الموضوع: انا طهقت سيتى 2009 بتتزحلق وتطير

اولا شكرا لكل من تفاعل وشارك بالرد واحب اقول شوية حاجات :
اولا استاذ Horsepower احب اوضحلك شئ انت بتقول " ممكن حضرتك لو شاكك في التوكيل تشييك على شغله برة ... يعني لو التوكيل قالك مشكلة زوايا وضبطهالك و إنت شايف إن الزوايا لسة فيها مشكلة وإن التوكيل معملش حاجة إكشف على الزوايا برة التوكيل الأول قبل ما نقول إنهم غلط."
الموضوع زى ما حضرتك شايف ردود باقى الاعضاء انا مش موسوس ولا بفتكس دى مشكلة حقيقية وبتحصل فعلا ان العربية يتغير ضغط الهوا من تحتها فتتحرك بالجنب بالكامل مش تحدف وممكن لاقدر الله تتقلب والمشكلة دى الىل بيعالجوها فى اوروبا والدول المتقدمة باللاسبويلر لكن للاسف الاسبويلر فى مصر مجرد حلية ومنظر تجميلى لانة بيبقى له حسابات خاصة علشان يبقى له تاثير حقيقى وايجابى مش سلبى ومايعملش نتيجة عكسية ويقلبها بدل ما يثبتها لذلك الحل الاخر الاسهل فى مصر هو تعريض الكاوتش والجنوط وتسقيط العربية لكن ليهم مشاكلهم بردة على العفشة وفى المطبات الجبلية فى شوارعنا العربية هاتخيش من تحت

الشيئ الاهم والكوميدى وان التوكيل اللى حضرتك واثق فية جدا وزعلان انى بشكك فية مدينى تقرير عن عملية ضبط الزوايا والاتزان للعربية مكتوب فية سيتى 2002 ولما سالت المهندس اية دة انتوا استخدمتوا برنامج بتاع 2002 وهى مواصفتها حاجة تانية الاول تنج وبعدين خطف التقرير وقراة وبعد كدة قالى لا اكيد فى حاجة غلط وسابنى ورجع قالى لا هو البرنامج بتاع 2009 لكن هو انطبع من الشاشة الاسم غلط اصلة متسيف باسم تانى لكن هو بالمواصفات الجديدة جربها بس وقولى لو فى مشكلة ؟؟؟؟؟؟؟؟؟؟؟؟ وخرجت جربتها لقيتها بتحدف شمال لكن كانت الساعه 4ونصف وبيقفلوا وانا للاسف ماعنديش وقت اروح غير يوم السبت وكنت مضطر انتظر للسبت دة وماروحتش لان كان عندى مشكلة فى الفيرنا فى الفتيس ودى قصة تانية وكانت اولى بالتظبيط لانها هاتقف تماما فاجلت انى اروح للسبت القادم والتقرير موجود .

يعنى المهندس فتى فتوتين الاولى ان الحدف دة بسبب الزوايا ثانيا ان زوايا 2002 هى 2009 او انطبعت غلط وجرب وقولنا رايك.؟؟؟

اخر شئ شكرا للاستاذ abd_el_7amid على ردك علشان الناس تصدق انى مش بقول اى كلام لانها اتكررت معايا على طريق شرم الشيخ وطريق الغردقة وطريق اسكندرية وفعلا المشكلة انها عالية من ورى وعلى رايى الاستاذ janjon1978 ان اسمها سيتى يعنى سيارة ولا اروع ولا اجمل داخل المدينة وعلى الطريق لحد 140 بعد كدة ربك هو اللى بيستر والله عموما نظرا لانتشار اللجان وارتفاع المخالفات وخوفا على الارواح مالوش لزوم الواحد يزود عن كدة :)
ومرة اخرى شكرا لكل الاعضاء على مساهمتهم

زميلى مروان

انا معايا سيتى 2008 و الموضوع اللى انت بتتكلم فيه ده عادى جدا عشان من الطبيعى ان وزن العربيه بيقل مع السرعات العاليه و ده حقيقه علميه عشان الهواء بيشيل العربيه و بيخفف وزنها.
الكلام ده موجود فى اغلب العربيات اللى موجوده زى الياريس و الصنى و الفيرنا فمتقلقش..

لو انت حابب ممكن تكبر الجنوط شويه بس خلى بالك ده ممكن ياثر على العفشه على المدى الطويل. انا برده زيك الهواء بيحرك العربيه حتى لو معايا ناس ..... اتوكل على الله و استمتع بالعربيه و متلعبش فى العفشه . و ربنا يبارك ليك فيها

اي عربية فيها اللي بيحصل في عربيتك دا