الموضوع: هل يمنعك كبرياؤك من الاعتذار لزوجتك؟

المشاركة الأصلية كتبت بواسطة karim_monir

انا لا اتكلم عن الكب والعياذ بالله
انا بتكلم انك تفضل كبير في نظر زوجتك دايما والاولى يكون بعدم الخطأ في حقها
مش عايز حد يقوللي ان الاسف بيكبر صاحبه
بس عند الستات معتقدش
ماهو لما تيجي تصالحها او تجيب هدية او عزومة ماهي مدلول ضمني على الاسف
حتى زمان في البلاغة كانت دايما الاستعارات المكنية افضل بكتر
وفي الاخر دي بتبقى حسب الثقافة وطبيعة العلاقة بين الزوج وزوجته
بس صدقني يا احمد سامي واحمد عزت
ان الاستعارة المكنية افضل بكتير من كلمة اسف
وبكرة تثبتلك الايام

على قكرة الكلام دة صح جدا ..انا بنت اهو و فعلا لما بحس ان انا على حق و خطيبي يتأسفلى بتمرع اكتر D:

بعدين صراحة كدة انا معرفش هتقولو عليه phsyco بس انا مبحبش لما يعتذرلى . معرفش مبحبش اشوفو ضعيف !! انا مش قصدي ان الاسف دة ضعف بالعكس الاعتراف بالحق فضيلة و انا بتأسف لاى حد غلط في حقه بس بين الرجل و مراته بحس انه لازم يبقي فيه هيمنة من ناحية الرجل دة بيحسسني بالامان اكتر .. كلمة انا اسف من زوج بتبقي كبيرة شوية و على فكرة الطرق التانية بتبقي احلى و دمها خفيف اكتر و بتبقي اسهل على بعض الناس انهم يقولو لفظ انا اسف دة