدى كمين عيون موسى و بعديه بشويه هتلاقى نفسك فى راس سدر
فى رادار فى طريق السويس و فى رادار بعد النفق و انت داخل على عيون موسى

معرفش موضوع الايجار هناك نظامه ايه

الف شكر على وصفك حضرتك , لكن بالنسبة للشرح هل ده بالتفصيل وهيكون في لوح ارشاديه هتساعدني ولا مفش ؟ لان لو مفش هضطر امشي على الوصف وانا مغمض وبالمللي

المشاركة الأصلية كتبت بواسطة terrible_darsh

تمام الطريق كده , اسعار الشاليهات هشوفها بالليل ان شاء الله لانى بقالى 3 سنين مرحتش .

بس انت عايز تنزل فى شاليهات تبع المدينة و لا فى قرية خارج المدينة ؟

بالنسبة للخروج فبصراحة راس سدر مش كبيرة اوى هى مدينة متوسطة ميزتها الهدوء و الحو بالليل فيها بيبقي تحفة .

بالنسبة للشواطيء فالمياه هناك نظيفة جدا جدا و منظر المد و الجزر تحفة و الجبال اللى بتفصل جنوب سيناء بيبقي منظهرها فى البحر رائع .

احسن لك تقعد يومين بس تغير جو فيهم .

شكرا لحضرتك على اهتمامك , انا عاوز حاجة شقه او شاليه ويكون قريب من البحر جداا يعني اهم حاجة عندي البحر اكتر من اي شئ تاني زي الخروجات وكده ,, عموما لو حضرتك عرفت اماكن واسعار الي هناك حاولي تبلغني حتى لو على الخاص ولو روحت ان شاء الله هناك يبقى حاول تاخد ارقام الناس هناك علشان ابقى اكلمهم قبل ما اروح ,, معلش هتعبك معايا

المشاركة الأصلية كتبت بواسطة mohamed_selim

و انت على طريق السويس كل اللوح للسويس
عند البوابه هتلاقى لوحه بتشاور ان يوترن و يمين للنفق
طريق النفق مفيهوش لعب هو عند المفارق اللى ممكن تروح يمين او شمال فانت خليك طوالى و لو مش متأكد اسأل الدنيا فى المفارق مليانه ناس
بعد النفق فى يمين على طول ... ده هيوصلك بس ده طريق جيش و ساعات بيكونو قافلينه فخليك فى المضمون خش تانى يمين بعد النفق اضمن بس مش فاكر فى هناك لوحه ول لأ
نصيحه جهز طفايتك تحت الكرسى اليمين و المثلث و الشنطه علشان محدش يتسلى عليك لأن هتعدى كمين طريق السويس و عند المفارق ساعات بيقفو و عند النفق هيشوف الرخص و عند عيون موسى فى كمين

و انت فى سدر هتلاقى ساعات محتاج تمشى و الميه عند الركب شويه حلوين علشان توصل لعمق معقول للعوم و اللعب ... خلى بالك ان ممكن تكون فى الجزر و بعد نص ساعه ولا ساعه المد يعلى و تضطر اللى مشيته كله ترجعه عوم

يا باشا انا مش عارف اقولك ايه والله بجد تسلم ايدك وربنا يكرمك , بس كده انا حاسس ان فيه قلق في الطريق انا الحمد لله هكون في السليم ماعدا شنطة الاسعاف , وبعدين هما اساسا خلص رسميا ابتدوا يسالوا على شنطة الاسعاف والمثلث ؟؟؟ لان الي معايا بس المثلث