الموضوع: عايز اعرف اسعار مواتير كالبيدا لرفع المياه

المشاركة الأصلية كتبت بواسطة gelgel2004

السلام عليكم
يا فندم و لاساذج و لاحاجه
الاوتوماتيك - ده مصطلح خطأ ابتدعه زمايلنا السباكين اللى فاهمين كل حاجه فى علوم السباكه التطبيقيه المتخصصه.
انه فى المعجم ذلك العلبه البلاستيكيه ذات الابعاد الطوليه 12 سم و ذات الارتفاع 6 سم و العمق 8 سم تقريبا و منها يتم تحديد وقت فصل الكهرباء عن الموتور
الحقيقه المره :- مختار الصحاح يعنى :-
الاسم :- مفتاح ضغط المياه
الوظيفه :- تحديد مده تشغيل و بدء الفصل
يعنى ممكن اتحكم فى قوه اندفاع المياه الخارجه من الموتور - اللى هو الطلمبه - خسب الارتفاع
الدور الاول مثلا اقلل الضغط
الدور الرابع اعلى الضغط و هكذا...
و الاهم معرفه قدره الموتور المطلوبه و كام موتور راكب فى العماره ......الخ

شكرا لحضرتك

المشاركة الأصلية كتبت بواسطة gelgel2004

بم الله الرحمن الرحيم
الاجابه
1/ لا -
2/ انتهى و عمره ما هيرجع ثانى ابدا لسبب بسيط - اللف موش بعدد سلوك معين - بيشوف - فى معظم الحالات - وزن الكابلات اللى خرجت و بيلف جديد بنفس الوزن - عموما انا شخصيا مبحبش الشغل ده يه
3/الفلتر المصمت من النيلين بجسر السويس او شارع الجمهوريه ب 90 الى 120 جم تقريباللنص بوصه و 180 الى 200 جم ال1.5 بوصه
4/سياسه شركه و الله اعلم............
التعليل :-
1/ 2 موتور 1.5 حصان كل 10 شقق على موتور
2/ كل موتور عليه من 3 الى 2 بلونه على الاقل .
3/ الاوتوماتيك حتما من الكريم للطلمبات - ايطالى - مجلفن و به مؤشر لضبط الفصل
4/ سباك بيفهم و الشغل كله بولى.
5/شيك بلف ايطالى يورك قبل الموتور .
مفتاح 10 امبير لكل موتور مع سلك ترمو معزول و معتمد 2 ملم لمسافه 20 م من مصدر الكهرباء او 1.5 لمسافه 15 م من مصدر الكهرباء
وده راى الشخصى فقط.....

انا شاكر افضالك يا باشمهندس جليل!
سؤال اخير لو سمحت:
الفلتر المصمت هو اللى حضرتك موضحه فى الرابط ده ؟ http://www.nileup.com//uploads/images/domain-f6529b2749.jpg

طيب ممكن رسم كروكى لو امكن يوضح طريقة التوصيل للفلوماك و الفلتر المصمت مع الموتور؟ أصل الرسم بيوضح اكتر من الكتابة. انا فاهم ان التركيب يكون بالتتابع التالى:

العمومى ــــــ<<عداد الهيئة>>ـــــــ (الفلتر المصمت)ــــــ (طلمبه)ـــــــ ((شبكة التوزيع او الخط الصاعد))

المشاركة الأصلية كتبت بواسطة gelgel2004

نفس الترتيب اللى حضرتك ذكرته بس لو هنركب فلوماك هنلغى الاوتوماتيك
لان الفلو ماك بيقوم بنفس الدور بالاضافه انه بيفصل الكهرباء عن الموتور عند انقطاع المياه.وهاحاول انزل الرسم
وانا فى الخدمه.......

أنا شاكر أفضالك و إهتمامك بالرد السريع - كلك ذوق

السلام عليكم ورحمه الله
انا عايز نصيحه
انا بافكر اشترى موتور يتم تركيبه فى الشقه ويتم سحب المياه بواسطته
هل هذا افضل ام تركيب موتور رفع يتم تركيبه فى الادور الارضى
انا باتكلم على شقه فى الدور الرابع بعد الارضى
مع خالص الشكر

المشاركة الأصلية كتبت بواسطة gelgel2004

السلام عليكم
ارجو ان حضرتك توضح :-
1/ المسافه من العداد اللى تحت العماره لبدايه العماره.
سوف اركب عداد خاص لى
2/ المسافه من الارضى الى الدور عند حضرتك - هل من المنور او من جنب العماره دون الدخول الى المنور -
لابد من الدخول الى خلف العماره يعنى مسافه تقريبا 30 مواسير
ومن ثم ايضا المسافه الى شقتى فى الدور الرابع
3/ عدد الوحدات اللى بتسخدم المياه - يعنى حمام و مطبخ و الا 2 حمام و مطبخ .
عدد 3 حمام ومطبخ واحد ويوجد مسافه بينهما
4/ نوع السخان اللى راكب - كهرباء ام غاز - و كام سخان .
سخان غاز - واحد فقط
5/نوع المواسير الداخليه - بولى ام حديد.
المواسير بولى
6/قطر المواسير اللى داخله للشقه - الصاعد - كام بوصه.
المواسير بداخل الشقه نصف بوصه ولم اقرر اذا كنت سوف اركب خارج الشقه ثلاثه ارباع او واحد بوصه
7/كام موتور راكب حاليا و قدراتهم الحصانيه - ام امكن.
مفيش مواتير حاليا بس مش عارف مستقبلا
العماره بها 22 شقه
8/بعد ده كله كنت فين امبارح من 8 الى 10 مساءا؟؟؟
كنت باتفرج على ماتش الاهلى

معلش طولت عليك بس ده لمصلحه حضرتك....
دمت بود...

وفى النهايه لك خالص الشكر