عايز اصيف اروح فين

**w_abedelhakim** · 08-07-2010 11:43 AM

المشاركة الأصلية كتبت بواسطة shooter123

الاسعار معقولة بالنسبة للمصيف وموضوع المد والجزر متقلقش منه بيبقي نادر في مطروح وبعدين احنا كام في الشهر العربي؟ ممكن ميبقاش في مد وجزر اساساً
بالنسبة للاسعار معقولة والله بس اللي ممكن يبقي غالي السكن اي كان بقي شالية او شقة او حتي اوتيل
لان الموسم باظ منهم عشان رمضان وعايزين يعوضوا
انا مسافر بعد ساعتين علي فكرة

تروح وترجع بالسلامة وعايزين نعرف الاخبار والتفاصيل ايه لاني بفكر اسافر الاسبوع الجاي

**w_abedelhakim** · 08-07-2010 11:52 AM

المشاركة الأصلية كتبت بواسطة hamzawy

اليوم بـ 200 جنيه وهو بيبص على البحر وفى جنبو على طول بسين للاطفال والبسين الكبير حتمشيلو بتاع 30 متر
وده رقم صاحب الشالية اسمو استاذ سعيد وقولو انك جاى من طرف محمد حمزة عشان مايغليش عليك السعر

والشالية لازم عدد معين ولا اي عدد وهل في القرية امكنية لاني اروح احجز شالية ليوم واحد ولا لاء واسعاره ايه وهل في شاليهات عدد 3 غرفة واسعارها
والالعاب المائية اللي هناك فيها سيدات بالمايوة الشرعي ولا لازم مايوه عادي وكذلك البسين

**waleedfesal** · 08-07-2010 02:00 PM

[QUOTE=w_abedelhakim;3872835667]

المشاركة الأصلية كتبت بواسطة mstool

تقريرك ممتاز بصراحة وانتوا شجعتوني اني اروح السنة دي بس لاني مش عارفة البلد خالص معلش بقة شوية اسئلة
العمارات اللي انت بتاخد فيها عند مسجد العوام اسم الشارع ايه
وهل معاك نمر تليفون سمسار او بواب او صاحب الشقة اللي علي البحر
واول لما اوصل اعمل ايه اروح لسمسار ولا اروح الاندوليسية ولا ايه

ايوهههههههههههههه
يا ريت حد يرد علينا فى موضوع السكن
لانى ان شاء الله هسافر يوم الثلاثاء الجاى ومقلق قوى من الحكايه دى
انا هاحجز 3 ليالى

**Ahmed_Elkhateb** · 08-07-2010 04:49 PM

انت عامل مزينية اد ايه وانا ممكن اشوفلك حاجه فى شرم او الغردقه او قرية فى العين السخنه

**MaZaGAngeE** · 08-07-2010 08:06 PM

عايز اروح راس سدر هينفع اروح مين غير حجز و ادور هناك و لا لازم احجز قبل ما اروح ؟
انا عايز حاجة ماتزيدش عن 150 و كفاية أوده واحده مش محتاج اكتر ....
فيه قناديل في راس سدر برضه و لا الدنيا هناك تمام ؟

**MaZaGAngeE** · 08-07-2010 08:09 PM

المشاركة الأصلية كتبت بواسطة hamdy

الغردقة متترحشي في الصيق تتراح شتا اما لو حد مصمم يروح الغردقة فاساعارها دلوقتي واقعة لانها مش الموسم بتاعها

واقعة لحد فين ؟
انا عايز شاليه اوده و مش مهم يعني اول صف بس لازم تكون الميه حلوه
لو 150 كفاية قولي اروح فين و اكلم مين و لو انت عارف حد هناك ياريت تقولي