الموضوع: تقرير كامل مصور عن المقابلة العائلية الاولى لنايل موتورز برعاية قسم نيسان نايل موتورز

المشاركة الأصلية كتبت بواسطة drdreid

و الله انت كمان يا راجل يا محترم.
انا بس كنت باتابع التعليقات و اشوف الصور الجميلة.
بس الحقيقة انا اتفاجئت مفاجأة لطيفة عرفتني سر مزاجك العالي و دماغك الرايقة.
لك حق طبعا ما دام الموضوع طلع فيه " عن جد و إلك و هيك و تقبرني" و الحاجات الحلوة دي.الله يبارك لك يا سيدي
اما احنا فالحمد لله مبسوطين و تمام التمام و مش ناقصنا اي حاجة اوعوا حد يفهمني غلط
و بالنسبة للشباب الصغير اللي لسه ما اتج........ ابقوا اسألوا احمد يمكن يفيدكم في الموضوع ده. و بلاش نفسر اكتر من كده احسن النت لها ودان و عينين كمان.

دكتور عيد انا سعدت بلقائك بجد , ومش حخفى عليك سرا , فعلا نفسى التقى بيك تانى , لان نفسى اقعد مع حضرتك اطول وقت ممكن , حضرتك فعلا من الشخصيات المحترمة جدااا وفيك طيبة كبيرة جدا , وبصراحة بكون سعيد لما بسمع حضرتك وانت بتتكلم , وكمان كنت سعيد جدا لما كنت شايف حضرتك منتطلق فى البينج بونج مع وليد مع انى مكنتش بلعب معاكم , بس كنت شايف حضرتك مركز فى اللعب , انا قولت فى بالى هما بيلعبوا على بطولة ولا ايه , بس باين عليك لاعيب جامد وكنت مركز جدا


وموضوع المزاج الرايق ده , جه والله لما دخلت المنتدى واتعرفت عليكم , واتعرفت على اسرة نيسان , وانتم اللى ليكوا الفضل فى الموضوع ده , لان الواحد بيحبكم جدااا , ومستعد يخدمكم من القلب ,

وبجد شرفتنا ومجي حضرتك فوق راسنا وباذن الله نشوفك قريب تانى , لان القعدة معاك ميتشبعش منها ابداااااا



و لكل الناس انا بس النهاردة شفت الفيلم ده شوفوه و قولولي رأيكم

YouTube - ‫ط¹ظ…ط±ظˆ ط£ط¯ظٹط¨ ظˆطھط±ظٹظ‚ط© ط¹ظ„ظ‰ ط³ظˆط§ظ‚ط© ط§ظ„ط³طھط§طھ.flv‬‎


مع تحياتي
د.عيد
فيديو جامد جداااااااااااااااااااااا انا وقعت على روحى من الضحك لما شوفته
كان نفسى تنزله فى الاجتماعى عشان الناس تتفرج عليه اكتر والعضوات يدخلوا يشفوه هههههههههههههههه

المشاركة الأصلية كتبت بواسطة karim_monir

حقيقي كانت مقابلة اكثر من رائعة
احمد قام فيها بمجهود فوق العادي وتسلم ايدك وايد المدام كمان على القهوة العربي الرائعة اللي فوقتني من الخضة بتاعت حادثة رانا الحمد لله
القرية كانت جميلة وسعيد جدا اني قابلت كل الناس د كلها اسماء على صفحات المنتدى بتتحول لشخصيات حقيقية من صوت وصورة وابعاد ثلاثية وتفاعل
الحمد لله فعلا ان الواحد قدر يلم النا سدي كلها في مكان واحد
وشكرا جزيلا يا احمد على تعبك وتنظيمك الرائع
وشكر اكبر على شهادة التقدير الاكثر من رائعة انا ماستاهلهاش في غيري يستاهلها اكتر مني في ناس بتتعب في المنتدى ده كتير جدا
حقيقي خاب انتهز الفرصة واشكرهم بشدة وبعمق

نورت اسرة نيسان ونورتنى فى يوم المقابلة يا كريم , ولا شكر على واجب , احنا مش عارفين نعملك ايه بجد وانت تستاهل اكتر من كدا بكتير , احنا شايفين تعبك سواء جوة المنتدى او بره المنتدى للاعضاء ربنا بقويك ...


وبنتهز الفرصة دى كمان انى بشكر كل الناس القائمين على ادارة المنتدى ككل وفريق العمل , اللى اكيد بيشتغلوا بحب من اجلنا , وباذن الله اكيد حيكون دورهم جى فى التكريم فى المقابلات الاخرى لاسرة نيسان ,
و حنكرم كل انسان بيشتغل فى المنتدى بحب وبقلب لينا ,
ونكرم كل عضو بيتفانى في خدمة الاعضاء وده حيكون له اكبر شهادة فى قلوبنا

بس انا مش عارف ايه علاقة يوم الرحلة بالحيوانات
من اول حمار الرحلة اللي كان منورنا تحت البرجوله ومرورا بالقطة السخيفة اللي كانت مصممة تاكل الحواووشي من شنطة بسكوتة :-)
ولو كنت بس سيبتوني عليها كنت حطيتها في الكيس اللي استدرجتها اليه وقفلت عليها لاخر اليوم :-)
ونهاية بحفلة الغربان الرائعة اخر النهار

فعلا القطة مكنتش سايبة شنطة الاكل رايحة جاية راحة جاية مستقصدة بسكوتة هههههههههههههههه

بس اخر النهار الجو كان تحفةةةةةةةةةةة بلمتنا مع بعض على البحر , كانت جامدة القعدة فعلا

وان شاء الله تتكرر المقابلة تانى باذن الله وتكون مشرفنا دايما بحضورك

وتسلم ايدك على المانجة , كانت تحفة , ولما تيجى من السفر نبقا نروح نجيب تانى باذن الله

والف سلامة على عبد الرحمن ,
وان شاء الله تيجى من اليكس بالسلامة ,