لو رجع بيك الزمن قبل ما تشتري اللوجان ... كنت هتشتريها برضه؟

**mohamedhmk** · 06-07-2010 02:57 PM

المشاركة الأصلية كتبت بواسطة asdcat39

عمري ما كنت هتشريها بس كنت حجيب داشيا لوغان او نيسان ابريو

طيب ما الاتنين دول هما نفس الرينو لوجان في كل حاجه!!

**AirForces** · 06-07-2010 05:08 PM

المشاركة الأصلية كتبت بواسطة DOCTORBADRAN

معلش هو ايه الفرق بين موديل 2009 وموديل 2010

انا عن نفسى قبل ما اشوفها كنت بقارنها بلانوس ...شكل قديم وموتور ضعيف....,فيرنا...واطية ومش ثابتة....سبيرانزا...صينى خامات سيئة, ساجا جديدة وصغيرة.
لكن لما عرفتها بقارنها باكسنت و افيو و اعتقد انها افضل.
انا فقط خايف

فرق التصميم الخارجى اتغير بالذات الشنطة من ورا والأكصدامات بقت بلون العربية
دا شكل 2009

ودا 2010

موتورها مش ضعيف خالص دا نفس موتور ميجان 2000 تقريبا وكان واخد 5 نجوم فى الأختبارات الأوروبية وقتها هو بس قديم وصوته عالى سنة واهو الناس كلها بتقول ابعد عن رينو عشان تكنولوجيا معقدة ادى اللوجان جابلتهم موتور قديم هههههه

**josephedward** · 06-07-2010 05:35 PM

بعد ما حصلتلي الحادثة لما واحد (الله لا يسيئه) ركبلي بيها على رصيف أسمنت عالي بوشه... ونزلت سليمة.... ماعتقدش ان أي عربية تانية في نفس الفئة كانت هاتنزل سليمة....
عشان كدة لو رجع بي الزمن.... آه هاشتريها 1000 مرة...

**ahmedfouad** · 06-07-2010 05:56 PM

المشاركة الأصلية كتبت بواسطة josephedward

بعد ما حصلتلي الحادثة لما واحد (الله لا يسيئه) ركبلي بيها على رصيف أسمنت عالي بوشه... ونزلت سليمة.... ماعتقدش ان أي عربية تانية في نفس الفئة كانت هاتنزل سليمة....
عشان كدة لو رجع بي الزمن.... آه هاشتريها 1000 مرة...

ما شاء الله ربنا يباركلك فيها ما يحسد المال الا اصحابه

**DOCTORBADRAN** · 06-07-2010 06:05 PM

اسف ما كملتش كلامى انا بس خايف من ان صاجها يكون ضعيف خصوصا لو فيه خبطة هردها او حاجة

**أبو أدم** · 06-07-2010 07:22 PM

لو كان معايا نفس الفلوس ....

كنت هاجيب اللوجان ....... بلا تردد ........

وساعتها فكرت فى السيمبول والجين 2 ... زيرو ...
والانسر 1600 .... مستعملة ....

ولما ظهرت اللوجان قولت من غير مقارنة

و لا استلف ولا حاجة ....

انا مش عايز من العربية اكتر من كدة...... تبقى اللوجان

و بالاستخارة وفقنى الله و الحمد لله لللوجان

**elshamy79** · 19-07-2011 02:58 PM

موضوع أكثر من رائع أود أن يتم فتحه للنقاش مرة أخرى

بصراحة أنا كنت بقارن بينها و بين بروتون ساجا و نيو أكسنت

بس بعد دراسة كويسة لقيت إن الساجا لازم تطلع بره المنافسة لحاجات كتير يطول شرحها
أما النيو أكسنت فلقيت إنى لازم أزود فى الميزانية حوالى 16 ألف جنيه على حاجات أقل ما يقال
عنها إنها مش مؤثرة معايا أوى ... على سبيل المثال لا الحصر :
- فرق التابلوه العصرى
- نظام التعليق الخلفى
- موتور هيونداى 1600 cc cvvt الجبار
- سعر إعادة البيع اللى مش بطال أبداً

بس بعد صلاة إستخارة .. ربنا وفقنى للوجان و إاستلمت موديل 2012 و لقيت حاجات كتير تانية لم تكن فى حسبانى بصراحة:
- علو مش طبيعى
- عفشة قوية ونعمة فى نفس الوقت
- موتور حاسس إنه هيسعفنى إن شاء الله ولو إنه فى التليين
- وسع الصالون اللى ما كنتش قادر أتوقعه

علماً بإنى متزوج وعندى أطفال فالجرى والتفحيط والغرز اللى على الضيق حاجات عفا عليها
الزمن بالنسبة لى .

وأولاً و أخيراً الحمد لله على كل شئ وربنا يطعما جميعاً خيرها و يكفينا شرها .. اللهم آمين

**ahmed76** · 19-07-2011 03:17 PM

كنت هاختار لوجان طبعا بس لو حد ادانى 20 الف ومش عايزهم تانى هاجيب نيسان صنى

العامل المادى رقم واحد فلازم اقارن بعربيات بنفس السعر :
لانوس وفيرنا و byd و m11
ركبت كل دول بس ما سوقتهمش
بحس براحه نفسيه وانى قاعد فى البيت
والعيال ساعات بتجرى ورا بعض فى العربيه