Brilliance Frv Vs. Renault Megane

**Mohab.Nabil** · 05-07-2010 04:50 AM

السلام عليكم يا احلى اعضاء

طبعا قبل ما حد يقول عليا مجنون فى المقارنة ديه

فأحب اوضح بس حاجة

ان انا هنا بقارن بين ميجان 2 موديل 2006 و بريليانس اف ار فى ( اف اس فى ) زيرو

الميجان 2 مضمونة حالتها لأنها عربيتنا فى الاسرة يعنى هاخدها منهم

هى عاملة 82 الف كيلو بس حالتها الحمد لله كويسة

فأنا دلوقتى عايز اعمل مقارنة بين الميجان 2 و البريليانس اف ار فى علما بأن ديه مستعملة 2006 و ديه زيرو

و برضو ديه هتبقى اول عربية ليا

يا ريت المقارنة تكون من ناحية قطع الغيار و الاداء و استهلاك البنزين

بس طبعا بقارن الميجان 2 و هى مستعملة عشان مفيش وجه للمقارنة لو الاثنين زيرو

و شكرا

**M0dY** · 05-07-2010 12:51 PM

ياباشا انا اول ماشوفت الموضوع استغربت قوى
بس لما قريت فهمتك
انا من رأيى ان الميجان طلاما محافظين عليها و ضامنها يبقى متفكرش فغيرها
و فكر كده كمان سنتين من الاستعمال للعربيتين دى هتبقى عامله اذاى و دى هتبقى عامله اذاى
ده غير اوبشن و امان الميجان و حاجات كتييييييييير

**gazzar91** · 05-07-2010 02:17 PM

الميجان عربية محترمة و أمان لكن مكلفة في صيانتها.. لكن ركوبة محترمة و من رأيي الشخصي إنه صعب مقارنتها بالكوري علشان تقارنها بصيني.... خدها من واحد راكب كوري... ماتفرطش في الميجان!!!
البريليانس بالرغم من أنها أفضل العربيات في فئتها لكن جت عليها فترة كانت ممنوعة من دخول السوق الأوروبي لقلة مستويات الأمان فيها(و الموضوع ده إتعدل)
إنما أول عربية أخدت خمس نجوم في إختبارات السلامة الأوروبية كانت رينو.... والميجان 5 من 5 على فكره...
إستخير و توكل..
في رعاية الله...

**Mohab.Nabil** · 05-07-2010 05:42 PM

الف شكر يا رجالة على الردود

انا فعلا يعنى بنسبة كبيرة مقتنع بالميجان بس قولت اخد رأيكوا برضو

اكيد انتوا خبرتكوا افضل منى

**wc_ksa** · 05-07-2010 06:57 PM

ايش جاب لجاب الميجان طبعااااااا الصيني عربية الموت وادخل الeuro cup وشوف اختبارات التصادم وانت تعرف ان الصيني ورق معلش مش هعرف اجيبللك الرابط انا هتوقف النهاردة اصل الادارة بتحبيني سلام

**ahmedfouad** · 05-07-2010 07:10 PM

اكشف عليها فى التوكيل الاول مش عيب

**Mohab.Nabil** · 05-07-2010 07:27 PM

المشاركة الأصلية كتبت بواسطة M0dY

ياباشا انا اول ماشوفت الموضوع استغربت قوى
بس لما قريت فهمتك
انا من رأيى ان الميجان طلاما محافظين عليها و ضامنها يبقى متفكرش فغيرها
و فكر كده كمان سنتين من الاستعمال للعربيتين دى هتبقى عامله اذاى و دى هتبقى عامله اذاى
ده غير اوبشن و امان الميجان و حاجات كتييييييييير

فعلا انا كنت متوقع ان اى حد هيشوف العنوان بتاع الموضوع هيستغرب

هى الميجان اه الحمد لله متحافظ عليها و صياناتها فى التوكيل لحد دلوقتى حتى بعد ما خرجت من الضمان

و و الله يا باشا انا اللى شجعنى على الاف ار فى انى شوفتها فى المعرض و ركبتها و لقيت العربية شكلها ماسكة نفسها و خاماتها معقولة اوى على سعرها و تقفيلها حلو كمان فده اللى محيرنى بس انا مايل للميجان اكثر

و طبعا الاوبشن فارق كبير اوى هى الميجان الاوبشن و الامان بالذات فارقة عن العربيات حتى اللى فى الفئة بتاعتها

و شكرا على ردك

**Mohab.Nabil** · 05-07-2010 07:33 PM

المشاركة الأصلية كتبت بواسطة gazzar91

الميجان عربية محترمة و أمان لكن مكلفة في صيانتها.. لكن ركوبة محترمة و من رأيي الشخصي إنه صعب مقارنتها بالكوري علشان تقارنها بصيني.... خدها من واحد راكب كوري... ماتفرطش في الميجان!!!
البريليانس بالرغم من أنها أفضل العربيات في فئتها لكن جت عليها فترة كانت ممنوعة من دخول السوق الأوروبي لقلة مستويات الأمان فيها(و الموضوع ده إتعدل)
إنما أول عربية أخدت خمس نجوم في إختبارات السلامة الأوروبية كانت رينو.... والميجان 5 من 5 على فكره...
إستخير و توكل..
في رعاية الله...

هى العربية محترمة اوى فعلا ماشاء الله و انا بحبها بس هى فعلا مكلفة فى صيانتها اوى

و ده اللى مخلينى افكر فى بديل من فئة اقل شوية عشان تكون رحيمة شوية معايا فى قطع الغيار

فكنت بسأل برضو على اسعار قطع الغيار بتاعت البريليانس لو الاسعار مش بعيدة اوى من بعضها يبقى المقارنة محسومة ان شاء الله

و طبعا الف شكر على رأيك اللى فادنى اكيد

**Mohab.Nabil** · 05-07-2010 07:36 PM

المشاركة الأصلية كتبت بواسطة wc_ksa

ايش جاب لجاب الميجان طبعااااااا الصيني عربية الموت وادخل الeuro cup وشوف اختبارات التصادم وانت تعرف ان الصيني ورق معلش مش هعرف اجيبللك الرابط انا هتوقف النهاردة اصل الادارة بتحبيني سلام

هى فعلا الميجان عربية امان اوى

كفاية عدد الايرباج اللى فيها و الفرامل التحفة بتاعتها

و الله يا باشا انا مش عارف ليه عجبتنى البريليانس و حاسس انها ماسكة نفسها شوية عن الصينى الباقى

و اكيد هدور و اشوف

و ربنا يبعدنا كلنا عن الحوادث ان شاء الله

و ان شاء الله مفيش وقف و لا حاجة

**Mohab.Nabil** · 05-07-2010 07:38 PM

المشاركة الأصلية كتبت بواسطة ahmedfouad

اكشف عليها فى التوكيل الاول مش عيب

يا باشا العربية مضمونة بنسبة كبيرة ان شاء الله

يعنى انا متأكد انها بتروح الصيانة فى التوكيل على طول و بركبها ساعات

فالعربية مضمونة بنسبة كبيرة اوى الحمد لله

و لسه رايحة الصيانة من اسبوع و اتظبط فيها كام حاجة و الحمد لله العربية حالتها كويسة اوى

هى بس محتاجة تدهن من برا عشان الناس الحلوين اللى ملوها خرابيش و حكات من كل حتة