الموضوع: التكييف ونصب بتوع التكييف ... عاوز حل من الاخر

انشاء الله خير ويطمنك

امبارح سألت جارنا قام كلملى واحد يعرفه معرفه شخصيه اسمه معلم خميس وعنده محل كهربائي راند فى الحرفيين فى اسكندريه عندنا جنب مدخل بي ام دبليو، الرجل زوق جدا وصنايعي فاهم شغله صح كشف على حته حته فى التكييف وتوصلنا الى ان بلف الضغط العالى بيسرب + سربنتينه التكيف فقط لا غير

رحت اشتريت واحده جديده كوري من واحد اسمه راشد سنتر فى صلاح الدين ب 310 جنيه بعد الفصال (مع العلم انها شاححه جدا) ورجعت ركبتها فى نص ساعه شغل وتم شحن التكييف وحاليا شغال ممتاز، ويارب يعمر بقه علشان كفايه كده مصاريف عليه

والنصايح اللى اخدتها منه انى اشغله ما اركنهوش وانى ما شغلهوش وانا قارص على الموتور، يعنى لو بجري مثلا او مسافر اشيل رجلى من البنزين خالص ولما الموتور يرتاح ابدء اشغله وازود تانى بنزين

وقالى ان الثلاجه دي صعب انها تبوظ عكس ما قالى النصيابين اللى قبله ربنا يسامهحم والدليل ان بتوع قطع الغيار مش بيبيعوا منها خالص، يعنى ما عليهاش طلب

طبعا التكاليف اللى قالي عليها الراجل اللى قبله بدون مصنعيات كانت 1500 وواحد تانى قال 600

بجد بجد اكشفوا عند اكتر من واحد قبل اى قرار فى مواضيع التكييف ده وخليك مع الصنايعي فى كل حاجه بيعملها واساله ليه كده وكده علشان نقلل مواضيع النصب

ولو حد محتاج رقم الراجل او عنوانه يؤمر

ياريت العنوان