الموضوع: استفسار بسيط وارجو الافادة

بالنسبة للموضوع البدل ده في مشكلة لان انا الكنترول عندي obd2 وانتا الكنترول عندك obd1 فهل ده هينفع ولا هيحتاج تعديل كتير وفيه مشاكل؟ الموضوع ده عايز اكيد استشارة من الهونداويه الكبار :)

المشاركة الأصلية كتبت بواسطة M_Nabil

وعليكم السلام ورحمة الله

موضوع انك تقلب من مانيوال لى أوتو عادى بيتعمل بس ممكن يكون مكلف شوية ولو اتعمل صح مبيكونش فيه مشاكل التكلفة في حدود 1500 جنية تقريباً كمتوسط سعر وطبعاً في فرق في الفتايس هبقى اقول لك عليه وفرق في السحب أكيد هتحس ان الاوتو أضعف بشوية بس نوعاً ما بيكون معقول اللا لو أنت غاوى جرى وحرق مش هتتبسط منه

متشكرررر لك جدا بس عندي ليك سؤال لو لقيت فتيس اتوماتك من نفس الموديل يكون افضل ولا مش هتفرق و اختياره يكون على اساس ايه وهل في نوعين عادي و CVT

المشاركة الأصلية كتبت بواسطة Eng_x

متشكرررر لك جدا بس عندي ليك سؤال لو لقيت فتيس اتوماتك من نفس الموديل يكون افضل ولا مش هتفرق و اختياره يكون على اساس ايه وهل في نوعين عادي و CVT

اهلا بيك يا باشا

مش حيفرق موديل الفتيس في حاجة و حكاية البدل دي قكرة حلوة جدا حتبقى موفر ليك و ليه

مش حينفع خالص ال cvt عندك دا ليه مواتير معينة و كنترول و ضفيرة لواحده و لازم كنترول موتور معين هوا اللي بيهاندل الكنترول بتاعه و قصص

تعالي بقي نفصصها واحدة واحدة و اقولك ايه اللي حيحصل

عندك انت

موتورك d16y7 مافيهوش فيتك
حتاخد من ممدوح الفتيس عادي و حيركب عادي
و حتظبط الدوسات و تغير عصاية الفتيس
و حتغير العدادات لو عايز

بالنسبة للكنترول قدامك 3 حلول
1- تشتري كنترول non-vtec 1.6 auto obd-2

2- حتمشي بنفس كنترولك عادي خالص بس التورك كونفيرتر مش حيشتغل في الفتيس بمعني ان في نقلة صغيرة اوي كده غير مش حتشتغل معاك و مش مهمه قوي يعني لو مقلتلكش عليها مش حتاخد بالك منها اصلا كل ما هناك بدل ما حتبقى ماشي 100 كم على 2.5 rpm حتبقى 3 rpm
ولا في check engine حتنور ولا اي حاجة

3- انا عندي كنترول obd-2 اوتوماتيك بتاع vti بس ده vtec ممكن يشغلك كل حاجة صح في الفتيس و المكنة بس ممكن ينور ال check engine عشان حيدور عالvtec و مش حيلاقيه بس ليها حل الكهربائي ممكن يلغى منه الvtec او تجيب حساس فيتك تركبه عالهوا كدا تسكت بيه الكنترول , لو عاوزه انا تحت امرك و حيبقى بسعر غير السوق طبعا

و سواء 1 او 3 اول ما تركب الكنترول حتلاقي العربية في الايدل مش مظبوطة و rpm بيطلع و ينزل مابين ال 5.1 و ال 1 بسرعة فا بيتعمل تعديل بسيط في سلك الايدل و بتزبط (دي حاجة بسيطة عشان بس فرق الكنترول المانيوال والاتو بس قلت اقوللك عشان ما تتخضش لو لقيت الايدل مش مظبوط) و انا مستعد اعملك التعديل ده لو حد قالك مش عارف

نيجي بقى عند ممدوح اللي مبيسألش خالص
عندو هوا بقى القصة اسهل

حيركب الفتيس المانيوال و يركب الدواسات و العصاية و يغير العدادت لو عايز

حتنور عنده check engine عشان فيشة الفتيس اللي رايحة ل selonoid الفتيس برضه حيروح للكهربائي يلغيله الفتيس من الكنترول او يشتري selonid فتيس و يركبه في الفيشه كدا عالهوا يضحك بيه عالكنترول و خلاص


اه و ماتنسوش يا شباب تبديلوا سوست البوابات عشان سلك الكيك داون

و بالتوفيق ان شاء الله