استفسار حول حجز البريليانس وارجو الافادة بسرعة

**Mamdoh Elarby** · 24-07-2010 01:12 PM

لو حضرتك بتسأل علي الاتوماتيك هيا موجودة علي فكرة في معارض كتير اللي مش موجوده كمان اللي هيا 1500 ال gls و متهيألي حضرتك ممكن تتصل بالبنك تسألهم اذا كان ينفع تغير المعرض اللي انت مقدم منه عرض السعر و لا لأ.
انا المعرض اللي انا حاجز منه اسمه عربيات في المهندسين عند مسجد الحامدية الشاذلية و معندهمش غير الأتوماتيك و عمالين يقنعوني بيها بس للأسف انا مقدرش اجيبها فروحلهم خد منهم عرض سعر تاني بس لازم تتأكد من البنك الأول.

بس كلام في سرك انا سمعت بس معرفش اشاعة و لا لأ ان الدفعة اللي داخلة هتبقي 2011 ان شاء الله فلو تقدر تستناها يبقي تمام اوي.

**yasser100** · 24-07-2010 01:41 PM

انا كنت امبارح في التوكيل باستلم التامين , العربيه فعلا مش موجوده و عندهم حجز زياده مش عارفين يعملوا فيه ايه خصوصا المانيوال (1500cc) الموتور الوحش زي ما بيسموه و هو فعلا وحش بعد التليين و موتور جبار , و همه نفسهم مش عارفين العربيات هتوصل امتي و هل الاسعار هتزيد و لا لاء و كل العربيات اللي عندهم خلصت حتي الاسبلندور و الجالينا المعرض في التوكيل خالي تماما و ده بسبب القانون الجديد اللي هيطبق بعد 9 ايام الخاص بالمواصفات اللي هيغلي العربيات, انا بقول الكلام ده علشان المعارض ما تضحكش علي حد و يقولوا لك هجيبلك العربيه بكره , العربيه فعلا مش موجوده , و اتمني لكل حاجز يستلم انشاء الله

**yasser100** · 24-07-2010 01:47 PM

بالنسبه لموديلات 2011 ما فيش اي تغيير لان موديلات fsv و frv cross و frv 1500 الجديده دي لسه اول سنه ليها و تابعوا موقع bmw_ brilliance العالميه ز

**yasser100** · 24-07-2010 04:51 PM

رايي يا جماعه علشان ما فيش حد يعيش في شد عصبي الانتظار قليلا حتي يهدا السوق و يبان تاثير القرارات الجديده , اللي منها منع بيع الخليجي في مصر لانه من غير ضمان و ده هياثر علي اسعار السيارات بالقطع , انت بتروح البفاريه تسال علي البريليانس بيقولك 75000 بس العربيه مش موجوده و ممكن تحجز و الاستلام غير محدد المده و هل هيزيد السعر عند الاستلام ؟ ما حدش هيقدر يجاوبك و اللي يقلك اه او لا بيضحك عليك و لو زادت و انت حاجز عن طريق بنك و مش قادر تدفع الزياده هتدخل في دوامة ارتجاع مع البنك و المعرض خصوصا ان السياره كان عليها العرض 10000 جنيه فرق , علشان كده انا باقول اهدوا شويه حتي تضح الامور , و تابعوا الموضوع في اخبار اليوم ملحق السيارات صفحه كامله

**ahmad_samy** · 24-07-2010 05:24 PM

ربنا يستر علينا

**yasser100** · 24-07-2010 05:36 PM

ما تقلقش ان شاء الله هتكون مبسوط

**ahmad_samy** · 24-07-2010 07:46 PM

ياااااااااااااااااااااااا ااااااااااااااااااااااارب

**akramesg** · 24-07-2010 09:03 PM

بالمناسبة عربيتى استلمتها من البافارية بس هم جابوهالى من شركة عربيات لأن الشحنة بتاعتهم اتأخرت (مكنتش اعرف ان اى حد يستورد بمزاجة مش بس التوكيل)
سألتهم عن تغيير الاسعار - قاللى مش ممكن اغير السعر وفى ناس لسة بتستلم وان التغيير عادة بيكون مبين دفعة ودفعة
العربية لوووووز وتستاهل كل قرش وكل تأخير ومحدش من اصحابى مصدق انها بالسعر دة بس

بالتوفيق لكل المنتظرين وعقبال متحصلونا عن قريب

**yasser100** · 24-07-2010 10:46 PM

ما فيش حد بيستورد العربيه غير البافاريه و لكن همه موزعين عربيات علي المعارض علشان الناس اللي حاجزه و لاي سبب واحد ماستلمش عربيته التوكيل بيستردها و يديها لواحد هيستلمها فوري و جاهز , لو المعرض هو اللي بيستورد كان مستحيل تاخد ضمان من البافاريه .

**akramesg** · 24-07-2010 10:54 PM

مش عارف انا قولت الحجة اللى قالوهالى فى البافارية - بس فية ورقة من ضمن الاوراق كان مكتوب عليها شركة عربيات فعلا!!!
وحسب معرفت هو الوحيد اللى عندة عربيات حاليا والشحنة 500 عربية
يمكن يكون اسرع تجيب من عندهم بس لو حاجز من التوكيل هم هيتصرفولك زى معملو معايا

الموضوع: استفسار حول حجز البريليانس وارجو الافادة بسرعة

LinkBack

أدوات الموضوع

عرض

-

-

-

-

-

-

-

المواضيع المتشابهه

استفسار بسيط وارجو الافادة

استفسار من خبراء المكواة وارجو الافادة

استفسار بسيط من اهل الخبره في الاوبترا وارجو الرد بسرعة

طلب بسيط وارجو الافادة بسرعة

استفسار وارجو الافادة من السادة الاعضاء وبالاخص أ. سبعاوى

الكلمات الدلالية لهذا الموضوع

المفضلات

المفضلات

ضوابط المشاركة