الحضرى اتجنن ولا ايه؟

**OlaOsman** · 22-02-2008 10:16 AM

الخبر للأسف صحيح و نازل في اول صفحة في أهرام النهاردة http://www.ahram.org.eg/Index.asp?Cu...9.htm&DID=9500

طبعا هو كل واحد حر في حياته و في النادي اللي ينتقل ليه، بس هو الموضوع ده مالوش أصول؟ هو لو حد شغال في مكان و ماضي معاه عقد، لما تجيله فرصة شغل في مكان احسن و فجأة قرر انه يروح الشغل التاني ده بدون ما يقول لأصحاب الشغل اللي هو فيه مش ده برضه عمل لا أخلاقي؟

ربنا يهديه.. و يمكن دي فرصة كويسة لأمير عبد الحميد عشان يظهر.

**Hossam_Hassan** · 22-02-2008 10:22 AM

يا ريت برضوا كلنا - وانا اولكم - نستنى لما نسمع منه علشان نحكم على الموقف من غير اى مواقف مسبقة و لازم نحط فى بالنا ان الأرض مفيهاش ملايكة، يعنى ممكن المشكلة تكون فى النادى نفسه و رحيل وائل جمعة و محمد شوقى بعد غضب جوزيه عليهم مؤشر على ان فيه حاجة غلط.

**thatha** · 22-02-2008 10:43 AM

يا جدعان العملية بسيطة. دي سويسرا!!!!!!!!!!! عارفين يعني اية سويسرا!!! يعني اجمل واكتر بلدان العالم نظام. الي لو حد اتجرا وكسر عليك بعربيتة ترفع علية قضية. الرجل طبعا حس ان النادي الاهلي محتكره و هيضيع الفرصة دي!! راح فك وباع عشان مصلحته. انا اهلاوي بس عذره. كل واحد بيدور على مصلحته يا جدعان. ويخلع من مصر لدول العالم الاول. ويشوف النظافة والادميه شويه.

**memoz** · 22-02-2008 02:10 PM

في حركه تنم عن الغشم و التهور قام عصام الحضري بتحطيم كل الاحترام و الحب و الاعجاب و التقدير الذي يكنه له ملايين المحبيين والمعجبين بعصام الحضري وانا منهم الذي كان قد استحقه باقتدار و كفائه بعد هروبه سرا الي سويسرا الخميس فجرا بعد انتهاء مباراته امام المصري و برفقته زوجته و اولاده بعد حصوله علي الفيزا يوم الثلاثاء الماضي.
المشكله مش في انه يحترف و يسيب الاهلي و الكلام ده حقه محدش يقدر يتكلم بس انا كان نفسي يطلع كده زي الباشا معزز مكرم مش هربان كده و كلنا كنا مبسوطيين لما قالو جايلو من الارسنال و كنا فرحانين المشكله كده انو خسر احترام الملايين مش بس مصريين لا

..................
تم دمج هذه المشاركة مع هذا الموضوع
الإارة - 3

**Powert** · 22-02-2008 04:59 PM

المشاركة الأصلية كتبت بواسطة thatha

يا جدعان العملية بسيطة. دي سويسرا!!!!!!!!!!! عارفين يعني اية سويسرا!!! .

اة عارفها .... مش دي الدولة اللي الناس بتهرب فلوسها عليها ....

دلوقتي عرفت ليه الحضري هرب على سويسرا ... لم الفلوس بتاعت كاس افريقيا ..

........وقال يافكيك على هناك......

:D:D:D:D

**mada121977** · 22-02-2008 05:39 PM

تعليقى الوحيد هو ان الحضرى ده على رأى المثل (قروى ساذج غرته اضواء المدينه )
ومن زمان كنت متوقع ان الاخ ده مش اصيل وكل حركاته تمثيل فى تمثيل قدام الكاميرات وتعبيراته الانفعاليه كلها نفاق وبيكون باين على وشه اوى انه مش صادق فى شعوره وانا نفسى انه يتوقف عن اللعب علشان ياخد درس من اللى عمله .

**Hossam_Hassan** · 22-02-2008 07:35 PM

يا مادا أصيل و مش أصيل دى فى العلاقات الأنسانية و الأجتماعية، لكن الشغل و أكل العيش مفيهوش الكلام ده فى الزمن ده و الدليل على كده ان كلنا كنا هنطالب حسن شحاتة انه يستبعد الحضرى من المنتخب لو مستواه وحش و ساعتها مكناش هنبقى معندناش أصل و الأحسن نستنى لما نسمع منه