كل سنة وانت طيب :)
هتتصور 8 صور
وبعدين بتعمل شهادتين باطنة ونظر
بتروح أي مستشفي وتقولهم عايز شهادتين الباطنة والنظر بتوع رخصة القيادة
وهتديهم صورتين من ال8 عشان هيدبسوها علي الشهادتين
في مرور بيطلب فصيلة الدم وفي لأ .... انا كنت في عبود ومطلبوش انما قبل كدة في اسكندرية طلبوا
تاني يوم ما تتم ال18 ان شاء الله بتروح الصبح تقول لأي حد هناك عايز أعمل رخصة قيادة هيدلوك بقي علي الأماكن اللي هتجمع منها الأوراق المطلوبة
تقريبا بيبقي في غلاف كبير وكام ورقة كدة هتملاهم وتصور بطاقتك وتروح وتحط الشهادتين في الغلاف مع الورق
وتروح بالغلاف تقدمه علي شباك لطلبات الرخص
وهيخلوك في شباك جمبة تدفع فالوس الحقيقة مش فاكر كام
وبعد شوية هيندهوا أسمك ويقولولك أمتحان الأشارات لو في عندكوا في المرور بتاعكوا
هتمتحن وبعد ان شاء الله ما تنجح فيه هيقولك انزل علي العملي
يكون معاك عربية عشان تمتحن بيها
تعمل الأمتحان وبعد ما يخلص بتستني يقولولك انك ان شاء الله نجحت
وتطلع تستلم الرخصة
بس كدة
بس عايز أقولك ( مش أحبطك ) انا الكلام ده بياخد وقت طويل عشان يوم الحكومة بسنة
لو معاك واسطة ممكن تخلصها علي طول
ولو عرفت تظبط عسكري من هناك ممكن يخلصهالك علي طول من غير تعب
ربنا معاك ويوفقك
المفضلات