انا طهقت سيتى 2009 بتتزحلق وتطير

**Horsepower** · 17-07-2010 04:33 AM

أستاذ مروان,
سبب ضعف ثبات أي عربية مع زيادة السرعة بيكون طبيعي بسبب الهواء إللي بيعدي بسرعة تحت العربية و بيحاول يرفعها عن الأرض... لو الموضوع يهمك تابع معايا الكلام الجاي ...
شوف الموضوع ده من أساسيات الإيرودايناميك ... فيه قانون بيقول إن كمية أي Media (زي الهواء والمياه)إللي تدخل حيز لازم تساوي الكمية إللي خارجة من نفس الحيز... وديه معادلة بمتغيرين ... مساحة و قوة ... أو مساحة وسرعة.

ببساطة المفروض إن تصميم أي سيارة يكون الGround clearance بتاعها من الخلف أكبر من الأمام ... يعني إرتفاع العربية من ألخلف يكون أكبر من الأمام ... ليه؟ ... علشان ثلاث حاجات:
1- سرعة وقوة الهواء الخارج من أسفل خلف السيارة يكون أقل من سرعة وقوة دخوله من الأمام و بالتالي تلاقي العربية عايزة تميل للأمام دائما وده يخلي العربية لازقة على الأرض ويزيد ثباتها كل ما السرعة تزيد.
2- يقلل دوامات الهواء إللي عايزة ترفع العربية عن الأرض.
3- يمنع إصطدام الهواء بشاسيه العربية من تحت وبالتالي يخف وزنها زيادة.

طيب نعمل إيه دلوقتي؟

هاقولك على مثال بسيط ... هات حتتين ورق صغيرين كل واحدة حوالي 2 سم في 10 سم مثلا ... وإمسك كل ورقة بإيد وحطهم قصاد بعض و إنفخ ببقك بينهم ... هاتلاقي الورقتين عايزين يلزقو في بعض من النصف و بيبعدو عن بعض من آخرهم ... أهو هو ده إللي إحنا عايزنه يحصل

العربيات ذات المواصفات الأوروبية بيكون فيها تحت الإكصدام الأمامي بطوله حتة كاوتش "زي الشِفَة" ساقطة حوالي بوصة معمولة علشان تكسح الجليد من تحت العربية ومايوصلش للشاسيه.
الكاوتشة دي بتعمل حاجة تانية إنها بتقلل كمية الهواء إللي داخل تحت العربية من قدام وبالتالي تزود ثبات العربية مع السرعات العالية ... وفي نفس الوقت مصنوعة من كاوتش علشان تاخد وتدي مع المطبات.
لو حضرتك جيبت كاوتشة أعرض شوية وخليت أي صانيعي يثبتهالك تحت الإكصدام الأمامي و بطوله إن شاء الله هاتزودلك الثبات مع السرعات العالية.

**M.almaghraby** · 17-07-2010 05:05 AM

العربيات ذات المواصفات الأوروبية بيكون فيها تحت الإكصدام الأمامي بطوله حتة كاوتش "زي الشِفَة" ساقطة حوالي بوصة معمولة علشان تكسح الجليد من تحت العربية ومايوصلش للشاسيه.
الكاوتشة دي بتعمل حاجة تانية إنها بتقلل كمية الهواء إللي داخل تحت العربية من قدام وبالتالي تزود ثبات العربية مع السرعات العالية ... وفي نفس الوقت مصنوعة من كاوتش علشان تاخد وتدي مع المطبات.
لو حضرتك جيبت كاوتشة أعرض شوية وخليت أي صانيعي يثبتهالك تحت الإكصدام الأمامي و بطوله إن شاء الله هاتزودلك الثبات مع السرعات العالية

كلام كبير اوي دا :))

**maraaawan** · 24-07-2010 01:40 PM

الاستاذ Horsepower هو انت لية مصر فى كل مرة ترد فيها تتجاهل كلامى وكانك مش شايفة انت بتقول هات تقرير من برة ولية من برة والله العظيم للمرة الثالثة اؤكد لسيادتك انى مش محتاج اجيب تقرير من برة احطة فى عيونهم لان هما باديهم مهندسى الفطيم خرجوا جربوا العربية ( انت بتقول مابيخرجوش لاى حاجة للامانة مافيش مرة طلبت حد يخرج يجربها الا وبعتوا حد فعلا ) وتاكدوا انها مشكلة زوايا وباديهم هما طبعوا تقرير من عندهم علية كل ما يثبت انهم اللى عاملين التقرير بيقول ان العربية تم ضبطها على برنامج سيتى 2002 بينما عربيتى موديل 2009 وكانت النتيجة ان العربية باظت خالص الصوت بقى اعلى فى الملفات وبتحدف وتعوم على طول وفى كل الاتجاهات ومجربوش بعد التصليح لان المواعيد كانت انتهت فعلا ومارجعتش بعدها لانشغالى .

السادة الاعضاءالزملاء لو الكلام دة اللى كتبتة اول مرة خالص وتاى مرة رديت فيها بيجى هنا ومش بيظهر قولولى هو انتوا كمان ماقرتوش انو فعلا قلت الكلام دة والله شكلك شارى اسهم فى الفطيم وخايف لتنزل اسعارها ههههههههههه الكلام اهه بتاع اخر مرة لانى معرفتش اعمل اقتباس بس ارجعوا لكلامى والنبى اول وتانى مرة وشفوة

ودة اللى كتبته المرة اللى فاتت لانى مش عارف اعمل اقتباااس ( الشيئ الاهم والكوميدى وان التوكيل اللى حضرتك واثق فية جدا وزعلان انى بشكك فية مدينى تقرير عن عملية ضبط الزوايا والاتزان للعربية مكتوب فية سيتى 2002 ولما سالت المهندس اية دة انتوا استخدمتوا برنامج بتاع 2002 وهى مواصفتها حاجة تانية الاول تنج وبعدين خطف التقرير وقراة وبعد كدة قالى لا اكيد فى حاجة غلط وسابنى ورجع قالى لا هو البرنامج بتاع 2009 لكن هو انطبع من الشاشة الاسم غلط اصلة متسيف باسم تانى لكن هو بالمواصفات الجديدة جربها بس وقولى لو فى مشكلة ؟؟؟؟؟؟؟؟؟؟؟؟ وخرجت جربتها لقيتها بتحدف شمال لكن كانت الساعه 4ونصف وبيقفلوا وانا للاسف ماعنديش وقت اروح غير يوم السبت وكنت مضطر انتظر للسبت دة وماروحتش لان كان عندى مشكلة فى الفيرنا فى الفتيس ودى قصة تانية وكانت اولى بالتظبيط لانها هاتقف تماما فاجلت انى اروح للسبت القادم والتقرير موجود .

يعنى المهندس فتى فتوتين الاولى ان الحدف دة بسبب الزوايا ثانيا ان زوايا 2002 هى 2009 او انطبعت غلط وجرب وقولنا رايك.؟؟؟)

**Horsepower** · 24-07-2010 08:00 PM

المشاركة الأصلية كتبت بواسطة maraaawan

الاستاذ horsepower هو انت لية مصر فى كل مرة ترد فيها تتجاهل كلامى وكانك مش شايفة انت بتقول هات تقرير من برة ولية من برة والله العظيم للمرة الثالثة اؤكد لسيادتك انى مش محتاج اجيب تقرير من برة احطة فى عيونهم لان هما باديهم مهندسى الفطيم خرجوا جربوا العربية ( انت بتقول مابيخرجوش لاى حاجة للامانة مافيش مرة طلبت حد يخرج يجربها الا وبعتوا حد فعلا ) وتاكدوا انها مشكلة زوايا وباديهم هما طبعوا تقرير من عندهم علية كل ما يثبت انهم اللى عاملين التقرير بيقول ان العربية تم ضبطها على برنامج سيتى 2002 بينما عربيتى موديل 2009 وكانت النتيجة ان العربية باظت خالص الصوت بقى اعلى فى الملفات وبتحدف وتعوم على طول وفى كل الاتجاهات ومجربوش بعد التصليح لان المواعيد كانت انتهت فعلا ومارجعتش بعدها لانشغالى .

السادة الاعضاءالزملاء لو الكلام دة اللى كتبتة اول مرة خالص وتاى مرة رديت فيها بيجى هنا ومش بيظهر قولولى هو انتوا كمان ماقرتوش انو فعلا قلت الكلام دة والله شكلك شارى اسهم فى الفطيم وخايف لتنزل اسعارها ههههههههههه :pointiy2[2]: الكلام اهه بتاع اخر مرة لانى معرفتش اعمل اقتباس بس ارجعوا لكلامى والنبى اول وتانى مرة وشفوة

ودة اللى كتبته المرة اللى فاتت لانى مش عارف اعمل اقتباااس ( الشيئ الاهم والكوميدى وان التوكيل اللى حضرتك واثق فية جدا وزعلان انى بشكك فية مدينى تقرير عن عملية ضبط الزوايا والاتزان للعربية مكتوب فية سيتى 2002 ولما سالت المهندس اية دة انتوا استخدمتوا برنامج بتاع 2002 وهى مواصفتها حاجة تانية الاول تنج وبعدين خطف التقرير وقراة وبعد كدة قالى لا اكيد فى حاجة غلط وسابنى ورجع قالى لا هو البرنامج بتاع 2009 لكن هو انطبع من الشاشة الاسم غلط اصلة متسيف باسم تانى لكن هو بالمواصفات الجديدة جربها بس وقولى لو فى مشكلة ؟؟؟؟؟؟؟؟؟؟؟؟ وخرجت جربتها لقيتها بتحدف شمال لكن كانت الساعه 4ونصف وبيقفلوا وانا للاسف ماعنديش وقت اروح غير يوم السبت وكنت مضطر انتظر للسبت دة وماروحتش لان كان عندى مشكلة فى الفيرنا فى الفتيس ودى قصة تانية وكانت اولى بالتظبيط لانها هاتقف تماما فاجلت انى اروح للسبت القادم والتقرير موجود .

يعنى المهندس فتى فتوتين الاولى ان الحدف دة بسبب الزوايا ثانيا ان زوايا 2002 هى 2009 او انطبعت غلط وجرب وقولنا رايك.؟؟؟)

حضرتك في أقرب زيارة للتوكيل تدخل على مكتب المدير (باب مكتبه يمين فاترينة عرض الأكسيسوريز - ورا العربية السيتي المعروضة في الدور الأرضي) و إحكيله إللي حصل و قول له على إسم المهندس إللي كنت معاه وقتها و هو إن شاء الله هايعمل اللازم ... و قولنا عملت إيه ... ماتستهونش في حقك.

**HADDAD** · 24-07-2010 10:14 PM

السادة الافاضل اخوانى فى المنتدى

انا بحب المنتدى جدا بس للاسف للفرجة بحب اتفرج مش بشلارك كتير او يمكن مبشاركش اصلا اتمنى ان يكون عندكم سعة صدر للى هقولة
انا مفسى يكون فى منتدانا الغالى قسم للاستفسارت يكون فية مشرف (مع احترامى للمشرفين طبعا) راجل تكنيكال فنى مش فنى فى الحرفيين لا راجل بتاع فنيات زى ما بيقولوا فى الدين راجل فقية يفتينا
احنا نسال يدينا الفتوى النهائية
احنا كلامنا جميل جدا بس كلة عن تجارب شخصية او تصفح اليوتيوب او مواقع و منتديات العربيات الاجنبية كل دا حلو بس ..... بصراحة انا مش لاقى كلام اقولة يعبر عن الى جوايا من غير ما ازعل حد
بس انا مثلا لو قريت فى الدين اكيد انا مش هفهم زى واحد فقية
و الكورة و السياسة و غيرة اكيد مش هقدر احلل الموضوع الى قريتة واهضمة و اشرحة زى حد متخصص
انا نفسى نقلب المنتدى على واحد متخصص نسالة و يجاوب هوا الى ينهى المشاكل و الخلافات الى بينا
حد يجى يقول انا السى فى بتاعى اهوا ويبقى حكم فنى بينا
انا عمال اشوف خناقات كتييييييييييييييييييييير وناس تقول اة و ناس تقول لا وحاجات كدا ومحدش مستفيد
انا نفسى نستفيد
السؤال يتجاوب بطريقة فنية و ناهية يبقى فية معلومة كلنا نستفيد منها طبعا اسف على الاطالة وعلى المداخلة الى ملهاش اى لازمة فى الموضوع اتمنى ان صدركم يكون واسع و بالمناسبة انا اعرف مدير دعم فنى فى شركة وبراند كبير هنا فى مصر وممكن احط السى فى بتاعة لو انتم عاوزين تعملوا قسم لكدا

الاستاذ صاحب السيتى الى بتتزحلق بس يا فندم ولاى حد بيسال موضوع ان العربية تتوطى او تتعلى او تعرض الكاوتش بس يا فندم مهما تعمل فى العربية العربية دى معمولة بمقاومة هوا معينة الايروا دينامكس مهما تعمل فيها مش هيتغير تغييريات جذرية حاجات بسسسسسسسيطة جدا
السادة الافاضل العربية النقل والاتوبيس و الحاجات دى بتبقى بتزق الهوا قدامها وازاحة الهوا دى طبيعى بتعمل ضغط على الجناب بتفرغ هوا يعنى اى جسم بيعدى فى تفريغ الهوا دا لازم يتعرض لضغط جانبى وياثر علية بمعدل ازاحة هيختلف حسب تصميم العربية
التوطية والعفشة و الاسبويلر هياثر على ضغط الهوا المقابل لحركة العربية للامام
يعنى محدش سمع ان الاسبويلر ولا الفرنت ليب هياثر على العربية فى الدريفت انما ياثر ويفرق فى الدراج ريس

تمام
احب اوضح حاجة تاينة اى عربية مصممة للريس حتى مقاومة الهوا بتاثر فيها
طيب انا هقول على معلومة جامدة جدا فى الريس دايمن تحس ان ممكن الناس تعدى بعضها بس تلاقيهم لازقين فى بعض كانهم قطر لية بيستغل ان اول عربية بتعمل كسح للهوا قدامها والباقى بيتفيد منها فانة يمشى تحت فرق الضغط دا علشان يقلل استهلاك الكاوتش وكدا و يفضل محافظ على اداء العربية ( طبعا فى الريس كاوتش كويس يعنى تماسك كويس يعنى يفضل ماسك سرعة كذا لاب يعنى يحقق وقت )

لو حد فيكم بيسافر مشاوير طويلة وكدا و وحوا ماشى زى طريق السخنة فى اتجاة القاهرة او غيرة
الطريق مليان مطالع صح العربية ماسكة سرعة و ال rbm عالى تمام نقى اوتوبيس بيجى و امشى وراة
خديك جوا الخمسة متر الى وراة ( طبعا خطر جدا و عاوزة سواق صاحى ) حتلاقى الموتور بقى اهدى مع انك لسة على نفس السرعة وال ال rbm بقى اقل و لو فضلت كداا مسافة هتلاقى تحسسن كبيير فى استهلاك البنزين
لية لانة ماشى جوا كسح الهوا بتاع الاتوبيس
طيب سيب ورا الاتوبيس و اطلع من الجنب و احكيلى
النهاية لانى رغيت كتير موضوع الازاحة الجانبية دا طبيعى و اتحدى اى حد يقول انة ممكن يتلغى بالجنوط او التعريض او التوطية

الا اذا كان بيتكلم عن توطية السقف