الموضوع: حادث هيونداي i10 بالصور .... العربية اتدمرت

المشاركة الأصلية كتبت بواسطة hassanstar

الف سلامة على حضرتك بس ممكن اعرف عملتى اية مع الراجل ال خبطك

وتانى حاجة انتى بعتى عربية على حالتها اتعقدتى يعنى من السواقة ولا علشان امرها اصبح صعب؟؟

الله يسلمك
الراجل اللي خبطني يا سيدي اعد ساعة الحادثة يقول انا متكفل بكل حاجة ( علاجك و العربية و كل حاجة) و بعدها واحد قريبو اتصل و قال هنديكو حقكو طبعا احنا بنعرف ربنا و احنا متكفلين بكل حاجة و بعد كدة اتهرب و بطل يتصل و الراجل اللي خبطني نفسو مسألش عليا ولا مرة ولا و انا في المستشفى ولا بعدها خااااااااااالص

*عى فكرة الحادثة دي من اربع شهور و نص و انا لحد دلوقتي لسة بتعالج ، عملت عملية و لسة عملية تانية*

بس طبعا اتعملو محضر و القضية ماشية و ربنا يسهل و اخد حقي بالقانون - ده على اساس ان مصر اصلا فيها قانون بيرجع للناس حقوقهم -

ثانيا متعقدتش ولا حاجة انا بحب السواقة جدا و اكيد هاسوق تاني ان شاء الله بس بعت العربية عشان تكلفة تصليحها كانت عالية اوي لأن العربية قطع غيارها غالية اوييييييييييي و كمان كسر الفتيس و كسر الموتور دول حاجة متطمنش و ممكن تأثر على العربية بعد كدة فانا قلت اخلص منها و اكمل باللي كنت هاصلح بيه و اشتري حاجة زيرو تاني ان شاء الله