الموضوع: استفسار وارجو الافادة من السادة الاعضاء وبالاخص أ. سبعاوى

فيه 3 انواع من اساليب القيادة تقدر تغير بينهم فى المشوار الواحد حسب رغبتك وحالتك المزاجية
0
1- القيادة الهادئة وفى هذة الحالة بنغير على اقل سرعة يصلح عندها الغيار (2500 RPM ) مثلا مع عدم الضغط على دواسة البنزين سوى باللمس -ودى بيسموها قيادة عواجيزى- وتصلح لهادئى الطبع وهى مفيدة فى اطالة عمر المحرك لكنها ليست افضل اسلوب لتوفير الوقود او الوقت ، كما انها مناسبة للطرق المنحدرة

2- القيادة الإقتصادية ، وفى هذة الحالة بنكبس على البنزين بشكل معتدل وبنغير عند سرعة أعلى كفاءة وهى عادة تتراوح بين 3000 و 4000 RPM بحسب نوع السيارة وهى مفيدة لتوفير استهلاك البنزين وعدم استهلاك المحرك بسرعة وفى نفس الوقت الحصول على اداء جيد من السيارة

3- القياد الرياضية: وعندها نكبس على البنزين بأقصى ما يسم به تسارع المحرك( يعنى مش بجيب الدواسة عل الأرض لكن كل ما العربية تشد معايا ادوس اكتر) والغيار يكون على اقرب ما يكون من سرعة اعلى قدرة حصانية، يعنى حول ال5000 RPM وهذا الأسلوب يعطينا افضل أداء للسيارة، وهو مناسب جدا للمطالع لكن على حساب استهلاك الوقود وعمر المحرك ، برغم ان هذا الأسلوب يحسن استجابة محرك السيارة للتسارع

اتمنى كدة تكون الصورة واضحة ، عموما انا فى قيادتى للسيارة بغير بين ال 3 أساليب طوال الوقت ، لكن معظم الوقت بيكون مع اسلوب القيادة الإقتصادية

الف شكر على المعلومات المفيدة دى بس السؤال هل الاسلوب الاول يؤدى الى كسل المحرك وعدم اعطاء السرعات المطلوبة فيما بعد ؟

مع ملاحظة ان العداد بيبقا جايب 90 على 3 rpm (الغيار الخامس ) فهل كدة الموتور كسول ولا ايه ؟

كون الموتور جايب 90 على 3000 RPM على الخامس فهذة نقطة تصميمية للسيارة لا علاقة لها بكسل الموتور من عدمه وسواء الموتور كسول او غير كسول فسيظل طوال عمره يجيب 3000RPM على الخامس على 90 (هى عربيتك شاهين وللا إيه؟) لحد ما الدبرياش يفوت او عدادا ال RPM يخرف او عداد السرعة يخرف ساعتها ممكن تشوف 3000 RPM قصاد ارقام سرعة اخرى بس بمجرد اصلاح العيب ستعود ال3000 قصاد ال 90على الخامس ايا كانت حالة المحرك او الجيربوكس

اما بالنسبة لسؤالك فانا جوبتلك عليه لما قلتلك ان

وهو مناسب جدا للمطالع لكن على حساب استهلاك الوقود وعمر المحرك ، برغم ان هذا الأسلوب يحسن استجابة محرك السيارة للتسارع

فعلى ذلك الحرق على الموتور بيحسن تسارع العربية لكن بيقلل عمر الموتور وبيزود استهلاك الوقود، وعلى ذلك انت لك الإختيار بين تحسين تسارع الموتور وبين إطاله عمره

طيب احب اعمل مداخلة يا استاذ سبعاوي!

انا ساكن في العجمي وعندنا اثار دمار شامل موخرا وتكسير في الشوارع فاحيانا بمشي في هذة الطرق المكسرة لمسافة تزيد عن 1 كم وببقى حاطط الاول طول المسافة ومعلق رجلي على الدبرياج معظم الوقت لاني ممكن افاجئ بحفرة!

هل هذا الاسلوب صحيح اني بمشي كتير على الاول بون غيار وما اثرة على الموتور / الجير بوكس / اسطوانة الدبرياج؟؟

شكرا للافادة

ممكن سؤال يا استاذ سبعاوي
لما بيكون شد يعني سباق drag اية احسن rpm الواحد ينقل عنده علشان يحقق افضل تسارع؟

وهو مناسب جدا للمطالع لكن على حساب استهلاك الوقود وعمر المحرك ، برغم ان هذا الأسلوب يحسن استجابة محرك السيارة للتسارع

هل الزيادة في استهلاك الوقود بتزيد اثناء الحرق بس ولا بتزيد علي طول حتي لو ماشي علي الطريقة الاقتصادية؟

الاستاذ goodwave انت ممكن تمشي الطريق ده علي التاني اريح للعربيه من الاول ومتخفش هيديك نفس النتيجه الي انت عايزها من سرعه بطيئه مع تعليقه رجلك برضه علي الدبرياج