عيوب خطيرة جدا فى الصنى ،، رجاء الدخول والرد

سيارتى صنى مانيوال 2009 بدون ABS عاملة 8450 كم والسيارة الأن بالتوكيل منذ 3 ايام لوجود عيوب مهمة وهى:

1- الفرامل ،، دواسة الفرامل احيانا تنزل سنة بسيطة لأسفل عند الضغط على دواسة الدبرياش قبل او اثناء التوقف وهذا يحدث احيانا فقط وليس دائما ،، ولم اعر الأمر اهتماما حتى تعرضت لموقف على السريع كدت افقد فية حياتى ،، هذا العيب لو حدث اثناء الضغط المفاجئ على الفرامل لتجنب حادث فان السيارة قبل التوقف ممكن ان تمسك عجلة قبل الأخرى وتحدف السيارة بالأضافة ان الفرامل تهرب وتفقد قوتها نسبيا مما يفقدك السيطرة على السيارة ،،

2- تسارع السيارة ييزيد لوحدة وRBM يرتفع لأكثر من 2 حتى والسيارة واقفة دون الضغط على دواسة البنزين وهذا العيب ايضا يحدث احيانا فقط وينتهى تماما بمجرد اطفاء السيارة واعادة تشغيلها "" وفى التوكيل من قبل ضبطو الكمبيوتر بتاع العربية ولكن العيب لسة موجود وانا صورتة لهم على الموبايل لأنهم من قبل رفضوا تصديقى وقالو العربية مافيهاش حاجة ومية مية وممكن ارفع الفلم لكل من عندة نفس المشكلة. نفس المشكلة لما حدثت لسيارات تيوتا قلبت الدنيا وسحبت سياراتها ولم تدارى وتخشى على سمعتها لأنها شركة محترمة ولااعتقد ان شركة نيسان الأم اقل من تيوتا.صحيح سيارتى مانيوال ويمكن التحكم فى السيارة من الدبرياش لكن دة هاياكل الديسك والأسطوانة وبعدين دى عربية زيرو ،،
والعيب دة بدا يظهر بعد صيانة ال5 الاف كم.

3- المارشدير ساعات يعلق ولا ياخذ النقلة الا لما ارفع رجلى من على الدبرياج ثم اضغط مرة اخرى ، وبردة التوكيل بيقول دة عادى اديها التالت الأول وبعدين المارشدير او انتظر 3 ثوان قبل النقل لأن الصنى تصميمها كدة ،، وانا طبعا غير مقتنع بالكلام دة. والعيب دة موجود منذ استلامى للسيارة.

4 حزام الأمان لايرجع مكانة عند فكة

أضافة لعيب اكشفتة قبل كدة وهو صوت اثناء رفع اوخفض الزجاج الخلفى وفى التوكيل قالو دة من تراب الجو بيدخل ورا الكاوتش والكاوتش دة ناشف ومصرى عشان كدة بيعمل صوت ولما ننضفة بالهواء هايروح الصوت وفعلا راح بعد تنضيفة ،، وحصل بعد كدة كتير وبقيت انا انظفة واكبر دماغى خصوصا وان السيارة سحبها ممتاز واستهلاكها فى البنزين يعتبر ممتاز والعفشة اكتر من ممتازة وثابتة جدا على الطريق وتكيفها جيد جدا وعالية عن الأرض يعنى بالأختصار احسن كتير من غيرها ،،

بالنسبة للعيوب الثلاثة الأولى فأننى لن استلم السيارة دون اصلاحها ،، واليوم اتصلت بخدمة العملاء وطلبت حد من ادارة نيسان يتصل على لأن هذة عيوب خطيرة ،،
والتوكيل الأن يعترف فقط بعيب ال RBM لأنى مصورة ولايمكن انكارة ،، وبعد ضبط سنسور الهواء وضبط الكمبيوتر بيقولوا دلوقت ممكن يكون عيب ضفيرة الموتور (الضفيرة العلوية) وهى غير موجودة عندهم و ها يطلبوها مستعجل فتأتى بعد 10 ايام،،
اما المارش والفرامل فمشى حالك ،،دول مضبوطين واحنا راجعنا الدايرة وهى تمام

أرجو من كل من يعانى من اى مشكلة ذكرتها سابقا الدخول والكتابة ،، وانا الأن منتظر رد خدمة العملاء قبل الألتجاء الى حماية المستهلك ورفع دعوى مباشرة على ادارة نيسان ان لم يتم حل المشكلة ..


:satelite:

اقتباس:

---

المشاركة الأصلية كتبت بواسطة mkb2000

سيارتى صنى مانيوال 2009 بدون abs عاملة 8450 كم والسيارة الأن بالتوكيل منذ 3 ايام لوجود عيوب مهمة وهى:

1- الفرامل ،، دواسة الفرامل احيانا تنزل سنة بسيطة لأسفل عند الضغط على دواسة الدبرياش قبل او اثناء التوقف وهذا يحدث احيانا فقط وليس دائما ،، ولم اعر الأمر اهتماما حتى تعرضت لموقف على السريع كدت افقد فية حياتى ،، هذا العيب لو حدث اثناء الضغط المفاجئ على الفرامل لتجنب حادث فان السيارة قبل التوقف ممكن ان تمسك عجلة قبل الأخرى وتحدف السيارة بالأضافة ان الفرامل تهرب وتفقد قوتها نسبيا مما يفقدك السيطرة على السيارة ،،

2- تسارع السيارة ييزيد لوحدة وrbm يرتفع لأكثر من 2 حتى والسيارة واقفة دون الضغط على دواسة البنزين وهذا العيب ايضا يحدث احيانا فقط وينتهى تماما بمجرد اطفاء السيارة واعادة تشغيلها "" وفى التوكيل من قبل ضبطو الكمبيوتر بتاع العربية ولكن العيب لسة موجود وانا صورتة لهم على الموبايل لأنهم من قبل رفضوا تصديقى وقالو العربية مافيهاش حاجة ومية مية وممكن ارفع الفلم لكل من عندة نفس المشكلة. نفس المشكلة لما حدثت لسيارات تيوتا قلبت الدنيا وسحبت سياراتها ولم تدارى وتخشى على سمعتها لأنها شركة محترمة ولااعتقد ان شركة نيسان الأم اقل من تيوتا.صحيح سيارتى مانيوال ويمكن التحكم فى السيارة من الدبرياش لكن دة هاياكل الديسك والأسطوانة وبعدين دى عربية زيرو ،،
والعيب دة بدا يظهر بعد صيانة ال5 الاف كم.

3- المارشدير ساعات يعلق ولا ياخذ النقلة الا لما ارفع رجلى من على الدبرياج ثم اضغط مرة اخرى ، وبردة التوكيل بيقول دة عادى اديها التالت الأول وبعدين المارشدير او انتظر 3 ثوان قبل النقل لأن الصنى تصميمها كدة ،، وانا طبعا غير مقتنع بالكلام دة. والعيب دة موجود منذ استلامى للسيارة.

4 حزام الأمان لايرجع مكانة عند فكة

أضافة لعيب اكشفتة قبل كدة وهو صوت اثناء رفع اوخفض الزجاج الخلفى وفى التوكيل قالو دة من تراب الجو بيدخل ورا الكاوتش والكاوتش دة ناشف ومصرى عشان كدة بيعمل صوت ولما ننضفة بالهواء هايروح الصوت وفعلا راح بعد تنضيفة ،، وحصل بعد كدة كتير وبقيت انا انظفة واكبر دماغى خصوصا وان السيارة سحبها ممتاز واستهلاكها فى البنزين يعتبر ممتاز والعفشة اكتر من ممتازة وثابتة جدا على الطريق وتكيفها جيد جدا وعالية عن الأرض يعنى بالأختصار احسن كتير من غيرها ،،

بالنسبة للعيوب الثلاثة الأولى فأننى لن استلم السيارة دون اصلاحها ،، واليوم اتصلت بخدمة العملاء وطلبت حد من ادارة نيسان يتصل على لأن هذة عيوب خطيرة ،،
والتوكيل الأن يعترف فقط بعيب ال rbm لأنى مصورة ولايمكن انكارة ،، وبعد ضبط سنسور الهواء وضبط الكمبيوتر بيقولوا دلوقت ممكن يكون عيب ضفيرة الموتور (الضفيرة العلوية) وهى غير موجودة عندهم و ها يطلبوها مستعجل فتأتى بعد 10 ايام،،
اما المارش والفرامل فمشى حالك ،،دول مضبوطين واحنا راجعنا الدايرة وهى تمام

أرجو من كل من يعانى من اى مشكلة ذكرتها سابقا الدخول والكتابة ،، وانا الأن منتظر رد خدمة العملاء قبل الألتجاء الى حماية المستهلك ورفع دعوى مباشرة على ادارة نيسان ان لم يتم حل المشكلة ..


:satelite:

---

بصراحة انا من يوم ما كتبت عن موضوع هبوط الفرامل قبل كده وانا حاسس ان الموضوع مش عادي ودا على الرغم من إني سألت في التوكيل وقالوا عادي لأ بس بجد فيه مشكلة لأن الهبوط بيخليني أفقد حساسية الدوسة وفعلا بيحصلي نوع من القلق أول ما بيحصل الموضوع دا بس الفرق بيني وبين حضرتك إن عربيتي أتوماتيك والعيب دا بيحصل في الغالب والتكييف شغال


-------------------------------


- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى


5-7-2010
7:20
مشرف القسم
19 ب

الف شكر أ/ ايمن على ذوق سعادتك وعلى اهتمامك بالرد ،، على الأقل دلوقت عرفت ان المشكلة فى اكتر من عربية مش انا لوحدى،، حيث ان المصلحة واحدة ولابد ان نجبر التوكيل وادارة نيسان على الأهتمام بهذة المشاكل واصلاحها ،،
وارجو مرة اخرى ممن لدية مشكلة مشابهة لما ذكرتة الكتابة او الأتصال بى:
د. محمد كامل
0144619225
mkb2000cd@yahoo.com

:verygood:

بتهيائلي يا باشا موضوع الفرامل ده امره سهل المفروض بيتظبط بسهولة في التوكيل اما موضوع الضفيرة في ١٠ ايام دي اشتغاله علشان انا غيرتها في يوم

عيوب خطيرة جداً !!!!!!

عجبى

و الله انا مش عارف أقولك معلش و أصبرك بكلام و خلاص و لا أقولك إية
ربنا يكون في عونك عشان بجد الفلوس ايلي مدفوعة في العربية بتوجع الواحد قوي لو لقاها فيها أى عيب
و موضوع المارشدير لما قالولك أستنه 3 ثواني ده فعلا صحيح
عشان انا برضة كنت لما أجي أجيب المارشدير ألاقيه يعمل صوت تروس بتخبط في بعض روحت للتوكيل قالي ده علشان الدبرياش علي زيت يعني المفروض تستنه ثواني لحد ما الزيت يتضخ
و جربلي الموضوع ده في عربية تانية غير عربيتي و قالي عشان تصدقني أهه
و فعلا أنا بضغط علي الدبرياج و أستنى ثواني بتاع 2 أو 3 ثانية كده و بعشق عادي لكن لو دوست و في نفس الوقت بعشق بلاقيه بيعمل صوت
أما باقي المشكلات ايلي عندك بقي ربنا معاك فيها
و تبقي طمنا

اقتباس:

---

المشاركة الأصلية كتبت بواسطة aiman0173

بصراحة انا من يوم ما كتبت عن موضوع هبوط الفرامل قبل كده وانا حاسس ان الموضوع مش عادي ودا على الرغم من إني سألت في التوكيل وقالوا عادي لأ بس بجد فيه مشكلة لأن الهبوط بيخليني أفقد حساسية الدوسة وفعلا بيحصلي نوع من القلق أول ما بيحصل الموضوع دا بس الفرق بيني وبين حضرتك إن عربيتي أتوماتيك والعيب دا بيحصل في الغالب والتكييف شغال


------

---

نفس كلامك بالضبط عندي انا اوتوماتيك و الحركه دي بتحصل مع التكييف و بحس بيها و انا و ا قف في الاشارات في الغالب و ياما كنت بكدب نفسي..كلامك دا هو الاكدلي الموضوووع..سبحان الله سيارتي نفس الصوره الفي توقيعك :M_yes[1]:.. فيراااني ex 2010 auto

عيوب خطيرة جدا فى الصنى ......

اعتقد انة عنوان ضخم ومبالغ فية على المشاكل الى ذكرتها
انا عن نفسى معنديش اى من هذة المشاكل

ياريت تاخد جولة فى المنتدى وتشوف العيوب الخطيرة بجد
خدلك الرابطين دول على سبيل المثال

http://www.nilemotors.net/Nile/131964-a.html

http://www.nilemotors.net/Nile/147039-a.html

http://www.nilemotors.net/Nile/137598-2010.html

مش عارف ايه حكاية عيوب العربيات الزيرو اللي انتشرت دي و المشكلة انها في التقفيل المصري او حتى لو عربية متقفلة في بلدها
انا ابتديت احس ان العربيات في مصر فرز تاني زي السيراميك

اقتباس:

---

المشاركة الأصلية كتبت بواسطة khela

عيوب خطيرة جدا فى الصنى ......

اعتقد انة عنوان ضخم ومبالغ فية على المشاكل الى ذكرتها
انا عن نفسى معنديش اى من هذة المشاكل

ياريت تاخد جولة فى المنتدى وتشوف العيوب الخطيرة بجد
خدلك الرابطين دول على سبيل المثال

---

يعني حضرتك شايف أن لما الفرامل تمسك عجله عن التانيه على طريق سريع مش خطر

وشايف أن البارومة في جسم العربية الخارجي أخطر ؟!!!!

أو أن أسطوانة الدبرياج بتستهلك بسرعة ( بس مش فجأه ) أخطر ؟!!!

ومش معنى أن حضرتك ماعندكش العيوب دي يبقى صاحب الموضوع مكبر الموضوع

لاقدر الله لو حد حصله نفس الموقف على طرق سريع ممكن يقول أكتر من كده

اقتباس:

---

المشاركة الأصلية كتبت بواسطة eng_ahmedryad

يعني حضرتك شايف أن لما الفرامل تمسك عجله عن التانيه على طريق سريع مش خطر

وشايف أن البارومة في جسم العربية الخارجي أخطر ؟!!!!

أو أن أسطوانة الدبرياج بتستهلك بسرعة ( بس مش فجأه ) أخطر ؟!!!

ومش معنى أن حضرتك ماعندكش العيوب دي يبقى صاحب الموضوع مكبر الموضوع

لاقدر الله لو حد حصله نفس الموقف على طرق سريع ممكن يقول أكتر من كده

---

لا ازاى يا بيه المفروض ندخل ندافع عن العربية خلاص

طب يا جماعه شوفو كام واحد عنده نفس المشكله بتاعه الفرامل دى

اعملو موضوع فى المنتدى او حمله على الفيس بوك واختارو ميعاد فى يوم محدد وروحو كلكم للتوكيل ولازم يلاقو ليكم حل

لما يبقى عددكم كبير حيخافو ويترعبو بجد
ولو مخافوش خوفوهم بكلامكم

ولو معملوش حاجه اطلعو على حمايه المستهلك او اعملو اى حاجه تضمن حقكم وتقلب الدنيا

هما فالحين بس ينهبو الناس ويبيعو عربيات بأضعاف تمنها وعاوزنا نموت بعيب من عيوب العربيات الى بيضحكو علينا بيها

حسبى الله ونعم الوكيل
ولازم تتحركو مش حتستنو لما مصيبه تحصل

يا جماعة العربية جديدة و من حق صاحبها انه يكون مبسوط بيها و لما يكون فيها اى مشكلة فهى تعتبر عيب جامد

ومعلش يعنى ايه الغيار يعلق و لازم اجيب تالت قبل المارشدير امال لو عربية قديمة المفروض يعمل ايه؟

وليه عند الفرملة عجلة تمسك قبل التانية و العربية تحدف

على العموم متستلمش العربية من التوكيل غير لما كل الى فيها يتصلح و تجربة

1-بالنسبه لموضوع الفرامل فهل ظاهرة هبوط الفرامل تحت رجلك شوية تحدث فقط وانت مشغل التكييفـ، لو كانت لا تظهر سوى والتكييف شغال يبقى شيلها من دماغك لان كل السيارات كدة ولهذة الظاهرة تفسير طويل كنا ناقشناه مرة على المنتدى، لو هى بتحصل معاك والتكييف شغال او مش شغال يبقى هتاخد هواء الاول ولو اتكررت تشوف انهى ماستر اللى بايظ وتغيره

2-موضوع الRPM المتهم الأول فيه هو حساس ال TPS وهناك احتمال ضئيل ان يكون المتسبب فيه بلف التباطؤ (idle valve) ودول هما القطعتين اللازم البدء بمراجعتهما قبل قصة الضفيرة

3- بالنسبة لموضوع تعشيق المارشدير فلو سبت العربية فىالتوكيل 10 سنوات هترجعلك زى ما هى، معظم السيارات المانيوال -ما عدا بعض الموديلات الفاخرة جدا-الفتيسات بتاعتها عرضة انها تعلق فى تعشيق المارشدير فى مرة كل عدة مرات وعادة تكون المرة الاولى بعد مسافة سير للأمام، يعنى لو ماشى مشوار وتيجى تركن تلاقيها مش بتعشق بسهولة اول مرة ، لكن بعد كدة تديها أولانى فى مارشدير فى اولانى فى مارشدير وانت بتركن متلاقيش اى مشكلة ،وهذا لا يعنى وجود اى عيب فى الفتيس، كل المطلوب منك هلما العربية تعمل كدة هو رفع قدمك من على دواسة الدبرياش واعادة وضعها

اقتباس:

---

المشاركة الأصلية كتبت بواسطة eng_ahmedryad

يعني حضرتك شايف أن لما الفرامل تمسك عجله عن التانيه على طريق سريع مش خطر

وشايف أن البارومة في جسم العربية الخارجي أخطر ؟!!!!

أو أن أسطوانة الدبرياج بتستهلك بسرعة ( بس مش فجأه ) أخطر ؟!!!

ومش معنى أن حضرتك ماعندكش العيوب دي يبقى صاحب الموضوع مكبر الموضوع

لاقدر الله لو حد حصله نفس الموقف على طرق سريع ممكن يقول أكتر من كده

---

الأخ العزيز eng_ahmedryad
الف شكر على ذوقك انك رديت بدلا منى ،، وانا فعلا مقتنع ان شركة بحجم نيسان لايجب ان تخرج منها سيارة بعيوب متعددة واهيف عيب فيهم وهو المارش ممطن يسبب لك مشاكل كتير فى الزحمة لما يعلق الفتيس
وشاكر مرة اخرى كرم اخلاق سعادتك
:B4_611:

اقتباس:

---

المشاركة الأصلية كتبت بواسطة sab3aawy

1-بالنسبه لموضوع الفرامل فهل ظاهرة هبوط الفرامل تحت رجلك شوية تحدث فقط وانت مشغل التكييفـ، لو كانت لا تظهر سوى والتكييف شغال يبقى شيلها من دماغك لان كل السيارات كدة ولهذة الظاهرة تفسير طويل كنا ناقشناه مرة على المنتدى، لو هى بتحصل معاك والتكييف شغال او مش شغال يبقى هتاخد هواء الاول ولو اتكررت تشوف انهى ماستر اللى بايظ وتغيره

2-موضوع الRPM المتهم الأول فيه هو حساس ال TPS وهناك احتمال ضئيل ان يكون المتسبب فيه بلف التباطؤ (idle valve) ودول هما القطعتين اللازم البدء بمراجعتهما قبل قصة الضفيرة

3- بالنسبة لموضوع تعشيق المارشدير فلو سبت العربية فىالتوكيل 10 سنوات هترجعلك زى ما هى، معظم السيارات المانيوال -ما عدا بعض الموديلات الفاخرة جدا-الفتيسات بتاعتها عرضة انها تعلق فى تعشيق المارشدير فى مرة كل عدة مرات وعادة تكون المرة الاولى بعد مسافة سير للأمام، يعنى لو ماشى مشوار وتيجى تركن تلاقيها مش بتعشق بسهولة اول مرة ، لكن بعد كدة تديها أولانى فى مارشدير فى اولانى فى مارشدير وانت بتركن متلاقيش اى مشكلة ،وهذا لا يعنى وجود اى عيب فى الفتيس، كل المطلوب منك هلما العربية تعمل كدة هو رفع قدمك من على دواسة الدبرياش واعادة وضعها

---

أخى العزيز sab3aawy

واللة انا سعيد جدا لأنك اشتركت فى مداخلتى ،،
اما عن موضوع الفرامل فهى تحدث سواء كان التكييف شغال ام لا ،، بس انا ملاحظ انها تحدث اكتر لو دوست دبرياش اثناء الضغط على الفرامل وهى قليلة الحدوث جدا وانا اشتكيت منها قبل كدة فى التوكيل وكنت فاكر ان دورة الزيت واحدة قالولى انهم خزنتين منفصلين ولم اهتم حتى حدث ماحدث على السريع وحسيت ان الفرامل كانت مسكت وفجأة نزلت سنة من تحت رجلى مع انحراف العربية وربنا ستر والعربية اتلمت ياعجوبة ،،
وفى التوكيل بيقولو احنا راجعنا دورة الفرامل وهى سليمة ولما سألتة عرفت ازاى ؟ قال مفيش زيت مرشح من الخزن .
بالنسبة لل RBM هم فعلا شافو حساس الهواء الأول وبيقولو فكوة ونظفوة وانا مش عارف هل هذا هو ماتقصدة ولا لأ ،، وبعدين ضبطوا كمبيوتر السيارة ، مشيت كويس شوية وبعدين رجع العيب ،، ياريت تقولى اية هو حساس الTPS
بالنسبة للمارش كلامك فعلا مضبوط انى لازم ارفع رجلى وادوس دبرياش تانى قبل النقل ،، بس انا كان معايا لانسر قبل كدة وعمرها ماعملت كدة معايا ،،
مرة اخرى الف شكر على ذوق سعادتك

اقتباس:

---

المشاركة الأصلية كتبت بواسطة eng_ahmedryad

يعني حضرتك شايف أن لما الفرامل تمسك عجله عن التانيه على طريق سريع مش خطر

وشايف أن البارومة في جسم العربية الخارجي أخطر ؟!!!!

أو أن أسطوانة الدبرياج بتستهلك بسرعة ( بس مش فجأه ) أخطر ؟!!!

ومش معنى أن حضرتك ماعندكش العيوب دي يبقى صاحب الموضوع مكبر الموضوع

لاقدر الله لو حد حصله نفس الموقف على طرق سريع ممكن يقول أكتر من كده

---

اقتباس:

---

المشاركة الأصلية كتبت بواسطة mkb2000

الأخ العزيز eng_ahmedryad
الف شكر على ذوقك انك رديت بدلا منى ،، وانا فعلا مقتنع ان شركة بحجم نيسان لايجب ان تخرج منها سيارة بعيوب متعددة واهيف عيب فيهم وهو المارش ممطن يسبب لك مشاكل كتير فى الزحمة لما يعلق الفتيس
وشاكر مرة اخرى كرم اخلاق سعادتك
:B4_611:

---

الاخوة الافاضل
انا لم اقل ان صاحب الموضوع مكبر الموضوع انا قلت ان العنوان ضخم ومبالغ فية على المشاكل الى ذكرها وهى كانت مشاكل كتيرة ..تقديرى الشخصى انها اقل كتير من مشاكل الروابط الى ارفقتها بتعليقى
اما بالنسبة لمشكلة الفرامل فانا فهمت ان المشكلة لما بيدوس دبرياش مع الفرامل الفرامل بتنزل شوية زيادة ومفهمتش نزولها دة ازاى يخليها تمسك العجل فى ناحية واحدة والتانية لا ..هل العربية فيها abs وهو الى فية مشكل؟؟
عموما اعتذر لصاحب الموضوع اذا كان قد فهم من تعليقى انى اهيف من هذة المشاكل وهذا ما لم اقصدة

متابع الموضوع باهتمام جدا ... و ارجوا انك تطمئنا اول بأول لأن عربية اي عضو بالمنتدي هي عربية المنتدي بأكمله

اقتباس:

---

المشاركة الأصلية كتبت بواسطة mkb2000

أخى العزيز sab3aawy

واللة انا سعيد جدا لأنك اشتركت فى مداخلتى ،،
اما عن موضوع الفرامل فهى تحدث سواء كان التكييف شغال ام لا ،، بس انا ملاحظ انها تحدث اكتر لو دوست دبرياش اثناء الضغط على الفرامل وهى قليلة الحدوث جدا وانا اشتكيت منها قبل كدة فى التوكيل وكنت فاكر ان دورة الزيت واحدة قالولى انهم خزنتين منفصلين ولم اهتم حتى حدث ماحدث على السريع وحسيت ان الفرامل كانت مسكت وفجأة نزلت سنة من تحت رجلى مع انحراف العربية وربنا ستر والعربية اتلمت ياعجوبة ،،
وفى التوكيل بيقولو احنا راجعنا دورة الفرامل وهى سليمة ولما سألتة عرفت ازاى ؟ قال مفيش زيت مرشح من الخزن .
بالنسبة لل RBM هم فعلا شافو حساس الهواء الأول وبيقولو فكوة ونظفوة وانا مش عارف هل هذا هو ماتقصدة ولا لأ ،، وبعدين ضبطوا كمبيوتر السيارة ، مشيت كويس شوية وبعدين رجع العيب ،، ياريت تقولى اية هو حساس الTPS
بالنسبة للمارش كلامك فعلا مضبوط انى لازم ارفع رجلى وادوس دبرياش تانى قبل النقل ،، بس انا كان معايا لانسر قبل كدة وعمرها ماعملت كدة معايا ،،
مرة اخرى الف شكر على ذوق سعادتك

---

لو نزول الفرملة تزامن معه انحراف العربية يبقى اول اعضاء متهمة هى مساتر الفرامل بتاعه العجلتين اللى فىالناحية المقابلة لناحية الانحراف، يعنى لو العربية انحرفت يمين يبقى نبص علىالمساتر الشمال وخصوصا الأمام

حساس الهواءهو المسمى اير ماس والموجود فى الخرطوم الموصل من الفلتر الى موزع الهواء throutle body وليس هو الذى كنت اقصده وان كان من الممكن ان ييسبب ارتباكا فى الRPM ، لكن حساس الTPS (throutle position sensor)هو المسئول على معرفة مدى فتحة باب الخانق ومكانه على اكس باب خانق الهواء(الشئ اللى بيتحرك نتيجة لانك تدوس على دواسة البنزين ويسمح بدخول الهواء للمحرك بحسب درجة ضغطك علىالدواسة) وهو عبارة عن قطعة بلاستيككة مدورة سوداء قطرها حوالى 3-4 سم تقريبا ومربوطة بمسمارين مقاس 7 فى جسم الخانق من الناحية القريبة من صالون السيارة

بالنسبة للمارشديرير فمتشغلش بالك بيه وعود نفسك على كدة،الظاهرة دى مرتبطة بعدم وجودغويشة تقارب للمارشدير، احيانا الظاهرة دى بتتحسن شوية مع عمرالفتيس لكنها طالما موجودة لا تزول ولو موجودة فى سيارة من طراز ما فهى تكون موجودة فى كل الطراز، ولا تؤدى لأى مشاكل من اى نوع، ربما ن اللانسر مثلا كانوا عاملين فيها غويشة للمارشدير، انا معرفش لكنه استنتاج

اقتباس:

---

المشاركة الأصلية كتبت بواسطة sab3aawy

لو نزول الفرملة تزامن معه انحراف العربية يبقى اول اعضاء متهمة هى مساتر الفرامل بتاعه العجلتين اللى فىالناحية المقابلة لناحية الانحراف، يعنى لو العربية انحرفت يمين يبقى نبص علىالمساتر الشمال وخصوصا الأمام

حساس الهواءهو المسمى اير ماس والموجود فى الخرطوم الموصل من الفلتر الى موزع الهواء throutle body وليس هو الذى كنت اقصده وان كان من الممكن ان ييسبب ارتباكا فى الRPM ، لكن حساس الTPS (throutle position sensor)هو المسئول على معرفة مدى فتحة باب الخانق ومكانه على اكس باب خانق الهواء(الشئ اللى بيتحرك نتيجة لانك تدوس على دواسة البنزين ويسمح بدخول الهواء للمحرك بحسب درجة ضغطك علىالدواسة) وهو عبارة عن قطعة بلاستيككة مدورة سوداء قطرها حوالى 3-4 سم تقريبا ومربوطة بمسمارين مقاس 7 فى جسم الخانق من الناحية القريبة من صالون السيارة

بالنسبة للمارشديرير فمتشغلش بالك بيه وعود نفسك على كدة،الظاهرة دى مرتبطة بعدم وجودغويشة تقارب للمارشدير، احيانا الظاهرة دى بتتحسن شوية مع عمرالفتيس لكنها طالما موجودة لا تزول ولو موجودة فى سيارة من طراز ما فهى تكون موجودة فى كل الطراز، ولا تؤدى لأى مشاكل من اى نوع، ربما ن اللانسر مثلا كانوا عاملين فيها غويشة للمارشدير، انا معرفش لكنه استنتاج

---

الأخ الفاضل المهندس sab3aawy

واللة كلنا لازم نتعلم منك لأن كلامك سليم جدا من الناحية الفنية ،، انا رحت التوكيل النهاردة ولقيتهم لسة ماغيروش الضفيرة وقالوا انهم راجعو و ضبطو الTPS وقالوا لى نفس كلامك عنة وعن المارش وركبنا جربنا السيارة وبصراحة الفرامل بتمسك كويس والسيارة مش بتحدف خالص وانت سايب الدركسيون ومفرمل من سرعة 80 كم وربنا يستر والعيب دة مايظهرش تانى والRBM كان ساعتها مضبوط على 0.6 بس المرة اللى قبلها بردة ضبطوة واول مامشيت بيها يومين بدأ يظهر وعن كلام المهندس انة مايضمنش ان العيب دة ممكن يرجع تانى ام لا لأنة لم يتم تغيير اى قطع غيار ومش معروف حتى الأن سبب هذا العيب بالضبط ،، اما عن اهيف عيب وهو حزام الأمان مابيرجعش مكانة لما تفكة قالو صلحوة وبعد مالبست الحزام وجيت افكة مارجعش مكانة تانى ،، ورجعت ريما لعادتها القديمة زى الأول ،ولازم تقعد تدككة فى القايم عشان يرد مكانة ،، المهم انك طمنتنى من ناحية المارش وهحاول اعود نفسى علية رغم ان دة يعتبر عيب تصنيع او عيب فى التصميم ،، وانا اسف جدا لأنى طولت عليك وانا هاروح اخد العربية لأنى زهقت بس هاقدم شكوى رسمية فى خدمة عملاء نيسان لأن السيارة باتت عندهم 5 ليالى ولسة فيها عيوب،، يمكن لأنى مسافر برة مصر منذ فترة طويلة وكانت المعاملة فى الصيانة برة مختلفة ،، يعنى لازم اطبق المثل المكتوب فى مدخل البلد .. ابتسم انت فى مصر..