الموضوع: كلمني عربي ...............

أنا بس مستغرب ليه الحكاية انجليزي وفرنساوي بس ..
ليه مفيش حد حاول يتفشخر بالألماني ولا الأسباني ولا الموزمبيقي ..
حاول كدة تخش أي مكان وكلمهم ألماني ... ولو حد حاول يفهم قله مبعرفش انجليزي ولا فرنساوي ، وصمم تتكلم بالألماني حتلاقي الكل اتكبس ، وكلهم قلبوا على المحطة العربي ..
والله بقت حاجة تقرف .

أما بخصوص تعريب العلوم ، فهي مسألة جوهرية ، لكني أعيب على المعربين الانتقال المباشر إلى المعرب ..
يا جماعة نحن بحاجة لفترة انتقالية يصير تداول الكلمات بشقيها العربي والإنجليزي ، مع الاهتمام بالإنجليزية لأنها لغة المعرفة والعلم اليوم ، وبعد رسوخ المفاهيم المعربة والثبات على معياريتها يمكن الانتقال إلى التعريب الكامل ..
أما كتب الشوام التي ذكرها أخونا تاو تاو .. فهي على نمط عسير الفهم لمن يحاول أن يتعلم برنامج كمبيوتر مثلاً ، فكيف يمكنني أن أعرف المعاني المقابلة لمصطلحات مثل الوسوم والتعشيش والقولبة وتضمين إعدادت الحقول ذات النمط المخفي المعدل بتحسينات هلامية .
كلام لا يوجد له مقابل مهما حاول الشخص الاستفادة منه ، بل إن هذا الكلام يفترض أن الشخص على قدرة بترجمة المصطلحات العربية المترجمة ترجمة غير قياسية إلى نظيرتها الإنجليزية الأصلية ، وهو ما يكرس المشكلة ويعمقها أكثر ..
تقبلوا خالص مودتي

بتقولو إن سبب تأخر مستوى بعض الأطباء المصريين هو الدراسة باللغة الانجليزية؟؟؟
اللغة مش مهم فى المستوى الأخير للطبيب !!!
وزعلانين ان فى الخارج بيمتحن الطبيب المصرى الأول ؟

هو طالب الطب فى مصر غير باقى الطلبة؟
هى الكوسة مش فى باقى الكليات برضه؟
الكوسة فى كل مكان !!!

أما فى الطب فهى فى البكالوريوس والدبلومة والماجستير والدكتوراة !!!
كوووووووووووووووووووووسة سرطانية لا تنظر للمستوى العلمى أو غيره..
مقاييس وهمية للنجاح آخرها المستوى العلمى وأولها الولاء والخنوع..

بالإضافة لعدد ضخم من طلبة الطب يتم قبولهم سنويا وتضيق بهم قاعات المحاضرات والمعامل والمستشفيات والنتيجة: طلصقة زى ما بنطلصق كل حاجة !!!
علشان كده التميز بقى مهمة عسيرة فى مهنة الطب

وصناعة التفوق بقى تحدى مش طريق محدد تسير عليه فتصل..
الطبيب المصرى جزء من المنظومة اللى خرّبت كل شئ وضحية من ضحايا السرطان المصرى المسمى بالفوضى !!!

كلام الدكتور أحمد سمير ...... و الدكتور أحمد صحيح

نحن نحتاج إلى فترة إنتقالية للإنتقال الصحيح من لغة لأخرى
و أيضا نحتاج إلى تقليل أعداد المقبولين في الجامعات عموما و خصوصا كليات الطب

بالنسبة لموضوع اللغة العربية و تعريب العلوم
إذا قامت به دولة لوحدها ..... فسيضيع مجهودها
أما لو قامت به الأمة العربية كلها فسيستفيد الكل خصوصا لو تم تبني موضوع البحث العلمي مما سيجعل اللغة العربية مهمة كما كانت في العصور الوسطى أيام أزدهار الحضارة العباسية و الأموية و الفاطمية
و كان ذلك الأزدهار بسبب الأهتمام بالحث العلمي و ترجمة العلوم الأجنبية للغة العربية حتى أصبحت اللغة العربية في ذلك الوقت لغة عالمية يتعلمها الأوروبيين و الآسيويين و يتعملها كل من يبحث عن العلم
و لو بدأنا اﻵن أن نفعل ما فعله هؤلاء العظماء و أن نبدأ أن نهتم بلغتنا أهتمام كبير ستكون هي اللغة العالمية الأولى كما كانت
و لكن يعيبنا الأمركة الكدابة
كلمة انجليزي هنا .... و واحدة فرنساوي هناك
و ميرسي قوي ......... ثانكس ..... و بصراحة أنا أشعر بالإشمئزاز من الناس دي
هي كلمة شكرا وحشة ...... و الله العظيم أحنا لغتنا جميلة و محتاجة مننا شوية إهتمام و عزة .......... لأننا في الآخر ناس بتستعبط و زي ما قال الأستاذ electroman أحنا أتأمركنا في الهبل بس
إنما النظام و العلم .......... فسلملي على الترماي

الأستاذ electroman حاسب يا عم لتكهربنا :D :D :D

يا باشا أنا ما قلتش كل الأطباء
أنا قلت سمعة المصريين في المستشفيات العامة مش و لابد
يعني الناس بتشكر أكتر في العراقيين و السوريين و اللبنانيين
و على فكرة أنت مش محتاج عيادات شعبية في أنجلترا لأن أصلا المستشفيات ببلاش ..... و خدمة على أعلى مستوى و تتساوى مع قيمة الضرائب العالية التي تحصلها الحكومة
و بضراحة المستشفيات العامة هناك في نفس مستوى المستشفيات الخاصة هنا
و المستشفيات العامة هنا لا يقال عليها إلا "" زريبة حيوانات "" إلا ما رحم ربي
و شكرا للجميع
الدكتور أحمد .......... الدكتور أحمد سمير ...... الأستاذ المتكهرب electroman
:D :D :D

فيه فرق يا جماعة ما بين اللغة و المصطلحات ..
اللغة خليها زي ما تحب ولكن لا تترجم المصطلحات و هو ده المقصود
إدرس باللغة الي انت عايزها و لكن لا تترجم المصطلحات ..مش معقول نقعد ندور علي معني كلمة زي HARDDISK وفي الأخر نترجمها الأقراص الصلبة !!!! او كلمة زي Software و Hardware كده العمليه حتبقي مسخره ..منخليها بإسمها الي اتولدت بيه و خلاص