الموضوع: الحضرى اتجنن ولا ايه؟

المشاركة الأصلية كتبت بواسطة Ahmed Samy

قرررييييب
قول يا رب

يا رب .....بقولك اية (لقيت جراج ترفع فية العربية ) :D:D:D

المشاركة الأصلية كتبت بواسطة mars3v

يا جماعه مينفعش تصدروا احكام على ناس و انتوا متعرفوش تفاصيل الموقف كامله، و حتى لو كنتوا عرفتوا الموقف كامل، مش من حق اى حد انه يشتم فى الراجل او يفتى و يقول اذا كان اللى عمله صح و لا غلط، لان ديه حياته الشخصيه و ده مستقبله.
و كمان هو مش هيسيب النادى الاهلى فى عز مجده و يروح لنادى تعبان و بفلوس اقل من فراغ، اكيد حصلتلو حاجه.
واللى بيقول انوا خان حب الجماهير و الكلام اللى ملوش معنى ده، الجماهير دول اول ناس كانوا هيضربوا بالجذم لو كان دخل فيه جون غلط و خسرنا اكاس.
و ياريت نظهر بعض الاحترام لواحد كان سبب انو يرفع اسم مصر و خلانا كلنا فرحانين فى يوم من الايام، و المفروض اننا نحكم على اداءه الرياضى مش شخصيته و طريقة تعامله مع الناس.
و فى الاخر احب اقول انى مش اهلاوى و لا زملكاوى و مشفتش اى ماتش من بتوع الكاس.

كلام منطقي و سليم و احييك عليه

اين الاحترام ؟للنفس وللناس؟؟مش مشكلة الاهلي كده كده يكسب الدوري لان مفيش غيره بيلعب كرة في مصر بس انا عاوز اعرف الراجل دة فكر ازاي باي منطق يسيب المجد ده كله ده بقي اسطورة يا جماعة اعلانات و هتافات و شهرة و فوق ده كله فلوس مكنش الحاج والده يحلم بيها انتو عارفين صندوق دبي ده كان فيه اه؟؟؟؟؟؟مش فيل طبعا كان فيه ارنب (مليون جنيه)غير احدث موبيل نوكيا و ساعة رولكس مرصعة بالماظ ده غير بقية المكافات ؟؟؟؟هذا الحضرييي عقده بمليون جنيه سنويا غير اللي من تحت الترابيزة و المكافات تصدقوا فعلا كان لازم يهرب؟؟؟؟؟؟؟؟

للآسف يا جماعة انا مع اللى عملة الحضرى ..احنا بننسى ان الحضرى مهما كسب ملايين هو شاب بردو ذى كل الشباب بيحلم بمستقبل احسن و معاملة حلوة فى بلدة .. اكيد كان فية حاجات كتيرة اوى مديئاة و مفروض نفتكرلة انة ادى الاداء دة فى البطولة و كانت كل المشاعر دى موجودة جواة ..هو ادى كدة عشانا وعشان نفسة بردو بس بردو اخلص لبلدة لآخر لحظة و كان بيودعنا باداء عمرنا ما شفناة منة وكانة بيقولنا (ما تزعلوش منى فى اللى هاعملة ) ..

انا سمعت احد المسئولين فى المفاوضات (الخدعة ) اللى دارات ..الراجل ممكن فعلاً يطفشك من البلد و من الكوكب كلة ..بيتكلم على الحضرى بكلمة (شىء) اشتراة و هو حر فية !!

انا اعتقد فية اسباب كتير اوى اللى باين منها :

- انهم بيعاملوا اللعيبة معاملة العبيد
-الراجل بقى سنة كبير وخبرة عالية اوى و بيتعامل معاملة الناشئين
-بيضيعوا فرص كتير للآحتراف قصاد انتظار الاعلى (طمع)
-عايزين ياخدوا نص اللى هايخدوة الحضرى بقية عمرة
-الحضرى بالكتير ادامة سنتين بس يفضل يلعب (يعنى كدة كدة مش فارقة)
- الراجل لو دققنا فى ملامحة المرة دى (كان بان علية فى حاجة جوام مخنوء منها ) حتى و هو بيرقص مش ذى كل مرة .
-وعلى فكرة الحضرى مش اول ولا آخر واحد يجيب جازززز
(ابراهيم سعيد-محمد شوقى -.....)

و اعتقد الخطة ذى ما قال زميلنا ( حسام حسن) بالظبط .يعنى اللى من برة قدرك اوى للدرجة دى يقعدك ست شهور على حسابة عشان عارف قيمتك .

وفى النهاية ..بلاش نظلم لأننا بنحس باحساس الحضرى كتير اوى

و..متعاملنيش معاملة العبد ...و تطلب منى كرم السيد .