عاجل ..... كومود الاعصار الصينى القادم!!!!!!!!

**pinkfloyd** · 02-03-2008 02:39 PM

يا شباب كل كلامكم صح الصح

بس عايز اقول حاجة لا وجة للمقارنه بنها وبين الماهندرا انا كنت هجيب الماهندرا لكن كلكم نصحتونى انى مجبهاش وفعلا انا سمعت كلامكم وانا بجد شاكر ليكم جدا كان زمانى راكب توك توك معدل.

لكن الكومودو فعلا عربية كويسه كونها صينى ومتقفلة فى مصر وسعرها المعقول اللى بيبتدى من 129900 الى 165000 الف جنيه. وللى بالفعل ناس كثير حجزوها ما يقرب من 1000 شخص تقريبا وانا عموما حجزتها وربنا يستر.

عموما التقفيل هيكون احسن من الصينى لانى شفت التقفيل الصينى وشفت التقفيل المصرى والعربية اللى معروضه فى السوق عند الموزعين دلوقتى هى التقفيل المصرى بالفعل مش الصينى.

اللى عايز يعرف اى معلومات عنها يقولى وانا عندى صور كثير ليها من الداخل والخارج. بس انا معرفس ازاى اعمل اب لود ليهم على الموقع

**pinkfloyd** · 02-03-2008 02:47 PM

على فكرة اختبار الصادم بتعها مشاء الله عليه ممتاز ومعايا الصور بتعها.

ممكن ناس كتير تقول اية اللى انتى بتقولة ده وليه بتدافع عنها بالطريقة دى لكن بجد انا بقالى سنه بلف على جميع العربيات الدفع الرباعى اللى فى نفس الحجم وبجد انا مبسوط ان العربيه دى نزلت السوق المصرى ومبسوط اكثر علشان تقفلها فى مصر.

العربيه هتغلى علشان تبقوا عارفين فى القريب العاجل لان سعرها يعتبر رخيص جدا على اللى موجود فيها

يا شباب انا نزلت تحت العربية اكثر من مرة وشفتها اكثر من مرة وسوقتها بجد هى دى المعادلة الصعبة اللى على الاقل انا كنت مستنيها ( سعر + شكل جمالى + تقفيل مصرى + موتور يابانى معلش هو قديم شوية لكن استهلاكه للبنزين يعتبر معقول + توافر قطع الغيار بسعر معقول ) تبقى كويسة على الاقل فى مصر للى عايز يركب عربية 4 فى 4 بسعر مناسب.

يا شباب شكلها تقريبا قريب من التويوتا البرادو مع الفارق الكبير فى السعر.

ارجو يا اصدقائى اللى يعرف اى حاجة يقولى يمكن اكون انا غلطان

**girgiskamal** · 04-03-2008 02:11 PM

ياريت سيادتك تقول فين سوقتها وفين نحجز test drive

**mahamedaraby** · 04-03-2008 10:42 PM

شكلها هتدمر السوق بس بجد شكلها حلو وسعرها احلى

ومبروك عليك مقدما

**pinkfloyd** · 06-03-2008 01:23 PM

الله يبارك فيك يا باشا

**bimmeraddict** · 06-03-2008 07:13 PM

المشاركة الأصلية كتبت بواسطة PRO-DRIVE

الكلام دا لو بجد يبقي غبااااااااااااااااااااااا اااااااااااء

من اعتراف كل محبين الامريكي ان اسؤأ نواقل حركه هي الامريكيه الصنع :s

اخدوا اوحش حاجه في الامريكي :s

يا راجل !!!!!!!!
بجد اسؤأ نواقل حركه هي الامريكيه الصنع؟

**PRO-DRIVE** · 06-03-2008 07:43 PM

المشاركة الأصلية كتبت بواسطة bimmeraddict

يا راجل !!!!!!!!
بجد اسؤأ نواقل حركه هي الامريكيه الصنع؟

روح شوف كرايسلر و من بعد اندماجها مع مرسيدس رمو كل نواقل الحركه في الزباله و استوالوا
علي بتاعت مرسيدس

جنرال موتورز كانت بتاخد نواقل حركه من فيات !!! و تسولت نواقل حركه سوبارو في 2006

فولفو هي اللي بتصنع نواقل الحركه لفورد :)

باقي مين :) ؟

مفيش شركه امريكيه صنعت لليوم DSG او حتي نظام مشابه

الفضل الوحيد لأمريكا في نواقل الحركه في اولز موبيل او كاديلاك مش فاكر بالظبط

يكفي ان كابرس لغايه السنه اللي فاتت كانت 3 نقلات بس :D

**ahmed1981** · 07-03-2008 11:05 AM

المشاركة الأصلية كتبت بواسطة PRO-DRIVE

يكفي ان كابرس لغايه السنه اللي فاتت كانت 3 نقلات بس :D

الكابرس الإستيشن موديل88 اللي كانت معايا بموتور 507 (تقريباً ده إسمه) تقريباً هو موتور البيوك
كانت فتيس أوتوماتيك خمس نقلات

**PRO-DRIVE** · 07-03-2008 03:22 PM

المشاركة الأصلية كتبت بواسطة ahmed1981

الكابرس الإستيشن موديل88 اللي كانت معايا بموتور 507 (تقريباً ده إسمه) تقريباً هو موتور البيوك
كانت فتيس أوتوماتيك خمس نقلات

صح :) بس دا كان زماااان :)

و هي فعلا للسنه اللي فاتت ب3 نقلات بس

بس المشكله مش انهم ميقدروش المشكله تقلييييل تكلفه الانتاج

عاوزين يصنعوا اقوي عربيه بأرخص الاسعار :)

**sokasoon** · 08-03-2008 12:29 AM

العربية تعتبر كويسه على سعرها بس بالنسبة لموتور 2400 سى سى

واستهلاك البنزين 200 كم فى اقل من ال20 لتر معتقدش ابدااااااااا اذا كان انا العربية

بتعمل 150 كم فى ال20 لتر بعدين دلوقتى الشوارع كلها بقت متكدسة بالسيارات

يعنى هتستهلك بنزين اكثر من المعتاد وكمان البنزين بيغلا مش بيرخص