الموضوع: هو دة حلال ولا حرام ادى تجربتى واحكوموا

مش تحيز لاى نوع سيارة بس ممكن تجيب حجات حلوة ب ال 85

بس ابعد نهائيا عن الاسبرانزا و توكيلها السئ

المشاركة الأصلية كتبت بواسطة MEZAONLY

el byd عربية ممتازة والناس بتشكر فيها بس بجد انا اتخنقت من اسم الصينى بجد انا جبت جاز

فعلا العربيه ممتازه و انا بقول رأي من خلال اللي شوفتو في المصنع ...انا بتدرب في مصنع ال بي واي دي في العاشر الناس هناك بتشتغل بضمير في جميع المراحل (لحام دهان تجميع) بالنسبه للحام مستخدمين تكنولوجيا حديثه و مسدسات لحام كويسه برضو في الدهان العربيه بتمر بأكثر من مرحله لمحاوله تفادي عيوب الدهان قدر الامكان ( وعلي فكره ورشه دهان ال بي واي دي هي هي ورشه دهان اللادا) لان ال2 بتجمعهم نفس الشركه.....و اشد حاجه عجبتني في ال byd هي ان عفشتعها تويوتا و موتورها متسوبيشي....بعد الانتهاء من تجميع العربيه بيتعملها ظبط زوايا بأحدث الاساليب و في خط مخصوص بيشيكو علي العربيه قبل متخرج للبيع لعلاج اي عيب فيها.... في الشاور تست ( وهو عباره عن اختبار للعزل العربيه فيه بيترش عليها مايه من كل حته و يشوفو هتسرب ميه منين) النتايج فوق الممتازه العربيه عزلها رااائع و مفيش اي ذره ميه بتخش للكابينه ..يعني اساسيات العربيه كموتور وعفشه ممتازه لكن هي صاجها ضعيف (ورق) و خامات الطابلوه و العدادات بلاستك رديء و دا مبدأ (القيمه مقابل السعر) ....و الجماعه الصينين دايما متابعين الشغل في المصنع ...هي بس العريبه دي ينقصها التسويييييييق الجيد وكل المهندسين بيقولو لصاحب المصنع كدا لكنو منفض....يعني انا مبحبش العربيات الصيني و دا مبدأ عندي بس انا اما شفت تجميع العربيه دي احترمتها لان امكانيات المصنع ممتازه جدا بالنسبه لمصنع بيجمع عربيه ب 64 الف و العربيه بتخرج من المصنع خاليه من اي عيب بنسبه 99.5% ...و هي احسن بكتيييير من الاسبرانزا ..اللي انتشرت نتيجه براعه حسام ابو الفتوح في التسويق لكن هي مش عربيه كويسه.. ..byd احسن منها بمراااااحل....دا رأيي و اسف علي الاطاله

المشاركة الأصلية كتبت بواسطة msoltan

يقول الكثير من الناس ان السيارة اسبرنزا 516 عند شرائها تكون مثل البطيخة اما ان تكون قرعة او تكون حمرة وانت وحظك انا عن نفسي قمت بشراء ال byd f3 gli واستلمتها امس ولم ارخصها وذلك بعد حوالي 25 يوما من البحث في مواقع السيارات وهي علي قد فلوسي وربنا يبارك لي فيها لإن الفلوس مش بتيجي بالساهل 23/7/2010

ان شاء الله ربنا هيباركلك فيها و هتعجبك العربيه ممتازه بالنسبه لباقي العربيات الصيني ولو في اي استفسار انا ممكن اساعدك علي قد مقدر لان العربيه دي اتجمعت قدامي من شويه صاج لحد الصوره اللي حضرتك بتشوفها عليها

المشاركة الأصلية كتبت بواسطة egypt0777

يا راجل ده اخوانا السعوديين عملوا عربية و اسمها غوال 4*4

واحنا نقعد نقول احنا الحضارة

احنا الاصل احنا التاريخ

لحد اما نلاقى اخونا بتوع الصومال بيقوا يصنعوا عربيات و احنا بنتشريها منهم و نقول ياه ده عربية صومالى ده ممتازه

دا كلام صحيح اخونا السعودين عملو عربيه اسمها غزال وعلي قد مفرحت للخبر دا علي قد محزنت علي وضعنا لان مص بتجمع سيارات من سنه 1935 لمن لا يعلم ....يعني المفروض في 2010 يبقي عندي حاجه في وزن فولكس او بي ام بس تعمل ايه بقي تاريخنا كلو يا اما حروب يا ما فساد سطله و نظام

المشاركة الأصلية كتبت بواسطة egypt0777

و الله حاجه غريبة المصريين دول

حوالى 95 % من الناس فى قسم الاسبرانزا اجمعوا ان العربية سيئة بسبب توكيلها و قطع غياره المضروبه ( عن تجارب)
و 5% من الناس مبسوطة من عربيتها عشان التوكيل عنده شويه ضمير كل ( 9 حتت بايظة فيها حته سليمة )

و برده الناس بتسال اجيبها ولا لا

مش عارف الواحد يقلهم ايه بصراحة -- فعلا يا جماعة ما تسترخصوش و ابعدوا نهائيا عن عربيات ابو الفتوح

الناس بتسأل اجيبها ولا لأ دا لان ابو الفتوح رجل تسويق من طراز فريد بمعني انو بيعرف يعمل من الفسيخ شربات...العربيه الاسبيرانزا دي ملهاش وجود في اي حته غير مصر ...خش كدا علي اي موقع صيني او حاجه اجنبيه هتلاقي اسمها (شيري) مش (اسبيرانزا) حسام باشا هو اللي غير الاسم لما جه ينزل الموديلات الجديده زي 113 و 512 و الذي منو لان الناس مكنتش حابه العربيات الشيري و كانت سمعتها في الطين هو كل اللي عملو غير الاسم...جه ناس فاهمه قالو دي هي هي الشيري ..بيرد هو من خلال رجال المبيعات لأ دي اسمها اسبيرانزا و تختلف شكلا و موضوعا عن الشيري ويبدأ يسردلك الفروق و مميزات الاسبيرانزا للي هي الشيري اصلا....و زي مبيقولو الزن علي الودان أمر مالسحر الناس اقتنعت تماما ان دي اسبيرانزا و الاسم اتشهر و تداول....بص برضو علي حاجه تانيه شوف ابو الفتوح بيعمل اعلانات ازاي..مبينزلش بحملات ضخمه زي منصور و يجبلك نجوم تليفزيون يعملو اعلانات ...لكن بيستخدم اسلوب اكثر توفيرا و بيأثر كويس برضو في المتلقي...هضرب مثال بسيط...انا شوفت علي الطريق مره و انا مسافر (تقريبا الدائري) اعلان بي ام ..وراه علي طول اعلان اسبيرانزا...طبعا اختيار المكان دا مش صدفه ولا عشوائي.. انت اما تشوف اعلان البي ام هتنتبهلو غصب عنك و لجمال الصوره و شهره الماركه ذات نفسها هتجذب انتباهك...هو بقي عاوز يستغل انتباهك دا في يحط اعلانو بعد البي ام يعني لو واحد مثلا عندو الفئه التالته و لا حاجه و كان بيفكر في عربيه لابنو بأسلوب اعلان زي دا ممكن يدخل الاسبيرانزا في حساباتو يبدأ يدعبس ورا العربيه...كل دي حاجات هما بيعملوها و بيشدونا للمنتج من غير مناخد بالنا ..و دا اللي بيسموه بتوع التسويقconsumer behaviorو شكراا

المشاركة الأصلية كتبت بواسطة x512

الناس بتسأل اجيبها ولا لأ دا لان ابو الفتوح رجل تسويق من طراز فريد بمعني انو بيعرف يعمل من الفسيخ شربات...العربيه الاسبيرانزا دي ملهاش وجود في اي حته غير مصر ...خش كدا علي اي موقع صيني او حاجه اجنبيه هتلاقي اسمها (شيري) مش (اسبيرانزا) حسام باشا هو اللي غير الاسم لما جه ينزل الموديلات الجديده زي 113 و 512 و الذي منو لان الناس مكنتش حابه العربيات الشيري و كانت سمعتها في الطين هو كل اللي عملو غير الاسم...جه ناس فاهمه قالو دي هي هي الشيري ..بيرد هو من خلال رجال المبيعات لأ دي اسمها اسبيرانزا و تختلف شكلا و موضوعا عن الشيري ويبدأ يسردلك الفروق و مميزات الاسبيرانزا للي هي الشيري اصلا....و زي مبيقولو الزن علي الودان أمر مالسحر الناس اقتنعت تماما ان دي اسبيرانزا و الاسم اتشهر و تداول....بص برضو علي حاجه تانيه شوف ابو الفتوح بيعمل اعلانات ازاي..مبينزلش بحملات ضخمه زي منصور و يجبلك نجوم تليفزيون يعملو اعلانات ...لكن بيستخدم اسلوب اكثر توفيرا و بيأثر كويس برضو في المتلقي...هضرب مثال بسيط...انا شوفت علي الطريق مره و انا مسافر (تقريبا الدائري) اعلان بي ام ..وراه علي طول اعلان اسبيرانزا...طبعا اختيار المكان دا مش صدفه ولا عشوائي.. انت اما تشوف اعلان البي ام هتنتبهلو غصب عنك و لجمال الصوره و شهره الماركه ذات نفسها هتجذب انتباهك...هو بقي عاوز يستغل انتباهك دا في يحط اعلانو بعد البي ام يعني لو واحد مثلا عندو الفئه التالته و لا حاجه و كان بيفكر في عربيه لابنو بأسلوب اعلان زي دا ممكن يدخل الاسبيرانزا في حساباتو يبدأ يدعبس ورا العربيه...كل دي حاجات هما بيعملوها و بيشدونا للمنتج من غير مناخد بالنا ..و دا اللي بيسموه بتوع التسويقconsumer behaviorو شكراا

يعنى ابو الفتوح باءه كده عامل زى الطفيليات - متطفل على اعلانات الناس المحترمين مش اكتر من كده

بلاششششششششششششششششششش صينى
انا معايا التيجو واشتريتها من حوالى 6 اشهر وشفت المر علشان الشماكل اللى فى العربية
المشكلة انة علشان مفيش نظام توكيد جودة محترم فى المصنع العربيات بتخرج مش زى بعضها
يعنى على راى الاخوة زى البطيخة انت وحظك...يا تطلع حمرا يا تطلع بدنجان اسود

يعنى ابو الفتوح باءه كده عامل زى الطفيليات - متطفل على اعلانات الناس المحترمين مش اكتر من كده

مش متطفل حضرتك بس دا بيزنس...يعني انا قدامي وسيله دعايه رخيصه و مؤثره جدا يبقي ليه مستعملهاش!!