امس فرغت مياه الريداتير من الماسوره الخارجه من الموتور وراجعه للريداتير
( فكيت القفيز ونزعت الماسوره الكاوتش من الرداتير وسبت المياه تنزل على الارض
بس مهم تسد فتحه الريداتير السفليه علشان المياه تندفع من خلال الموتور وتغسل الدورخ
وكمان مهم جدا انك تعمل الموضوع ده والموتور بارد على الاخر ومن غير ما تشغل الموتور ))

وهويت شويه على الفايز اللى من اسفل الريداتير
وفضلت ادلق مياه فى فتحه الريداتير العلويه وفى القربه ( فكيتها من الحزام لكن لم افصل الخرطوم كسل مش اكتر ولكنى رجيتها كتير ) وبعد ما فرغت 3 جراكن مياه ( 30 لتر ) ولقيت المياه نظيفه
رجعت ثبت قربه المياه بالحزام
وقفلت مسمار الفايز او الله اعلم باسمه اللى من تحت وهو اشبه بمسمار بلاستك وباربطه بايدى
ورجعت ربطت الماسوره الكاوتش بالرداتير وثبتها كويس بالقفيز
وبعدين حطيت شوية مياه عاديه يمكن لحد النص او اقل شويه
وبعدين كان معايا المياه الخضراء الامريكى اللى فى عليب صفيح زى الكانز تمن الواحده فى حدود ال 10 جنيه
وكان معايا اتنين رجيتهم ( هززتهم جامد ) وافرغتهم بالريداتير
وبعدين اكملت المياه ومياه القربه وسبت الغطائين بدون قفل
وشغلت العربيه وكنت بزود بنزين شويه واسيبها سلانسيه شويه لحد ما اتاكدت من استقرار المياه
وبصيه هل فى تسريب فى اى وصله وكان فيه ههههه فرحت وزدت شوية ربط على القفيز
وبعدين قفلت الغاطئين ( الرياتير و القربه ) وقلت الحمد لله الذى بنعمته تتم الصالحات

لو كان اللى عملته صح اتمنى تستفيدوا منه

ولو كان غلط فارجو التوضيح لاستفيد انا منكم

شكرا